Հեյզել Մայներ
| Հեյզել Մայներ | |
|---|---|
| Ծնվել է | ապրիլի 11, 1904 |
| Ծննդավայր | Սենգեր, Oliver County, Հյուսիսային Դակոտա, ԱՄՆ |
| Մահացել է | մարտի 16, 1920 (15 տարեկան) |
| Մահվան վայր | Սենթըր, Oliver County |
| Քաղաքացիություն | .svg){kind=small} ԱՄՆ |
| Մասնագիտություն | ագարակապան |
 Hazel Miner Վիքիպահեստում | |
Հեյզել Դալսի Մայներ (անգլ.՝ Hazel Dulcie Miner, ապրիլի 11, 1904, Սենգեր, Oliver County, Հյուսիսային Դակոտա, ԱՄՆ - մարտի 16, 1920, Սենթըր, Oliver County), ամերիկացի աշակերտուհի, մահացել է ձնաբքի ժամանակ 11-ամյա եղբորը և 9-ամյա քրոջը փրկելու ժամանակ[1]։
Կենսագրություն[խմբագրել | խմբագրել կոդը]
Մանկություն[խմբագրել | խմբագրել կոդը]
Հեյզել Դալսի Մայները ծնվել է 1904 թվականի ապրիլի 11-ին ԱՄՆ-ի Սենջերե քաղաքում, Ուիլյամ և Բլանշ Մայներների ընտանիքում։ Ուներ ավագ քույր (Զելդա) և կրտսեր քույր և եղբայրներ (Էմեթ, Մարդիտ և Հորվարդ)[2]։ Փաստաթղթերի գրանցողը, որի աղջկա հետ մանուկ ժամանակ խաղացել էր Հեյզելը, նրան նկարագրել է որպես «լուռ աղջնակ»։
Մայները Էմեթի և Մարդիտի հետ սովորել է մեկ սենյականոց դպրոցում։ 1920 թվականին նա յոթերորդ դասարանի աշակերտուհի էր։ Հետագայում նա պլանավորում էր շարունակել կրթությունը Բիսմարկ քաղաքի միջնակարգ դպրոցում[3][4]։
Մահ[խմբագրել | խմբագրել կոդը]
1920 թվականի մարտի 15-ին մեկ սենյականոց դպրոցի աշակարտներին դասերից ազատեցին սովորականից շուտ, որպեսզի նրանք մինչև փոթորկի սկսվելը կարողանան հասնել տուն[3]։ Մայներները տուն էին գնում ձիու վրա ինքնուրույն, սակայն վատ եղանակի պատճառով նրանց ուսուցիչը թույլ չտվեց գնալ միայնակ։ Ուիլյալ Մայները եկավ դպրոց, որպեսզի ուղեկցի երեխաներին տուն։ Նա ձիուն է կապում սահնակները, որի վրա նստած էին երեխաները, և գնում է դպրոցի ցախանոց։ Հեյզելը չի կարողանում պահել ձիուն, և կենդանին փախչում է սահնակների հետ միասին[4]։
Ուիլյամ Մայներին չի հաջողվում գտնել երեխաներին, և վերադառնում է տուն և ձևավորում որոնողական խումբ։ Քաղաքի բնակիչներն էլ սկսում են որոնումները՝ միևնույն ժամանակ ծանոթներին և հարազատներին կանչելով օգնության[5]։
Չնայած այն հանգամանքին, որ Հեյզելը ծանոթ էր ճանապարհին, նա տեսանելիությանը խանգարող ձյան պատճառով հեշտությամբ կորում է։ Նրա հագին կար վերարկու, գլխարկ, ձեռնոցներ և կոշիկներ, սակայն դրանք ամբողջովին չէին պաշտպանում ցրտից։ Մայները շատ էր մրսել։ Ինչպես ավելի ուշ հիշում է նրա եղբայրը, աղջիկն ասում էր, որ «նրա կոշիկները լի են ջրով»[4]։ Շուտով նա վատ տեսանելիության պատճառով կորցնում է ճանապարհը, սակայն շարունակում է վարել սահնակը[3][4]։
Որոշ ժամանակ անց սահնակները, բախվելով անհայտ խոչընդոտների, շրջվում են։ Մայներները չեն կարողանում դրանք վերադարձնել ուղղահայաց դիրքի, նույնիսկ համատեղ ջանքերով։ Այդ ժամանակ Հեյզելը որոշում է սահնակներն օգտագործել որպես ապաստարան։ Նրանք ունեին երեք վերմակ․ երկուսով ծածկում է եղբորն ու քրոջը, մյուսով ծածկվում է ինքը։ Հեյզելը Էմեթին և Միրդիթին պատմում է զանազան պատմություններ, կատարում է «America the Beautiful» երգը և կարդում է «Հայր Մերը», որպեսզի նրանք չքնեն[3]։ Նա նրանցից չքնելու խոստում է վերցնում։ Մայներներն ամբողջ գիշեր շների հաչոց են լսում, սակայն ոչ ոք նրանց չի մոտենում[6]։
