Մահաթմա Գանդիի հուշարձան (Մոսկվա)
 | |
|---|---|
 | |
 | |
| Տեսակ | հուշարձան |
| Երկիր |  Ռուսաստան |
| Բնակավայր | Մոսկվա |
| Շինության ձև | Քանդակ |
| Ներկա վիճակ | Կանգուն |
| 55°42′24.588″N 37°30′49.298″E / 55.70683000°N 37.51369389°E | |
Մահաթմա Գանդիի հուշարձան (ռուս.՝ Памятник Махатме Ганди), հուշարձան Ռուսաստանի Դաշնության մայրաքաղաք Մոսկվայում, որը նվիրված է հնդիկ քաղաքական և հոգևոր առաջնորդ, Հնդկաստանի` Մեծ Բրիտանիայից անկախանալու շարժման ղեկավար և գաղափարախոս Մահաթմա Գանդիին (1869-1948)։ Քանդակը տեղադրված է Ինդիրա Գանդիի հրապարակից քիչ հեռու, Ռամենկի շրջանում։
Պատմություն
[խմբագրել | խմբագրել կոդը]Մահաթմա Գանդիի հուշարձանը Հնդկաստանի կառավարության և ժողովրդի նվերն է Մոսկվային։ Այն հանդիսավորությամբ բացվել է 1988 թվականի հուլիսի 8-ին։
Հուշարձանի հեղինակը հնդիկ քանդակագործ Գաուտամ Պալն է։ Հուշարձանի պատվանդանը նախագծել են ճարտարապետներ Վ. Վ. Պասենկոն և Ի. Պ. Կրուգլովը, իսկ կառուցել է կոնստրուկտոր Վ. Ե. Կորեին։
Հուշարձանը քանդակված է Մահաթմա Գանդիի քանդակների համար արդեն ավանդական ոճով. նա պատկերված է ճգնավորներին բնորոշ ավանդական հագուստով և, ուխտավորի գավազանին հենված, լայն քայլով առաջ գնալիս։ Այս կերպարը մարմնավորում է Գանդիի բարձր հոգևոր անձնանվիրությունը, նրա անձնազոհությունը ճշմարտությունը փնտրելիս։ Պատվանդանին արված է պարզ մակագրություն`
 |
ՄԱՀԱԹՄԱ ԳԱՆԴԻ |
 |
Սկզբնապես Մահաթմա Գանդին պատկերված էր ակնոցով, բայց այն կոտրել են այլևս չեն վերադարձվել։ Վանդալների հարձակմանն է ենթարկվել նաև գավազանը, և այն ստիպված էին վերականգնել։
Արձանի հարևանությամբ տեղադրված է սալիկ, որտեղ համառոտ պատմվում է Մահաթմա Գանդիի մասին և նշվում են հուշարձանի հեղինակները։
Մահաթմա Գանդիի հուշարձանից քիչ հեռու` Ինդիրա Գանդիի հրապարակում է գտնվում հնդիկ մեկ այլ քաղաքական գործիչ Ինդիրա Գանդիի հուշարձանը։
Աղբյուրներ
[խմբագրել | խմբագրել կոդը]- «Памятник Ганди в Москве». Памятники всего мира. Վերցված է 2014 թ․ ապրիլի 20-ին.
- «Памятник Махатме Ганди». Географический факультет МГУ им. М. В. Ломоносова. Արխիվացված է օրիգինալից 2014 թ․ ապրիլի 21-ին. Վերցված է 2014 թ․ ապրիլի 20-ին.