Արամ Հովհաննիսյան (կոմպոզիտոր)
| Արամ Հովհաննիսյան | |
|---|---|
| Ծնվել է | հոկտեմբերի 15, 1984 (40 տարեկան) Երևան, Հայկական ԽՍՀ, ԽՍՀՄ |
| Երկիր |  ԽՍՀՄ և  Հայաստան |
| Մասնագիտություն | կոմպոզիտոր |
| Աշխատավայր | Երևանի Կոմիտասի անվան պետական կոնսերվատորիա |
| Կրթություն | Երևանի Կոմիտասի անվան պետական կոնսերվատորիա (2003) և Ժնևի կոնսերվատորիա (2008) |
Արամ Ռոբերտի Հովհաննիսյան (հոկտեմբերի 15, 1984, Երևան, Հայկական ԽՍՀ, ԽՍՀՄ), հայ կոմպոզիտոր, Հայաստանի կոմպոզիտորների միության անդամ։
Կենսագրություն
[խմբագրել | խմբագրել կոդը]Արամ Հովհաննիսյանը ծնվել է 1984 թվականի օգոստոսի 15-ին Երևանում։ Սովորել է Երևանի պետական կոնսերվատորիայում կոմպոզիցիայի (2003, Լ. Չաուշյանի դասարան) և ֆլեյտայի (2003, Ե. Նոնինյանի դասարան) բաժիններում։
2018 թվականին դարձել է Երևանի պետական կոնսերվատորիայի պրոռեկտոր։
2001 թվականին հիմնադրել է (Ա. Ավանեսովի հետ) ժամանակակից երաժշտության «AUS» անսամբլը։ 2003 թվականին տեղափոխվել է Շվեյցարիա և 2008 թվականին ավարտել է Ժնևի կոնսերվատորիան (Մ. Ժարրելի դասարան)։ Վարպետության դասեր է առել կոմպոզիտորներ Տ. Մյուրայից և Պ. Էտվըշից։ Դարձել է Շվեյցարիայի կոմպոզիտորների միության անդամ։
«International Composer Pyramid» մրցույթ-փառատոնի ընտրյալ 10 կոմպոզիտորներից է (2011, Ֆրանսիա-Անգլիա)։ Նրա ստեղծագործությունները հնչել են մի շարք միջազգային նախագծերում և փառատոներում։ Համագործակցել է ճանաչված անսամբլների և երաժիշտների հետ։
Արամ Հովհաննիսյանի ստեղծագործությունները հնչել են տարբեր միջազգային նախագծերում և փառատոներում, ինչպիսիք են Լյուցեռնի փառատոնը (2004, 2007), Culturescapes (Բազել, 2005), World New Music Days (Լյուցերն, 2004), Convergence (2010, Թբիլիսի), Made in Switzerand (ԱՄՆ, 2010), Dilijan Music Series (ԱՄՆ, 2011), Festival 4020 Linz (Ավստրիա, 2011), SonemusFest (Սարաևո, 2011), Բեռնի Երաժշտական փառատոնը (2011թ., 2013) և այլն[1]։
Մրցանակներ
[խմբագրել | խմբագրել կոդը]Արամ Հովհաննիսյանը 2005 թվականին արժանացել է Կոմպոզիտորների «Pre-Art» միջազգային մրցույթի 1-ին մրցանակի (Ցյուրիխ), 2011 թվականին ստացել է «Fluchtwege» մրցույթի 1-ին մրցանակը և դարձել արվեստագետների «KieferHablitzel» մրցույթի դափնեկիր, իսկ 2018 թվականին՝ Mizmorim մրցույթի դափնեկիր (Բազել)[2]։
Ծանոթագրություններ
[խմբագրել | խմբագրել կոդը]- ↑ Արամ Հովհաննիսյան – zarkfoundation.com/
- ↑ Արամ Հովհաննիսյան
Արտաքին հղումներ
[խմբագրել | խմբագրել կոդը]- Կոմպոզիտոր Արամ Հովհաննիսյանի ու արձակագիր Արամ Պաչյանի համագործակցության արդյունքը – ShoghakatTVcompany
Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ 
|
- Հոկտեմբերի 15 ծնունդներ
- 1984 ծնունդներ
- Ապրող անձինք
- Երևան քաղաքում ծնվածներ
- Երևանի Կոմիտասի անվան պետական կոնսերվատորիայի գիտական անձնակազմ
- Երևանի Կոմիտասի անվան պետական կոնսերվատորիայի շրջանավարտներ
- Անձինք այբբենական կարգով
- Երաժիշտներ այբբենական կարգով
- Հայ կոմպոզիտորներ
- Հայաստանի կոմպոզիտորների և երաժշտագետների միության անդամներ