Երեսուն տղամարդուց բաղկացած որոնողական խումբը երեխաներին փնտրում է ամբողջ գիշեր, սակայն նրանք հայտնաբերվում են միայն առավոտյան՝ անհետացումից 25 ժամ հետո[3]։ Ըստ խմբի անդամների հիշողությունների՝ Հեյզելը պառկած էր քրոջ և եղբոր կողքին։ Նա իրենից հանել էր վերարկուն և դրանով ծածկել քրոջն ու եղբորը։ Երկու երեխան էլ կենդանի են մնացել[4][7]։
Երեք երեխաներին տանում են քաղաքի բնակիչներից մեկի տուն[4]։ Այստեղ Հեյզելին բժշկական օգնություն են ցուցաբերել, բայց, չնայած դրան, մի քանի ժամ անց աղջիկը մահանում է։ Բլանշ Մայները հետագայում պատմել է, որ Հեյզելն նրան երազում երևացել և ասել է․ «Ես մրսում էի, մայրիկ, բայց արդեն չեմ մրսում»[4]։ Մայների հուղարկավորման ժամանակ նախարարը մեջբերել է հատվածներ Հովհաննեսի Ավետարանից[4]։
Հիշատակ[խմբագրել | խմբագրել կոդը]
Հեյզել Մայների պատմության հայտնիություն ձեռք բերելուց հետո նա դարձավ ազգային հերոսուհի[4]․
- Ի պատիվ Մայների՝ նախատեսվում էր կառուցել մանկատուն կամ հիվանդանոց, բայց, հավաքված գումարով կառուցվել է հուշահամալիր[4],
- 1936 թվականին Օլիվեր շրջանի դատարանի դիմաց կանգնեցվեց Հեյզելի գրանիտե արձանը[3],
- 1952 թվականին նկարիչ Էլմեր Հալվերսթոնը նկարել է Հեյզել Մայներին պատկերող երկու նկար։ Դրանք տպագրվել են Ford Times թերթում, 1953 թվականի փետրվարին[8],
- Ամերիկացի ֆոլք երաժիշտ Չակ Սաչին Հեյզելին է նվիրել իր «The Story of Hazel Miner» երգը[9],
- Հյուսիսային Դակոտայի որոշ դպրոցների ուսումնական ծրագրերում մտնում է Հեյզելի պատմության ուսումնասիրությունը[10]։
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ Theobald P. Call school: rural education in the Midwest to 1918. — Southern Illinois University Press, 1995. — P. 104. — 264 p. — ISBN 0809318598
- ↑ Gavett J. L. North Dakota: Counties - Towns & People, Part III. — Watchmaker Publishing, 2010. — P. 261. — 432 p.
- ↑ 3,0 3,1 3,2 3,3 3,4 3,5 Robertson J. Stranger, Read It!(անգլ.) // Ford Times. — 1953. — С. 24-27.
- ↑ 4,00 4,01 4,02 4,03 4,04 4,05 4,06 4,07 4,08 4,09 Gullickson L. Hazel Miner, Angel of the Prairies. — Center (N.D.) Republican, 2002.
- ↑ Lost in Blizzard: The children of William Miner Lost in Storm on Way From School(անգլ.) // The Center (N.D.) Republican. — 1920.
- ↑ Henke W. A.; Albers E. C. The Legacy of North Dakota’s Country Schools. — North Dakota: North Dakota Humanities Council, 1997. — P. 265. — 320 p. — ISBN 0965457923
- ↑ Wheeler, 2002, էջ 129
- ↑ Nemenoff B. «Halvorson, Elmer Halfdon». North Dakota Council on the Arts Online Artist Archive. Արխիվացված օրիգինալից 2006 թ․ մայիսի 6-ին. Վերցված է 10.07.2012-ին.
- ↑ Suchy C. The Story of Hazel Miner(անգլ.) // Dakota Breezes. — 1991.
- ↑ State Historical Society of North Dakota. «Unit 7: Set 5: Floods & Blizzards - Hazel Miner». The Primary Sources in North Dakota: Introduction. Արխիվացված օրիգինալից 2012 թ․ սեպտեմբերի 28-ին. Վերցված է 2010 թ․ ապրիլի 24-ին.
Գրականություն[խմբագրել | խմբագրել կոդը]
- Wheeler J. Everyday Heroes: Inspiring Stories of Ordinary People Who Made a Difference (Forged in the Fire). — WaterBrook Press, 2002. — 256 p. — ISBN 1578563224
- Covey S. R. Everyday Greatness: Inspiration for a Meaningful Life. — Thomas Nelson, 2009. — 464 p. — ISBN 0785289593
 | Վիքիպահեստն ունի նյութեր, որոնք վերաբերում են «Հեյզել Մայներ» հոդվածին։ |
|
