Հույս (շաբաթաթերթ)

Վիքիպեդիայից՝ ազատ հանրագիտարանից
Հույս
Տեսակթերթ
Լեզուհայերեն և ֆրանսերեն
Գլխավոր խմբագիրՊետրոս Ատրունի (խմբագիր)
Հիմնադրվել էհունվարի 4, 1884
ԵրկիրFlag of Bulgaria.svg Բուլղարիա
Հրատարակման վայրՎառնա
Լուծարվեցմայիսի 1, 1885
Հաճախականությունշաբաթ

«Հույս», Բուլղարիայում հրատարակված առաջին հայալեզու շաբաթաթերթը։ Լույս է տեսել Վառնայում 1884 թվականի հունվարի 4-ից մինչև 1885 թվականի մայիսի 1[1]։

Թերթի առաջին երկու համարների խմբագիրն էր Անդրանիկ Իոնեսկուն (Իոանիսյան), 3-ից 12-րդ համարներինը՝ Պետրոս Ատրունին, 13-ինը` Գ. Գասպարյանը։ Տպագրվել է «Հույսի» տպագրատանը։ Թերթի առաջին երեք էջերը հայերեն էին՝ լատիներեն տառերով, իսկ չորրորդը՝ ֆրանսերեն էր։

Թերթը հասարակական-քաղաքական, լուսավորչական, մշակութային և կրոնական թեմաներ էր արծածում։ Անդրադառնում էր հայ գրականությանն ու լեզվական բարեփոխումներին։ Այն Եվրոպայի հայ գաղթօջախի մարմին էր։ «Հույսի» նպատակն էր հայերենը տարածել լատիներեն այբուբենի միջոցով։ Իր էջերում թերթը շնորհակալություն է հայտնել բուլղարական կառավարությանը, որը «ուրախությամբ մեզ հյուրընկալեց երկրում և թույլ տվեց թերթը հրատարակել»։ Ոչ հայատառ լինելու, լեզվական թերությունների պատճառով թերթը հայ ընթերցողի շրջանում ժողովրդականություն չվայելեց[1]։

Ծանոթագրություններ[խմբագրել | խմբագրել կոդը]

  1. 1,0 1,1 «Български периодичен печат, 1844 – 1944: анотиран библиографски указател»։ Наука и изкуство, София,։ 1969։ էջ 10։ Վերցված է 27 Հունվար 2019