Հարություն Ալիխանյան

Վիքիպեդիայից՝ ազատ հանրագիտարանից
Jump to navigation Jump to search
Հարություն Ալիխանյան
Ծնվել էհուլիսի 29, 1896(1896-07-29)
Թիֆլիս, Ռուսական կայսրություն
Մահացել էհոկտեմբերի 26, 1941(1941-10-26) (45 տարեկանում)
ՔաղաքացիությունՌուսական կայսրություն
Flag of the Soviet Union (1924–1955).svg ԽՍՀՄ
Մասնագիտությունգիտնական և արևելագետ
Հաստատություն(ներ)Ռուսաստանի ազգային գրադարան
Գործունեության ոլորտԱրևելագիտություն և Կովկասագիտություն
Ալմա մատերՍանկտ Պետերբուրգի համալսարան

Հարություն Աբրահամի Ալիխանյան (հուլիսի 29, 1896(1896-07-29), Թիֆլիս, Ռուսական կայսրություն - հոկտեմբերի 26, 1941(1941-10-26)), խորհրդային արևելագետ և կովկասագետ[1]:

Կենսագրություն[խմբագրել | խմբագրել կոդը]

Հարություն Ալիխանյանը ծնվել է 1896 թվականի հուլիսի 29-ին, Թիֆլիսում, մանր առևտրականի ընտանիքում[2]: Վաղ հասակում որբացել է, դաստիարակվել է հարազատների կողմից: 1917 թվականին ավարտել է Թբիլիսիի հայկական հոգևոր սեմինարիան և ընդունվել Պետրոգրադի համալսարանի արևելյան լեզուների ֆակուլտետ[1]: Սովորել է Նիկողայոս Մառի մոտ[3]: Ֆակուլտետում սովորել է 3,5 տարի[2], բայց կրթությունը չի ավարտել[4]: 1918 թվականին ուսմանը զուգահեռ, որպես գրագիր աշխատել է Հայկական եկեղեցիների գույքի կառավարման խորհրդի գրասենյակում: 1919 թվականից ծառայել է Հնագիտական հանձնաժողովում: 1920-1921 թվականներին ղեկավարել է Պետրոգրադի համալսարանի գիտաշխատողների հանրակացարանը: Աշխատել է Գիտությունների ակադեմիայի տպարանում որպես գրաշար, եղել է Գ. Ե. Զինովևի անվան Կոմունիստական համալսարանի կազմարարական արհեստանոցի վարիչ[1], 1920 թվականից` Պետրոգրադի համալսարանի հայոց լեզվի դասախոս, 1926-1930 թվականներին` դոցենտ[2]: 1926-1930 թվականներին Լենինգրադի արևելյան ինստիտուտում դասավանդել է հայոց լեզու: 1932-1935 թվականներին ՌԳԱ-ի հնագիտության ինստիտուտում դասավանդել է նոր հայերեն և հին հայերեն լեզուներ, ինչպես նաև հայկական մշակույթ[1]:

1926 թվականից եղել է Հանրային գրադարանի Արևելյան բաժանմունքի արտահաստիքային աշխատակից, 1927 թվականից, համատեղությամբ, հաստիքային աշխատող: 1934 թվականից` Արևելյան բաժանմունքի գլխավոր գրադարանավար[1]:

1932 թվականին ձերբակալվել է «դաշնակցական շարժման հետ կապերի համար», սակայն շուտով ազատ է արձակվել: 1938 թվականին կրկին ձերբակալվել է «հակահեղափոխական ազգայնական դաշնակցական կազմակերպությանը մասնակցելու համար», մեկ տարի անց ազատ է արձակվել գործի քննությունը դադարեցնելու պատճառով[2]: Հայրենական Մեծ պատերազմի սկսվելուց հետո դարձել է բանվորական ջոկատի մարտիկ:

Մահացել է 1941 թվականի հոկտեմբերի 26-ին[1]:

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 1,5 Алиханян Арутюн Абрамович // Сотрудники РНБ — деятели науки и культуры. Биографический словарь, т. 1-4
  2. 2,0 2,1 2,2 2,3 Алиханян (Алиханьян), Арутюн Абрамович // Люди и судьбы. Биобиблиографический словарь востоковедов — жертв политического террора в советский период (1917—1991). — С.-Пб.: Петербургское Востоковедение. Я. В. Васильков, М. Ю. Сорокина. 2003.
  3. Об истоках творчества Руставели и его поэме, Тб., 1964
  4. Алиханян Арутюн Абрамович // Отдел рукописей Российской национальной библиотеки, 1805—2005 : сотрудники Отдела / Рос. нац. б-ка; сост. Л. А. Шилов, Е. А. Савицкая; ред. Л. С. Гейро. — СПб. : РНБ, 2005. — 68 с.

Գրականություն[խմբագրել | խմբագրել կոդը]

  • Армяне в битве за Ленинград : биографический справочник / [сост.: В. Кунтарев, А. Меружанян; гл. ред. А. Меружанян]. — Санкт-Петербург : Роза ветров, 2014. — 671 с.