Մամիկոն Ասատրյան
- Վիքիպեդիայում կան հոդվածներ Ասատրյան ազգանունով այլ մարդկանց մասին։
Մամիկոն Ասատրյան | |
|---|---|
| Ծնվել է | օգոստոսի 25, 1929 (94 տարեկան) Թիֆլիս, ԱԽՖՍՀ, ԽՍՀՄ |
| Քաղաքացիություն |  ԽՍՀՄ և  Հայաստան |
| Մասնագիտություն | փիլիսոփա |
| Հաստատություն(ներ) | Երևանի պետական համալսարան |
| Պաշտոն(ներ) | ամբիոնի վարիչ |
| Ալմա մատեր | Երևանի պետական համալսարան (1953) |
| Գիտական աստիճան | փիլիսոփայական գիտությունների դոկտոր (1982) և պրոֆեսոր (1985) |
Մամիկոն Վահանի Ասատրյան (օգոստոսի 25, 1929, Թիֆլիս, ԱԽՖՍՀ, ԽՍՀՄ), հայ փիլիսոփա, փիլիսոփայական գիտությունների դոկտոր, պրոֆեսոր[1][2]։
Կենսագրություն[խմբագրել | խմբագրել կոդը]
Մամիկոն Ասատրյանը ծնվել է 1929 թվականի օգոստոսի 25-ին Թիֆլիսում։ Սովորել է Թիֆլիսի թիվ 32 արական միջնակարգ դպրոցում։ 1953 թվականին ավարտել է Երևանի պետական համալսարանի միջազգային հարաբերությունների ֆակուլտետը։ 1957-1962 թվականներին աշխատել է Տոմսկի բժշկական ինստիտուտում որպես փիլիսոփայության ավագ դասախոս։ 1962-1968 թվականներին եղել է Տոմսկի մանկավարժական ինստիտուտի փիլիսոփայության ամբիոնի վարիչ։ 1968-1970 թվականներին աշխատել է Երևանի պետական համալսարանի փիլիսոփայության, իսկ 1970-1984 թվականներին՝ դիալեկտիկական մատերիալիզմի և տրամաբանության ամբիոնում[3]։
Ակադեմիական գործունեություն[խմբագրել | խմբագրել կոդը]
1982 թվականին Մամիկոն Ասատրյանը պաշտպանել է դոկտորական ատենախոսություն։ 1984 թվականին նրան շնորհվել է պրոֆեսորի կոչում։ 1984-2008 թվականներին եղել է ԵՊՀ դիալեկտիկական մատերիալիզմի և տրամաբանության ամբիոնի պրոֆեսոր։ 2008 թվականից աշխատում է Եվրոպական կրթական տարածաշրջանային ակադեմիայում որպես պրոֆեսոր։
Մամիկոն Ասատրյանի գրչին են պատկանում են ավելի քան 30 հոդվածներ, 6 մենագրություններ, որոնցից առավել նշանավոր են «Փիլիսոփայության մեթոդաբանական առանձնահատկությունների մասին», «Օրենք և պայման», «Մարքսիզմ-լենինիզմը գիտության մեթոդաբանության տեսանկյունից․ Քննական վերլուծություն», «Էքստրապոլյացիայի մեթոդի ճանաչողական նշանակությունը» աշխատությունները[3]։
Երկեր[խմբագրել | խմբագրել կոդը]
- Օրենքը և նրա դրսևորումները, Ե., 1977:
- Փիլիսոփայության մեթոդների առանձնահատկությունների մասին, Ե., 1985:
- Закон и условие, Е., 1989.
- Марксизм-ленинизм с точки зрения методологии науки, Е., 2000.
- Փիլիսոփայության ներածություն։ (Ուսումնական ձեռնարկ), Նոյյան Տապան, 2004 - 220 էջ[4]։
Ծանոթագրություններ[խմբագրել | խմբագրել կոդը]
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.
- ↑ «Ասատրյան Մամիկոն Վահանի — Hayazg». am.hayazg.info. Վերցված է 2019 թ․ հունվարի 5-ին.
- ↑ 3,0 3,1 Խմբագրական խորհուրդ (2009). ԵՊՀ Կենսագրական հանրագիտարան. Երևան: ԵՊՀ հրատարակչություն. էջ 77. ISBN 9785808411623.
- ↑ Ասատրյան, Մամիկոն Վահանի (2004). Փիլիսոփայության ներածություն։ (Ուսումնական ձեռնարկ). Նոյյան Տապան. ISBN 9789993051930.
 | Վիքիդարանն ունի նյութեր, որոնք վերաբերում են «Մամիկոն Ասատրյան» հոդվածին։ |
| ||||||
