Հերիզաու
| Բնակավայր | |||
|---|---|---|---|
| Հերիզաու | |||
| շվեյց. գերմ.՝ Herisau | |||
| |||
 | |||
| Կոորդինատներ: 47°23′6.4″ հս․ լ. 9°16′43.0″ ավ. ե. / 47.385111° հս․. լ. 9.278611° ավ. ե. | |||
| Երկիր |  Շվեյցարիա | ||
| Մակերես | 25,2 կմ² | ||
| ԲԾՄ | 771 մետր, 738 մետր | ||
| Պաշտոնական լեզու | գերմաներենի շվեյցարական տարբերակ | ||
| Բնակչություն | 15 780 մարդ (դեկտեմբերի 31, 2017)[1] | ||
| Ժամային գոտի | UTC+1 և UTC+2 | ||
| Հեռախոսային կոդ | 071 | ||
| Փոստային ինդեքսներ | 9100 | ||
| Ավտոմոբիլային կոդ | AR | ||
| Պաշտոնական կայք | herisau.ch | ||
| |||
Հերիզաու (գերմ.՝ Herisau)[2], քաղաք և համայնք Շվեյցարիայում, Ապենցել Աուսերռոդեն կանտոնի վարչական կենտրոնը, որտեղ գտնվում են կանտոնի կառավարության ու խորհրդարանի նստավայրերը (դատական իշխանության կենտրոնական ղեկավար մարմինների նստավայրը Տրոգեն քաղաքում է): Հերիզաուի հետ միավորվել են մերձակա մի շարք բնակավայրեր: Կենտրոնական բնակավայրն ու գլխավոր հրապարակի շուրջը գտնվող շինությունները, 1580 թվականին կառուցված բողոքական եկեղեցին, Wetter և zur Rose շենքերը (երկուսն էլ կառուցվել են 1737 թվականին), Schwänberg ավանը, վարչական շենքը՝ պետական արխիվով հանդերձ, ընդգրկված են Շվեյցարիայի համազգային նշանակության պատմամշակութային ժառանգության ցանկում[3]:
Պատմություն[խմբագրել | խմբագրել կոդը]
Պատմական փաստաթղթերում Հերիզաուն առաջին անգամ հիշատակվել է 837 թվականին՝ որպես Herinisauva,[4], իսկ նրա եկեղեցին՝ 907 թվականին: 1084 թվականին Հերիզաուն ավերվել է Սանկտ Գալլ վանքի շուրջ ծավալված մարտերի հետևանքով: 1248 և 1249 թվականներին քաղաքն ավերել են վանքին աջակցող ռազմական ուժերը՝ հավատարմություն պարտադրելու նպատակով:
1517-1518 թվականների միջակայքում քաղաքը կարողացել է վանքին որոշակի գումար վճարելով՝ ձեռք բերել իր ազատությունը: 1601-ին կառուցվել է քաղաքպետարանը: Դրանից հինգ տարի անց քաղաքը մեծապես վնասվել է հրդեհից: 1798-1803 թթ. Հերիզաուն եղել է Säntis կանտոնի մայրաքաղաքը: Քսաներորդ դարի վերջերին անդամագրվել է «Տարվա ալպիական քաղաք» ընկերակցությանը, որի նպատակն է ապահովել ալպիական գոտու բնակավայրերի նշանակալի զարգացումը: 2003 թվականին Հերիզաուն արժանացել է «Տարվա ալպիական քաղաք» մրցանակին:
Պատկերասրահ[խմբագրել | խմբագրել կոդը]
Տեսարան քաղաքից
Երկաթուղային հին կամուրջը
Երկաթուղային կայարանում
Աշխարհագրություն[խմբագրել | խմբագրել կոդը]
Քաղաքն զբաղեցնում է 25.2 քառակուսի կիլոմետր տարածք, որի 56.8%-ն օգտագործվում է գյուղատնտեսական նպատակներով, 27.1%-ն անտառապատ է: Գտնվում է տարածաշրջանի երկու խոշոր ավտոմայրուղիների՝ Սանկտ Գալլեն-Տոգենբուրգ և Գոսաու-Ապենցել ճանապարհների խաչմերուկում:
Ժողովրդագրություն[խմբագրել | խմբագրել կոդը]
2008 թվականի տվյալներով Հերիզաուն ուներ 15.527 բնակիչ, որոնց մոտավորապես 17.9%-ը օտարերկրացիներ էին[5]:
Քաղաքի բնակչության թվաքանակը պատմական ժամանակի ընթացքում կրել է հետևյալ փոփոխությունները[4][6]
| Տարին | Բնակչութ. | Շվեյց. քաղաքացիներ | % Գերմանախոս | % Բողոքականներ | % Կաթոլիկներ |
|---|---|---|---|---|---|
| 1667 | 3,021 | ||||
| 1734 | 4,816 | ||||
| 1780 | 5,933 | ||||
| 1813 | 6,863 | ||||
| 1830 | 7,014 | ||||
| 1850 | 8,387 | 8,189 | 97.1% | 2.9% | |
| 1870 | 9,705 | 9,481 | 92.9% | 6.2% | |
| 1888 | 12,937 | 12,082 | 98.9% | 87.7% | 12.0% |
| 1900 | 13,497 | 12,426 | 98.1% | 84.9% | 14.7% |
| 1910 | 15,336 | 13,550 | 95.0% | 81.4% | 18.0% |
| 1930 | 13,599 | 12,784 | 98.4% | 82.8% | 16.6% |
| 1950 | 13,407 | 12,819 | 97.6% | 80.6% | 18.6% |
| 1970 | 14,597 | 12,128 | 86.0% | 66.3% | 31.3% |
| 1990 | 15,624 | 12,731 | 84.6% | 55.3% | 34.1% |
| 2000 | 15,882 | 12,535 | 87.0% | 48.3% | 32.1% |
Գրականություն[խմբագրել | խմբագրել կոդը]
- Angelo Steccanella: Herisauer Goldschmiede[7]
Ծանոթագրություններ[խմբագրել | խմբագրել կոդը]
- ↑ Bilanz der ständigen Wohnbevölkerung nach institutionellen Gliederungen, Staatsangehörigkeit (Kategorie), Geschlecht und demographischen Komponenten — FSO.
- ↑ Արտասահմանյան երկրների աշխարհագրական անվանումների բառարան / խմբ․ Ա․ Մ․ Կոմիկով. — 3֊րդ հրատարակություն. — Մոսկվա: Նեդրա, 1986. — С. 408.
- ↑ Swiss inventory of cultural property of national and regional significance (1995), p. 55.
- ↑ 4,0 4,1 Կաղապար:HDS
- ↑ Brief Statistics for the half-canton Archived 2011-06-12 at the Wayback Machine. (գերմ.) accessed 15 September 2009
- ↑ http://www.bfs.admin.ch/bfs/portal/fr/index/dienstleistungen/publikationen_statistik/cd_roms/uebersicht.Document.69585.zip
- ↑ online: Herisauer Goldschmiede (PDF; 694 kB)
Արտաքին հղումներ[խմբագրել | խմբագրել կոդը]
- http://www.herisau.ch (գերմ.) Պաշտոնական կայքէջ
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Հերիզաու կատեգորիայում։ |
| ||||||||||
