Հարձակում Մինյայում (2017)
Հարձակում Մինյայում (2017) արաբ․՝ هجوم المنيا 2017 | |
---|---|
Տեսակ | զինված հարձակում |
Երկիր | Եգիպտոս |
Գրոհի վայր | Մինյայի նահանգ |
Տեղադրանք | Էլ Մինյա |
Գրոհի նպատակ | քրիստոնյա ղպտիների զանգվածային սպանություն |
Տարեթիվ | 2017 թվականի մայիսի 26 |
Զոհվածներ | 28 |
Վիրավորներ | 22 |
Կազմակերպիչներ | ԻԼԻՊ |
Հարձակում Մինյայում (արաբ․՝ هجوم المنيا), զինված հարձակում Եգիպտոսի Մինյայի նահանգում, որը տեղի է ունեցել 2017 թվականի մայիսի 26-ին, երբ ղպտիներին, ովքեր քրիստոնյա են, տեղափոխող ավտոբուսի վրա են հարձակվել ԻԼԻՊ-ի գրոհայինները՝ սպանելով 28 և վիրավորելով 22 մարդու[1][2][3][4]։ Ավտոբուսը շարժվելիս է եղել Մագաղայից դեպի Մինյայի նահանգ։ Ուխտավորները եղել են Բենի Սուեյֆ նահանգում, երբ հարձակումը տեղի է ունեցել[2]։
Հարձակում[խմբագրել | խմբագրել կոդը]
Քրիստոնյա ղպտիների երեք ավտոբուսներից կազմված շարասյունը գտնվել է Մինյայի նահանգի Ադվա գյուղի մոտ, երբ զինվորական հագուստով 8-10 զինված գրոհայիններ կտրել են նրանց ճանապարհը[2][3]։ Գրոհայինները կրակ են արձակել ավտոբուսի վրա, որտեղ եղել են նաև երեխաներ՝ սպանելով առնվազն 6 մարդու, ներառյալ 4 և 2 տարեկան երեխաների։ Գրոհայինը ներս է խուժել ավտոբուսի մեջ, գողացել բջջային հեռախոսները և կանացի թանկարժեք զարդերը, սպանել ավտոբուսում գտնվող տղամարդկանց՝ «թողնելով իսլամիստական բուկլետներ մարմինների վրա»[3]։ Իսլամիստները հարակից եկեղեցում աշխատող բանվորների վրա նույնպես կրակ են բացել՝ սպանելով ամենաքիչը 8 բանվորների[3]։ Հարձակումից հետո, գրոհայինները հարձակվել են տրանսպորտային երեք միջոցների վրա[2]։ Պաշտոնապես, որևէ կազմակերպություն չի ստանձնել ահաբեկչության պատասխանատվությունը, սակայն վերլուծաբանների կարծիքով, ահաբեկչական հարձակման ոճը ԻԼԻՊ-ինն է[5]։
Արձագանքներ[խմբագրել | խմբագրել կոդը]
Հարձակումից հետո, նախագահը Ալ Սիսիին հրավիրել է անվտանգության խորհրդի արտահերթ նիստ[5]։ Մինյայում ուժեղացվել է հսկողությունը և քայլեր են ձեռնարկվել՝ գտնելու ահաբեկիչներին[5]։ Հարձակումից հետո, Եգիպտոսի նախագահը կոչով դիմել է քաղաքացիներին՝ նշելով, որ ահաբեկիչները, հավանաբար, երկիր են թափանցել Լիբիայի տարածքում գործող իսլամիստական ճամբարներից[6][7]։
Հայաստանի նախագահ Սերժ Սարգսյանը ցավակցական հեռագիր է հղել Եգիպտոսի նախագահ Աբդել Ֆաթթահ Ալ Սիսիին Եգիպտոսի Ալ Մինյա նահանգում ահաբեկիչների կողմից քրիստոնյա ուխտագնացների սպանության կապակցությամբ[8]։
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ «Children among dozens killed as masked gunmen ambush convoy of Egyptian Coptic Christians».
- ↑ 2,0 2,1 2,2 2,3 «Egypt Coptic Christians killed in bus attack». BBC. Վերցված է 2017 թ․ մայիսի 26-ին.
- ↑ 3,0 3,1 3,2 3,3 «Dozens dead as gunmen attack bus of Coptic Christians in Egypt». The Telegraph. Վերցված է 2017 թ․ մայիսի 26-ին.
- ↑ «Gunmen Attack Coptic Christian Convoy in Egypt, Killing at Least 20». The New York Times. Վերցված է 2017 թ․ մայիսի 26-ին.
- ↑ 5,0 5,1 5,2 «Coptic Christians killed in Minya bus attack». Al Jazeera. 2017 թ․ մայիսի 27. Վերցված է 2017 թ․ մայիսի 26-ին.
- ↑ «Egypt hits 'jihadist camps' after attack on Coptic Christians». BBC News. 2017 թ․ մայիսի 26. Վերցված է 2017 թ․ մայիսի 26-ին.
- ↑ Michaelson, Ruth (2017 թ․ մայիսի 26). «Gunmen kill 26 people in latest attack on Coptic Christians in Egypt». The Guardian. Վերցված է 2017 թ․ մայիսի 26-ին.
- ↑ «Նախագահ Սերժ Սարգսյանը ցավակցական հեռագիր է հղել Եգիպտոսի նախագահ Աբդել Ֆաթթահ Ալ Սիսիին - Ցավակցական - Լրատվություն - Հայաստանի Հանրապետության Նախագահ». նախագահ.հայ. Վերցված է 2017 թ․ մայիսի 27-ին.