ՄԱՄՈՒԼ․ամ

Վիքիպեդիայից՝ ազատ հանրագիտարանից
Jump to navigation Jump to search

ՄԱՄՈՒԼ․ամ, հայաստանյան լրատվական-վերլուծական գործակալություն։ Մասնագիտացած է լրատվական և վերլուծական նյութերի պատրաստման ու սփռման գործում։

Պատմություն[խմբագրել | խմբագրել կոդը]

ՄԱՄՈՒԼ․ամ լրատվական գործակալությունը հիմնադրվել է 2011 թ․: Այն կազմում է Սոուշըլ Մեդիա Ինտերնետ Հոլդինգի մաս (Սոուշըլ Մեդիա ՍՊԸ)։ Գործակալությունն անկախ լրատվամիջոց է և իրականացնում է լրատվական, վերլուծական, հետաքննական նյութերի պատրաստում, հրապարակում և տարածում .am տիրույթում գրանցված կայքի միջոցով։ (այս մասին նշված է կայքի տեղեկատվական բաժնում[1]):

Մեկնարկ[խմբագրել | խմբագրել կոդը]

Լրատվական գործակալության դոմեն անունը գրանցվել 2011 թվականին։ Կայքում առաջին նյութը տեղադրվել է 2011 թ․ հունիսի 15-ին։ 2011 թ․ հունիսի 15-ից հուլիսի 31-ն ընկած ժամանակահատվածում կայքն աշխատել է լիարժեք, սակայն՝ փորձնական տարբերակով։

2011 թ․ օգոստոսի 1-ից գործարկվել է կայքի լիարժեք տարբերակը։ Կայքը գործում է հայերեն, տրանսլիտ հայերեն (միայն բջջային տարբերակում), ռուսերեն, անգլերեն, թուրքերեն լեզուներով։ Կայքը միակն է Հայաստանում, որը տրամադրում է նաև նյութերի տրանսլիտ տարբերակ։ Այն նախատեսված է սփյուռքի մեր այն հայրենակիցների համար, ովքեր չեն կարողանում կարդալ հայերենով, սակայն խոսում են հայերեն։

Կայքի տարբերակները[խմբագրել | խմբագրել կոդը]

Կայքը գործում է՝ համակարգչային, բջջային, հավելվածային տարբերակներով։

Կառուցվածքը[խմբագրել | խմբագրել կոդը]

Կայքն ունի տեխնիկական հետևյալ կառուցվածքը․

  • Լրահոս - այստեղ ցուցադրվում է օրվա լրահոսը, որի մեջ ներառված են բոլոր բաժինների նորությունները։
  • Տեսանյութերի լրահոս - այստեղ ցուցադրվում է կայքի և գործընկեր լրատվամիջոցների՝ միայն տեսանյութերի լրահոսը։
  • Գլխավոր - այստեղ ցուցադրվում է օրվա գլխավոր նորությունները։
  • Հրատապ լուրեր - այստեղ ցուցադրվում է օրվա Հրատապ լուրը(երը)։
  • Բաժիններ - ըստ թեմաների։
  • Քննարկումներ - սա նորարարական բաժին է և միակն է իր տեսակի մեջ Հայաստանում և աշխարհում։ Այստեղ տեղադրվված նյութի տակ միաժամանակ ցուցադրվում են այդ նյութի(թեմայի) վերաբերյալ կարծիք հայտնած հեղինակավոր և ոչ հայտնի անձանց կարծիքները։ Ընդ որում, մշակված է ցուցադրման պարզ տարբերակ, որի օգնությամբ ընթերցողը հեշտությամբ ծանոթանում է այդ կարծիքներին։
  • Ամենաընթերցված - այստեղ ցուցադրվում է վերջին 7 օրերի ամենաընթերցված նյութերը։
  • Ռադիո - կայքում առկա է ռադիոալիքների էջ, որտեղ մեկ հպումով կարելի է ունկնդրել Հայաստանի և աշխարհի ամենահեղինակավոր ռադիոալիքները (առաջինը Հայաստանում)։
  • Հեռուստացույց - կայքում առկա է հեռուստացույցի էջ, որտեղ ընդամենը մեկ հպումով կարելի է դիտել հայկական և համաշխարհային ամենահեղինակավոր հեռուստաալիքները (առաջինը Հայաստանում)։
  • Մամուլի տեսություն - այստեղ ցուցադրվում է գործընկեր լրատվամիջոցների ՌՍՍ հոսքով տրամադրվող լրահոսը (առաջինը Հայաստանում)։
  • Բողոքի գիրք - այս բաժնում, ուրաքանչյուր ոք կարող է լրացնել իր դժգոհությունը սոցիալական, տնտեսական և այլ հարցերի վերաբերյալ։ Դրանք ուսումնասիրում են մեր լրագրողները և անհրաժեշտության դեպքում ընթացք ալիս։
  • Եղանակի տեսություն - այս էջում ցուցադրվում է Հայաստանի բոլոր մարզերի, մարզկենտրոնների և Արցախի եղանակի տեսությունը այդ պահին և առաջիկա օրերին։ Եղանակի տեսությունը թարմանում է յուրաքանչյուր 30 րոպեն մեկ անգամ։
  • Տեղեկատվություն - այստեղ ցուցադրվում է կայքի, իրավատիրոջ, ինչպես նաև այլ տեղեկատվություն։
  • ՄԱՄՈՒԼ.ամ-ի լրահոսը՝ Ձեր կայքում - այս բաժնում կարող եք ստանալ Ձեր կայքին համապատասխան նորությունների լրահոս ապահովող գործիքը, տեղադրել Ձեր կայքում և ավելացնել Ձեր կայքի այցելությունները։

