Հովհաննես Հարությունյան (ըմբիշ)
- Անվան այլ կիրառումների համար տե՛ս՝ Հովհաննես Հարությունյան (այլ կիրառումներ)
Հովհաննես Վաղինակի Հարությունյան | |
---|---|
Ընդհանուր տեղեկություններ | |
Ծննդյան թվական | 15 հոկտեմբերի, 1960 |
Ծննդավայր | Վերին Թալին, Թալինի շրջան, Հայկական ԽՍՀ |
Ապրելավայր | ԽՍՀՄ, Բելառուս |
Մարզիչ | Յուրի Կարապետյան, Ալեքսանդր Շելեգ |
Կարիերայի ավարտ | 1989 |
Ակտիվ շրջան | 1977-1989 |
Մեդալները | ||
---|---|---|
Տղամարդկանց հունահռոմեական ոճի ըմբշամարտ | ||
Ներկայացնում էր՝ ԽՍՀՄ | ||
Աշխարհի առաջնություն | ||
Արծաթ | Կուլբոտն 1985 | 57 կգ |
Եվրոպայի առաջնություն | ||
Ոսկի | Լայպցիգ 1985 | 57 կգ |
ԽՍՀՄ առաջնություն | ||
Ոսկի | Մինսկ 1984 | 57 կգ |
Ոսկի | Կրասնոյարսկ 1985 | 57 կգ |
Հովհաննես Վաղինակի Հարությունյան (հոկտեմբերի 15, 1960, Թալին, Հայկական ԽՍՀ, ԽՍՀՄ), խորհրդային հունա-հռոմեական ոճի ըմբիշ, մարզիչ, ԽՍՀՄ կրկնակի չեմպիոն (1984, 1985), Եվրոպայի չեմպիոն (1985), աշխարհի առաջնության մրցանակակիր (1985), ԽՍՀՄ միջազգային կարգի սպորտի վարպետ (1985)։
Կենսագրություն[խմբագրել | խմբագրել կոդը]
Հովհաննես Հարությունյանը ծնվել է 1960 թվականի հոկտեմբերի 15-ին ՀԽՍՀ-ի Թալինի շրջանի Թալին գյուղում[1]։ 1966 թվականին նրա ընտանիքը տեղափոխվում է Լենինական, որտեղ էլ Հարությունյանը 1972 թվականին Յուրի Կարապետյանի ղեկավարությամբ սկսում է զբաղվել հունահռոմեական ոճի ըմբշամարտով։ 1977 թվականին դարձել է ԽՍՀՄ պատանեկան առաջնության չեմպիոն։
1978 թվականին Հովհաննես Հարությունյանն ընդունվում Բելառուսի պետական ֆիզիկական կուլտուրայի ինստիտուտ, տեղափոխվում Մինսկ, որտեղ շարունակում է մարզվել ԽՍՀՄ վաստակավոր մարզիչ Ալեքսանդր Շելեգի ղեկավարությամբ։ 1984 և 1985 թվականներին հաղթել է ԽՍՀՄ առաջնություններում։ 1985 թվականին ընդգրկվել է ԽՍՀՄ հավաքականի կազմում, դարձել Եվրոպայի չեմպիոն և աշխարհի առաջնության բրոնզե մեդալակիր։ 1989 թվականին ավարտել է մարզական կարիերան։
Հետագայում մասնակցել է վետերանների մրցաշարերին, որպես մարզիչ աշխատել Բարձրագույն մարզական վարպետության հանրապետական դպրոցում և օլիմպիական խաղերի նախապատրաստական հանրապետական ուսումնարանում։ 2007 թվականից աշխատում է «Դինամո» ֆուտբոլային ակումբում (Մինսկ)՝ որպես ընդհանուր ֆիզիկական պատրաստվածության մարզիչ։
Ծանոթագրություններ[խմբագրել | խմբագրել կոդը]
- ↑ այժմ` քաղաք Թալին, Արագածոտնի մարզ, Հայաստան։