«Հավերժահարս», գրականության, արվեստի և գիտությունների կիսամսյա հանդես։ Լույս է տեսել 1862 թ.-ին, Զմյուռնիայում (12 համար)։ Տնօրեն-խմբագիր՝ Ս. Փափազյան։ Տպագրել է հոդվածներ գիտության և արվեստի տարբեր բնագավառներից, զվարճալիքներ, նամակներ, զանազան հայտարարություններ և այլն։ Հատուկ տեղ է հատկացրել կանանց կրթության, կենցաղավարության, նորաձևության հարցերին։ «Հավերժահարսը» նպաստել է գաղթօջախի մշակութային կյանքի զարգացմանը։ Հրատարակել է Վիլյամ Շեքսպիրի «Վենետիկի վաճառականը» (Կ. Տետեյանի թարգմանությամբ), Ղ. Մարկոսյանի «Ալֆրետ ու Եվգինե» երկը, չափածո գործեր, մանրավեպեր։ Աշխատակցել են Տ. Տետեյանը, Մ. Նուպարյանը և ուրիշներ[1][2]։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 6, էջ 269)։
.svg){kind=small}
Օսմանյան կայսրություն