Բովանդակային բաժինները[խմբագրել | խմբագրել կոդը]

Կայքում բոլոր նորությունները կցված են թեմատիկ-բովանդակային բաժինների։ Այդ բաժիններն էլ, հերթին, ցուցադրվում են ըստ կայքի հիմնական էջում։ Կայքում գործող բաժիններն են՝ Իրադարձություններ, Հարցազրույցներ, Ի՞նչ ենք ուտում, հագնում, դիտում, Ի՞նչ է խոսում քաղաքը, Հետաքրքիր է, Միջազգային, Թերթերի տեսություն, Համացանց, Բաց նամակ, Հարցումներ, Երգիծանկարներ, Հումոր, Պաշտոնական, Քաղաքականություն, Հասարակություն, Առողջապահություն, Տնտեսություն, Կրթություն, Գիտություն, Մշակույթ, Մանկական, Սպորտ, Արտակարգ դեպք, Շոու բիզնես, Ֆլորա և ֆաունա, Ավտոմեքենաներ,18+։

Վիճակագրություն[խմբագրել | խմբագրել կոդը]

2021 թվականի դրությամբ կայքն ունի օրական մոտ 350.000 այցելու[2]։ Համաձայն Similarweb-ի կայքն ունի ամսական 5-8 միլիոն այցելություն[3]։ Վիճակագրական նույնանման տվյալներ է ցուցադրում նաև Alexa-ն, նշելով մոտ 300 հղում դեպի կայք[4]։

Հրապարակումների հետքերով[խմբագրել | խմբագրել կոդը]

ՄԱՄՈՒԼ․ամ կայքում հրապարակվող նյութերը գտնվում են պետական, ուժային կառույցների ուշադրության կենտրոնում։ Ենթադրյալ հանցակազմ պարունակող նյութերով զբաղվում են ՀՀ Ոստիկանությունը, ՀՀ ԱԱԾ-ն և ուժային այլ կառույցներ։ Նմանատիպ նյութերի օրինակներ են՝

  • «Mamul.am» լրատվական կայքէջում հրապարակված հոդվածի հետքերով[5]
  • «Գյումրիում բարբարոսաբար մոտ 100 ծառ է հատվել» վերտառությամբ տեսանյութի կապակցությամբ. Mamul.am[6]
  • Mamul.am կայքում հայտնվում է «հոդված» , որով փորձ է արվում վարկաբեկել թե´ ՃՈ գործողությունները. Պարզաբանում[7]
  • Այսօր Mamul.am կայքը «Լկտի վարորդներ և պարապ ոստիկաններ՝ Վալերի Օսիպյանի աշխատասենյակի պատուհանի տակ». Պարզաբանում[8]

Հղումներ[խմբագրել | խմբագրել կոդը]

  1. «Գործակալության մասին»։ ՄԱՄՈՒԼ․ամ (հայերեն)։ Վերցված է 2021-12-13 
  2. «mamul.am - Wolfram|Alpha»։ www.wolframalpha.com։ Վերցված է 2021-12-14 
  3. «Доля рынка и аналитика трафика Mamul.am»։ Similarweb (ռուսերեն)։ Վերցված է 2021-12-14 
  4. «mamul.am Competitive Analysis, Marketing Mix and Traffic - Alexa»։ www.alexa.com։ Վերցված է 2021-12-14 
  5. ««Mamul.am» լրատվական կայքէջում հրապարակված հոդվածի հետքերով - ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅՈՒՆ»։ www.police.am (ռուսերեն)։ Արխիվացված է օրիգինալից 2021-12-14-ին։ Վերցված է 2021-12-14 
  6. ««Գյումրիում բարբարոսաբար մոտ 100 ծառ է հատվել» վերտառությամբ տեսանյութի կապակցությամբ (ԼՈՒՍԱՆԿԱՐՆԵՐ), ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅՈՒՆ»։ www.police.am (ռուսերեն)։ Արխիվացված է օրիգինալից 2021-12-14-ին։ Վերցված է 2021-12-14 
  7. «Պարզաբանում - ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅՈՒՆ»։ www.police.am (ռուսերեն)։ Արխիվացված է օրիգինալից 2021-12-14-ին։ Վերցված է 2021-12-14 
  8. «Պարզաբանում - ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅՈՒՆ»։ www.police.am (ռուսերեն)։ Արխիվացված է օրիգինալից 2021-12-14-ին։ Վերցված է 2021-12-14