Մասնակից:Marieta 2006/Իլդար Աբուզյարով

Իլդար Աբուզյարով (թաթ.՝ Илдар Әнвәр улы Әбүзаров, ), ռուսաստանցի թաթար գրող:

Կենսագրություն[խմբագրել | խմբագրել կոդը]

1998 թվականին առաջին անգամ սկսել է հրապարակել իր պատմվածքները «Նիժնի Նովգորոդ» ամսագրում։ Որպես սպորտային մեկնաբան համագործակցել է նովգորոդյան թերթերի հետ։ Դասավանդել է նովգորոդյան «Մախինուր» մեդրեսեում^[1]։ 2000 թվականին ավարտել է Նիժնի Նովգորոդի պետական համալսարանի պատմության ֆակուլտետը։ Զուգահեռաբար սովորել է Մոսկվայի իսլամական քոլեջում։ Աշխատել է որպես պահակ, բեռնակիր, լրագրող, պատուհանների բլոկների արտադրության պետ, «Օկտյաբր» թերթի առևտրային գծով տնօրեն։

Ստեղծագործություն[խմբագրել | խմբագրել կոդը]

Արձակ ստեղծագործությունները տպագրվել են «Զնամյա»^[2], «Վավիլոն», «Օկտյաբր», «Ուրալ», «Նովի միր», «Նևա», «Դրուժբա նարոդով», «Յունոստ» թերթերում և ալմանախներում։ «Ջիների աշունը», «Կուրբան Սիրարկած», «Քուշ», «Գողապտում աղբանական», «Մուտաբոր» գրքերի հեղինակն է։ «Փոստ» և «Մավր» պատմվածքները ընդգրկվել են Յուրի Կազակովի անվան մրցանակաբաշխության շորթ-լիսթում։ «Քուշ» վեպը ընդգրկվել է «Ազգային բեսթսելլեր» և «Մեծ գիրք»^[3] մրցանակաբաշխությունների լոնգ-լիսթում, իսկ «Մուտաբոր» վեպն ընգրկվել է «Ազգային բեսթսելլեր»^[4] մրցանակաբաշխության շորթ-լիսթում։ Ստեղծագործությունները թարգմանվել են գերմաներեն, չեխերեն, շվեդերեն։ «Հարավ գնացող տրոլեյբուսը» պատմվածքը հրատարակվել է շվեդական ամենահին «Ord & Bild» ամսագրում, իսկ «Բերբեր» պատմվածքը գերմանական ամենահին «Sinn und Form» երկամսագրում։ «Օկտյաբր» ամսագրում հրատարակված «Կուրբան Սիրարկած» պատմվածքն ընկել է ռեժիսոր Սալավաթ Յուզեևի^[4] համանուն գեղարվեստական ֆիլմի հիմքում։ Մասնակցել է «Գրականության էքսպրես»-ին` Լիպկիում երիտասարդ գրողների սեմինարին, ինչպես նաև` Լայպցիգում, Փարիզում, Ֆրանկֆուրտում, Կահիրեում, Լոնդոնում կազմակերպված գրքի միջազգային տոնավաճառներին։