Մանյա Ղազարյան (արվեստաբան)
| Մանյա Միքայելի Ղազարյան | |
|---|---|
| Ծնվել է | 1924, հունվարի 20 |
| Ծննդավայր | Թիֆլիս |
| Մահացել է | 1998, մարտի 8 |
| Մահվան վայր | Երևան |
| Քաղաքացիություն |  Հայաստան |
| Ազգություն | հայ |
| Կրթություն | Երևանի պետական գեղարվեստա-թատերական ինստիտուտ |
| Գիտական աստիճան | արվեստագիտության դոկտոր |
| Մասնագիտություն | Արվեստաբան |
| Պարգևներ և մրցանակներ | Հայկական ԽՍՀ արվեստի վաստակավոր գործիչ |
Մանյա Միքայելի Ղազարյան (1924, հունվարի 20, Թիֆլիս - 1998, մարտի 8, Երևան), հայ արվեստաբան։ Արվեստագիտության դոկտոր (1996 թ.)։ ՀԽՍՀ արվեստի վաստակավոր գործիչ (1983 թ.)։
Բովանդակություն
Կենսագրություն[խմբագրել | խմբագրել կոդը]
1948 թվականին ավարտել է Երևանի թատերական ինստիտուտը։ 1953-1959 թվականներին աշխատել է Հայաստանի ազգային պատկերասրահում, 1959 թվականից՝ ՀՀ ԳԱԱ Արվեստի ինստիտուտում։
Ուսումնասիրությունները վերաբերում են միջնադարյան, նոր և նորագույն շրջանի կերպարվեստի ու կիրառական արվեստի հարցերին («Նոր Ջուղայի գեղանկարչությունը 17-18-րդ դարերում» (1985 թ., պարսկերեն), «Հայկական գորգ»[1] (1988 թ., հայերեն, անգլերեն) և այլն)։
Մանյա Ղազարյանը կազմել է Սուրբ Էջմիածնի վանքի թանգարանների, Վենետիկի Սուրբ Ղազար կղզու վանքի, Անթիլիասի կաթողիկոսարանի, Հալեպի Զարեհյան գանձատան, Դեթրոյթի «Ալեք և Մարի Մանուկյան» թանգարանի կատալոգները[2]։
Երկեր[խմբագրել | խմբագրել կոդը]
- Վարդգես Սուրենյանց, Երևան, 1960 թ.։
- Հայ կերպարվեստը XVII- XVIII դարերում, Երևան, 1974 թ.։
- Գրիգոր Խանջյան, Երևան, 1978 թ.։
- Փայտի գեղարվեստական փորագրությունը Հայաստանում, Երևան, 1989 թ.։
- Արցախի արուեստի գանձերը, Անթիլիաս, 1993 թ.։
- Художники Овнатаняны, М., 1968;
- Изобразительное искусство Армянской ССР, М., 1978.
Մամուլ[խմբագրել | խմբագրել կոդը]
- Առաջնորդի հուշարձանը: «Գարուն», 1967 թ., № 4, էջ 9-11։
Ծանոթագրություններ[խմբագրել | խմբագրել կոդը]
- ↑ Armenian carpet by Manya Ghazarian
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005
