Ձիթողցոնց տուն-թանգարան

Ձիթողցոնց տուն-թանգարան
Տեսակ	թանգարան
Երկիր	Հայաստան
Տեղագրություն	Գյումրի և Կումայրի պատմական թաղամաս
Վայր	Գյումրի
Հասցե	Հաղթանակի պողոտա, 47 շենք, ք․ Գյումրի, Հայաստան3116
Հիմնադրվել է	1984
Տնօրեն	Անի Արթուրի Նազարյան
	40°47′13″N 43°50′51″E / 40.78694°N 43.84750°E

Գյումրիի ժողովրդական ճարտարապետության և քաղաքային կենցաղի թանգարան (Ձիթողցոնց տուն), որտեղ ներկայացված է Գյումրվա առօրյան, մշակույթն ու պատմությունը։ Գտնվում է քաղաքի կենտրոնում։

Ընդգրկված է Գյումրիի պատմության և մշակույթի անշարժ հուշարձանների ցանկում^[1]։

Պատմություն

Լենինականի ժողովրդական ճարտարապետության և քաղաքային կենցաղի թանգարանը հիմնադրվել է 1984 թվականին։

Ձիթողցյան չորս եղբայրները գաղթել են Արևմտյան Հայաստանի Ձիթող գյուղից և 1872 թվականին Ալեքսանդրապոլում կառուցել են այդ ժամանակի համար նշանակալի այս առանձնատունը։

Ցուցադրություն

Թանգարանի ցուցասրահներում ներկայացված են 19-րդ դարի 60-ական թվականներից մինչև 20-րդ դարի 20-ական թվականներն ընկած ժամանակահատվածի Ալեքսանդրապոլի ինքնավարությունը, առավել տարածում գտած արհեստները, հասարակական կենցաղն ու հոգևոր մշակույթը։ Թանգարանի ցուցասրահներում վերականգնված են նաև գյումրեցի արհեստավորի և ունևոր խավի բնակարանների ներքնատեսքը։

Ցուցադրությունն ընդգրկում է Ալեքսանդրապոլ քաղաքի սոցիալ-տնտեսական, հասարակական-քաղաքական և մշակութային կյանքի զարգացման պատմությունը 19-րդ դարի 30-ական թթ. մինչև 20-րդ դարի 20-ական թթ. ընկած ժամանակահատվածում։