Մասնակից:Inessa85/Ավազարկղ27

Գեորգ (Ջորջ) Լիլանգա (անգլ.՝ George Lilanga) , Տանզանիայի արվեստի գործիչ, նկարիչ և փայտի փորագրիչ, ժամանակակից մոդեռնիստական աֆրիկյան արվեստի ամենանշանավոր ներկայացուցիչը։

Կյանք և արվեստ[խմբագրել | խմբագրել կոդը]

Ջորջ Լիլանգան սերում էր մակոնդե ազգությունից, որը հայտնի էր իր ավանդույթներով։ Նկարիչը գրեթե ողջ կյանքն անց է կացրել Տանզանիայի նախկին մայրաքաղաք Դար էս Սալաամ քաղաքում, որտեղ ստեղծել է նաև իր նկարներն ու քանդակները։

Լիլանգայի արվեստը ավանդական էր և միևնույն ժամանակ նորարարական։ Արվեստի բոլորովին անհատական գործերում՝ նկարներում և ներկված փայտե քանդակներում (շեթանի), Մակոնդե նկարիչը հմտորեն մարմնավորում էր ինչպես կյանքի նկատմամբ իր ուրույն հայացքը, այնպես էլ իր ժողովրդի գեղարվեստական ավանդույթները:

Լիլանգայի աշխատանքները ներկայացված են աֆրիկյան, ավանդական և ժամանակակից արվեստի գրեթե բոլոր խոշոր ցուցահանդեսներում, մասնավորապես, դրանք պահվում են Դյուսելդորֆի, Փարիզի, Լոնդոնի և Տոկիոյի թանգարաններում:

Լիլանգայի ստեղծագործությունների զգալի քանակությունը պարունակվում է Համբուրգում (Գերմանիա) գտնվող Մավինգուի թանգարանային հավաքածուում, որը Արևելյան Աֆրիկայի և, մասնավորապես, Մակոնդե ժողովրդի արվեստի խոշորագույն միջազգային պահոցներից մեկն է:

2005 թվականին նկարչի մահվան ժամանակ Աֆրիկյան ավանդական արվեստի Համբուրգի Մավինգուի հավաքածուն բեմադրվեց Ջեորջ Լիլանգայի ստեղծագործությունների հետմահու անհատական ցուցահանդեսը՝ դրանք դասակարգելով և թեմատիկորեն բաշխելով։

Բացի արվեստի պատկերասրահներից, Լիլանգայի աշխատանքների մեծ մասը պահվում է մասնավոր հավաքածուներում, մասնավորապես՝ Նիդեռլանդներում։ Առայժմ այս ստեղծագործական շերտը քիչ է հայտնի թե՛ փորձագետներին, թե՛ հանրությանը։

Ծանոթագրություն[խմբագրել | խմբագրել կոդը]

Kamphausen, Peter-Andreas / Hamburg Mawinga Collection (2005). George Lilanga Rangi ya Maisha / Farben des Lebens / Colours of Life. Hamburg: Books on Demand. 978-3833438585 (148 full col. p., 150 col. ill, 7 b/w ill, bilingual (English, German)
Kamphausen, Peter-Andreas / Hamburg Mawinga Collection (2021). George Lilanga: The Doors of Nyumba ya Sanaa. Hamburg. (24 full colour pages, bilingual English / German)
Shiraishi, Kenji and Yamamoto, Fumiko. (1993) Africa Hoy. Lilanga's Cosmos. Tokyo: Kodansha. 406-2065347 (94 pp. illus., pt. colour, text in Japanese and English)