Մասնակից:Haykuhi Alaverdyan/Ավազարկղ

Սերգեյ Ումրոյանը (ծնվ. 26 մայիսի 1991 թ. Գյումրի, Հայաստանի ԽՍՀ, ԽՍՀՄ) հայ կոմպոզիտոր է:

Սերգեյ Ումրոյան
Ծնվել է	26 մայիսի, 1991
Ծննդավայր	Գյումրի, ՀԽՍՀ, ԽՍՀՄ
Կրթություն	Երևանի Կոմիտասի անվան պետական կոնսերվատորիա
Քաղաքացիություն	ՀՀ
Ազգություն	հայ
Ոճ(եր)	ժամանակակից դասական, էլեկտրո-ակուստիկ երաժշտություն, հնչյունային արվեստ

Կենսագրություն

Սերգեյ Ումրոյանը[1] ծնվել է 1991 թվականի մայիսի 26-ին Գյումրի քաղաքում:

Ուսանել է կոմպոզիցիա Երևանի Կոմիտասի անվան պետական կոնսերվատորիայում՝ պրոֆեսոր Լևոն Չաուշյանի դասարանում՝ 2014 թվականին ստանալով մագիստրոսի աստիճան: Ծաղկաձորում 2014 և 2015 թվականներին մասնակցել է 2-րդ և 3-րդ ամառային արվեստի ակադեմիային:

Նրա երաժշտությունը հնչել է մի շարք միջազգային փառատոնների և նախագծերի շրջանակներում, ինչպիսիք են Հայաստանի կոմպոզիտորների միության փառատոնը (Երևան), Հարո Ստեփանյանի փառատոնը (Երևան), «Խաչմերուկներ. ժամանակակից երաժշտության օրեր Հայաստանում» փառատոնը (Երևան) և այլն:

2016 թվականին Ումրոյանի՝ կամերային նվագախմբի համար գրված «Հավատով խոստովանիմ» ստեղծագործությունը 3-րդ տեղի է արժանացել Երգչախմբային երաժշտության համահայկական մրցույթի ընթացքում:

Ումրոյանը հիմնականում ակտիվ գործունեություն է վարում որպես էլետրո-ակուստիկ կոմպոզիտոր և հնչյունային արտիստ:

2022 թվականին Բուլղարիայի Սոֆիա և Պլովդիվ քաղաքներում տեղի ունեցավ նրա «Chaconne in «K» existence» ժամանակակից պարի բալետի պրեմիերան:

Պարուսույց Ռիմա Պիպոյանի և գերմանաբնակ կոմպոզիտոր Ալեքսանդր Իրադյանի հետ համագործակցությամբ Ումրոյանը 2023 թվականին ստեղծեց ցուցահանդեսների համար նախատեսված «Solo for Two» հնչյունային ինստալյացիան:

Սերգեյ Ումրոյանը

Ստեղծագործություններ

կամերային, վոկալ և սիմֆոնիկ երաժշտության հեղինակ է։

Ակադեմիական ստեղծագործություններ

Այլ նախագծեր, էլեկտրոնային երաժշտություն

Աշխատանքային գործունեություն

	«Found Sound Nations»-ի (ԱՄՆ) «Sound Bridge 2023» նախագծի Fellow է: Հայաստանի կոմպոզիտորների միության անդամ է «Armenian National Music»-ի () համահիմնադիրն ու տնօրենն է: «Քառորդ տոն» մշակութային ՀԿ-ի համահիմնադիրն ու գործադիր տնօրենն է: «Ասոնանս» անսամբլի համահիմնադիրն ու տնօրենն է: Երևանի Կոմիտասի անվան պետական կոնսերվատորիայի ակուստիկ լաբորատորայի ղեկավարն է: Հայաստանի պատվիրակության անդամ էր «WOMEX World Wide Expo 2023»-ի ընթացքում: «Ուրվական» փառատոնի համադրողն է: Երևանի հրատարակչական ընկերության «Amara» ՍՊԸ-ի համահիմնադիրն ու A&R ղեկավարն է:

Բանախոսություններ

2017	Թեմա ՝ «Հնչյունային լանդշաֆտ. ակուստիկ էկոլոգիա» Վայր՝ Հայաստանի կոմպոզիտորների միություն
2017	Թեմա ՝ «Հնչյունային լանդշաֆտ. ակուստիկ էկոլոգիա» Վայր՝ ՀՀ ԿԲ Դիլիջանի «Գիտելիք հանուն զարգացման» կենտրոն
2018	Թեմա ՝ «Մենանվագ երաժշտության գունակազմությունը» Վայր՝ Հայաստանի կոմպոզիտորների միություն
2022	Թեմա ՝ «Երաժշտական նյութերի իմիտացիան և հատվածական օգտագործումը՝ որպես նոր կոմպոզիտորական մոտեցում» Վայր՝ Կոմիտասի թանգարան-ինստիտուտ

Վարպետության դասընթացներ

2015	Մասնակցել է «Մշակութային հասարակություն» ՀԿ-ի կազմակերպած «Cultural.am» աշխատարանին, որտեղ վարպետության դասեր է ստացել կոմպոզիտոր Արամ Հովհաննիսյանից:
2018	Հյուսիսային Կարոլինա նահանգում՝ Շառլոթի թագավորական համալսարանում, ստացել է վարպետության դասեր կոմպոզիտորներ Դորըթի Հայնդմանից և կոմպոզիտոր, վիզուալ արտիստ Քյոնգ Մի Չոյից:
2019-2021	Ռուսաստանի Նիժնի Նովգորոդ քաղաքում մասնակցել է «Թատրոնի ուրվագծերը» («Линии театра») խորագրով դպրոց-լաբորատորիային՝ բաղկացած 5 փուլից։ Գեղ. ղեկավար՝ Վիկտոր Ռիժակով:

Մասնավոր դասընթացներ

2006-2011	Հաճախել է դաշնամուրի մասնավոր դասերի Երևանի Կոմիտասի անվան պետական կոնսերվատորիայի դասախոս Նաիրա Աբրահամյանի մոտ:
2009-2011	Հաճախել է մասնավոր կոմպոզիցիայի դասերի պրոֆեսոր Արամ Սաթյանի մոտ: