Հրայր Ստեփանյան
- Վիքիպեդիայում կան հոդվածներ Ստեփանյան ազգանունով այլ մարդկանց մասին։
Հրայր Ստեփանյան | |
---|---|
Ծնվել է | մարտի 10, 1968 |
Ծննդավայր | Ստեփանակերտ, Ադրբեջանական ԽՍՀ, ԽՍՀՄ |
Մահացել է | սեպտեմբերի 27, 1992 (24 տարեկան) |
Հրայր Ռաֆիկի Ստեփանյան (1968 մարտի 10, Ստեփանակերտ - 1992 սեպտեմբերի 27, Քարագլուխ), հայ ազատամարտիկ, Արցախյան պատերազմի մասնակից[1]։
Կենսագրություն[խմբագրել | խմբագրել կոդը]
Ծնվել է 1968 թվականի մարտի 10-ին Ստեփանակերտ քաղաքում։ Ավարտել է թիվ 5 միջնակարգ դպրոցի ութերորդ դասարանը, իսկ թիվ 21 միջնակարգ պրոֆտեխուսումնարանում ստացել է խառատի մասնագիտություն և միջնակարգ կրթություն[1]։
Զինվորական պարտադիր ծառայությունն անցել է Թբիլիսի և Բաքու քաղաքներում։ 1989 թ թվականին զորացրվելուց հետո կամավորագրվել է պաշտպանական ջոկատներից մեկում։ Եղել է ՀՄՄ-2 զրահամեքենայի մեխանիկ վարորդ։ Մասնակցել է Կրկժանի, Շուշիի, Քյոսալարի, Ջանհասանի, Ջամիլուի, Նախիջևանիկի, Դահրազի, Քարագլխի համար մղված մարտերին[1]։
Զոհվել է 1992 թվականին սեպտեմբերի 27-ին, Քարագլուխ գյուղի պաշտպանության ժամանակ։ Հետմահու պարգևատրվել է ԼՂՀ «Արիության համար» և «Շուշիի ազատագրման համար» մեդալներով։ Ամուսնացած չէր։ Հանգչում է Ստեփանակերտի քաղաքային գերեզմանատանը[1]։
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 Ազատամարտիկը Արցախյան պատերազմի թանգարանի կայքում(չաշխատող հղում)