Հունգարա-ուկրաինական հարաբերություններ
 | |
 Հունգարիա |
 Ուկրաինա |
Հունգարա-ուկրաինական հարաբերություններ, երկկողմ դիվանագիտական հարաբերություններ Հունգարիայի և Ուկրաինայի միջև։ Երկրների միջև պետական սահմանի երկարությունը կազմում է 128 կմ[1]։
Պատմություն[խմբագրել | խմբագրել կոդը]
1990 թվականին Ուկրաինական ԽՍՀ պաշտոնական այցով ժամանեց Հունգարիայի նախագահ Արփադ Գյոնցը, որտեղ բանակցություններ վարեց ԽՍՀՄ այդ հանրապետության ղեկավարության հետ։ 1991 թվականի դեկտեմբերին Հունգարիան ճանաչեց Ուկրաինայի անկախությունը ԽՍՀՄ-ից և դիվանագիտական հարաբերություններ հաստատեց այդ երկրի հետ։ 1993 թվականին Կիևում բացվել է Հունգարիայի դեսպանատունը՝ բարիդրացիության և համագործակցության մասին պայմանագրի ստորագրումից հետո[2]։
2017 թվականին Հունգարիան սպառնացել էր արգելափակել Եվրամիությանը Ուկրաինայի անդամակցության գործընթացը, քանի որ հունգարական կողմի կարծիքով հարևան երկիրը ոտնահարում է փոքրամասնությունների լեզվական իրավունքները[3][4]։ Հունգարիայի կառավարությունն իր անհանգստությունը հիմնավորում է նրանով, որ Ուկրաինայում բնակվում է շուրջ 150 000 էթնիկ հունգարացի, ինչը կազմում է Անդրկարպատյան շրջանի բնակչության մոտ 12%-ը[5]։ 2018 թվականի մարտին Կիևը հայտարարել էր Հունգարիայի հետ սահմանին զինված ուժերի շուրջ 1000 զինվորների տեղակայելու պլանների մասին՝ Ուկրաինայի արևմուտքի հունգարալեզու բնակիչների իրավունքների պաշտպանության շուրջ շարունակվող հակամարտության պատճառով[6]։
Առևտուր[խմբագրել | խմբագրել կոդը]
2017 թվականին երկու երկրների միջև ապրանքաշրջանառության ծավալն ավելացել է 31,2 %-ով (629,0 միլիոն ԱՄՆ դոլարով) նախորդ տարվա համեմատ և կազմել 2 միլիարդ 684 միլիոն ԱՄՆ դոլար։ 2018 թվականի հունվար-փետրվար ամիսներին ապրանքաշրջանառությունը կազմել է 483,6 միլիոն ԱՄՆ դոլար (2017 թվականի համեմատ աճել է 46,4 %-ով)։ 2017 թվականին Հունգարիան Ուկրաինայի տնտեսության մեջ ներդրել է 796,0 միլիոն ԱՄՆ դոլար, ինչը կազմում է օտարերկրյա ուղղակի ներդրումների ընդհանուր ծավալի 2,0 %-ը, իսկ Ուկրաինան Հունգարիայի տնտեսության մեջ ներդրել է 17,5 միլիոն ԱՄՆ դոլար[7]։
Ծանոթագրություններ[խմբագրել | խմբագրել կոդը]
- ↑ «The World Factbook — Central Intelligence Agency». Արխիվացված է օրիգինալից 2009 թ․ հունիսի 10-ին. Վերցված է 2020 թ․ ապրիլի 1-ին.
- ↑ «Արխիվացված պատճենը». Արխիվացված է օրիգինալից 2018 թ․ ապրիլի 30-ին. Վերցված է 2020 թ․ ապրիլի 1-ին.
- ↑ Hungary threatens to block Ukraine's EU progress in language row | Reuters
- ↑ Hungary in language dispute with Ukraine over schools - BBC News
- ↑ Hungary-Ukraine Relations: Transcarpathia and the “Western Front” - Global ResearchGlobal Research - Centre for Research on Globalization
- ↑ «Hungary-Ukraine relations hit new low over troop deployment». Արխիվացված է օրիգինալից 2019 թ․ մարտի 31-ին. Վերցված է 2020 թ․ ապրիլի 1-ին.
- ↑ «Արխիվացված պատճենը». Արխիվացված է օրիգինալից 2018 թ․ մայիսի 12-ին. Վերցված է 2020 թ․ ապրիլի 1-ին.