Մադլեն Բուլոն
Մադլեն Բուլոն | |
---|---|
Ծնվել է | հուլիսի 24, 1646[1][2] |
Ծննդավայր | Փարիզ, Ֆրանսիայի թագավորություն |
Վախճանվել է | հունվարի 30, 1710[1][3][4] (63 տարեկան) |
Մահվան վայր | Փարիզ, Ֆրանսիայի թագավորություն |
Քաղաքացիություն | Ֆրանսիա[1] |
Մասնագիտություն | նկարչուհի |
Անդամակցություն | Գեղանկարի և քանդակի ակադեմիա |
Հայր | Louis Boullogne? |
Madeleine Boullogne Վիքիպահեստում |
Մադլեն Բուլոն (ֆր.՝ Madeleine Boullogne, Boulogne, հուլիսի 24, 1646[1][2], Փարիզ, Ֆրանսիայի թագավորություն - հունվարի 30, 1710[1][3][4], Փարիզ, Ֆրանսիայի թագավորություն), ֆրանսիացի նկարչուհի, հայտնի նկարիչ Լուի Բուլոն Ավագի դուստրը։ Կենտրոնացել է նատյուրմորտ ոճում, որոնց մեջ գերակշռում էին թագավորական դղյակները։
Կենսագրություն և գործունեություն[խմբագրել | խմբագրել կոդը]
Մադլեն Բուլոնը ծնվել է 1646 թվականի հունիսի 24-ին Փարիզում[5] նկարիչների ընտանիքում․ նկարչությամբ զբաղվել է աղջկա հայրը՝ Լուի Բուլոն Ավագը, եղբայրները՝ Լուի Բուլոն Կրտսերը և Բոն Բուլոն Ավագը և նաև ավագ քույրը Ժենևան։ Սակայն քանի որ Մադլեն Բուլոնի նկարների մեծամասնությունը չի պահպանվել մինչ օրս, նրա եղբայրներն ու հայրը ավելի հայտնի են հասարակությանը, քան ինքը[6]։
Մադլեն Բուլոնը, քույրն ու եղբայրները նկարչությունը իրենց հորից են սովորել։ 1669 թվականին Մադլենն ու Ժենեվեվան այն առաջին կանանց շարքում էին, որոնք ընդունվել էին նկարչության և քանդակագործության թագավորական ակադեմիա[6][7]։ Այդ ժամանակից ի վեր, Մադլենը կանոնավոր պատվերներ է սկսել ստանալ թագավորական պալատից[6]։ Թյուիլրիի պալատի համար նկարել է 4 նկար, նաև պատրաստել է դեսուդեպորտներ Վերսալի պալատի համար[6]։
1678 թվականին Փարիզյան սալոնում Մադլենը ցուցադրել է իր վեց աշխատանքները․ վեց նատյուրմորտներ ռազմական ավարներով, երաժշտական գործիքներով և մրգերով[6]։ Իսկ 1704 թվականին յոթ նկար է ներկայացրել սրահում[7]։
Մադլեն Բուլոնը մոտ էր յանսենիստական շրջաններին և խիստ, գրեթե վանական կյանք էր վարում։ Ամուսնացած չէր, ապրում էր եղբոր՝ Բոնի հետ և պարբերաբար այցելում Պոր-Ռոյալ կանանց վանք[6]։
1709 թվականի սեպտեմբերի 22-ին Մադլեն Բուլոնը կազմել է կտակ, որում նշել է նաև իր 45 կտավները[7]։ Նկարչուհին մահացել է 1710 թվականի հունվարի 30-ին և թաղվել է մահվան հաջորդ օրը, երկու եղբայրների կողքին[5]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 1,5 RKDartists (նիդերլ.)
- ↑ 2,0 2,1 Artists of the World Online, Allgemeines Künstlerlexikon Online, AKL Online (գերմ.) / Hrsg.: A. Beyer, B. Savoy — B: K. G. Saur Verlag, Verlag Walter de Gruyter, 2009. — ISSN 2750-6088 — doi:10.1515/AKL
- ↑ 3,0 3,1 3,2 Magdeleine Boulogne — OUP, 2006. — ISBN 978-0-19-977378-7
- ↑ 4,0 4,1 4,2 Madeleine Boulogne
- ↑ 5,0 5,1 A. Jal Boulogne ou Boullogne (Louis I) // Dictionnaire critique de biographie et d'histoire: errata et supplement pour tous les dictionnaires historiques d'apres des documents authentiques inedits. — Plon, 1872. — С. 267.
- ↑ 6,0 6,1 6,2 6,3 6,4 6,5 Renaud Serrette, 2016, էջ 87
- ↑ 7,0 7,1 7,2 Dominique Alsina
Գրականություն[խմբագրել | խմբագրել կոդը]
- Renaud Serrette De Versailles à Rambouillet: quatre dessus-de-porte de Madeleine Boullogne retrouvés // Versalia. Revue de la Société des Amis de Versailles. — 2016. — № 19. — С. 87—92.
Արտաքին հղումներ[խմբագրել | խմբագրել կոդը]
- Dominique Alsina (2016). «Nature morte française au XVII siècle» (PDF) (ֆրանսերեն). Musée d'Angers.(չաշխատող հղում)
|