Հասմիկ Կարապետյան

Վիքիպեդիայից՝ ազատ հանրագիտարանից
Jump to navigation Jump to search
Հասմիկ Կարապետյան
Ծնվել էհուլիսի 4, 1977(1977-07-04) (43 տարեկան)
Երևան, Հայկական ԽՍՀ, ԽՍՀՄ
ԵրկիրFlag of Armenia.svg Հայաստան
Ժանրերփոփ երաժշտություն
Մասնագիտություներգչուհի
Գործիքներվոկալ

Հասմիկ Կարապետյան (հուլիսի 4, 1977(1977-07-04), Երևան, Հայկական ԽՍՀ, ԽՍՀՄ), հայ երգչուհի:

Կենսագրություն[խմբագրել | խմբագրել կոդը]

Ծնվել է 1977 թվականին Երևանում: 1994 թվականին ավարտել է Երևանի Ա. Բլոկի անվան թիվ 122 միջնակարգ դպրոցը, միաժամանակ սովորել է Ա. Գաբրիելյանի անվան երաժշտական դպրոցում: Սովորել է նաև «Գլաձոր» համալսարանի ժուռնալիստիկայի ֆակուլտետում: Երեք տարի հետո ուսումը շարունակել է Երևանի Կոմիտասի անվան պետական կոնսերվատորիայի վոկալի բաժնում, որը կիսատ է թողել ԱՄՆ տեղափոխվելու պատճառով:

Երգել սկսել է մանուկ հասակից: 1995 թվականին «Գարուն» երգով մասնակցել է «Բոհեմ» երգի փառատոնին: 1995-1997 թթ. աշխատել է «Արձագանք» ստուդիայում որպես մենակատար և երաժիշտ, ձայնագրել 6 երգ, համերգներով հանդես եկել Հայաստանում: 1997-1999 թթ. երգել է Հայաստանի Երգի պետական թատրոնում: 2007 թվականից աշխատել է «Արմենիա» հեռուստաընկերությունում, վարել «Հեռուստախոհանոց», «Բարի լույս հայեր», «Երբ պարում են աստղերը», «Առավոտը Շանթում», «Սկսենք նորից» հեռուստանախագծերը: Համերգներով եղել է Հայաստանում և արտերկրում[1]:

Ալբոմներ և տեսահոլովակներ[խմբագրել | խմբագրել կոդը]

2000 թվականին մեկնել է ԱՄՆ և թողարկել առաջին «Անձրև» ալբոմը: 2000-2003 թթ. նկարահանել է մի քանի տեսահոլովակ` «Ես գնում եմ», «Այս բեմում», «Անձրև», «Հոգիս» և այլն: 2004 թվականին թողարկել է երկրորդ «Անծանոթ աշխարհ» ձայնասկավառակը: Թողարկել է նաև «Հոգիս» (2006 թ.), «Լիալուսին»[2] (2010 թ.) ձայնասկավառակը: 2009-2010 թթ. նկարահանել է «Կրակի պար» և «Քո սիրո դիմաց» տեսահոլովակները: 2013 թվականին ԴերՀովայի հետ համատեղ թողարկել է «Անհնարը» երգի տեսահոլովակը[3]:

Մրցանակներ[խմբագրել | խմբագրել կոդը]

  • «Այո» շոու-ծրագրի «Լավագույն հեղինակային կատարող», 1998 թ.
  • «Լավագույն երգչուհի», Մոսկվա
  • «Տարվա լավագույն երգչուհի» մրցանակ, Հայաստանի ազգային երաժշտական մրցանակաբաշխություն, 2006 թ.

Անձնական կյանք[խմբագրել | խմբագրել կոդը]

Նշանադրված է եղել հայ երգիչ Հայկոյի հետ։ Նրանք բաժանվել են 2002 թվականին[4]: 2014 թվականին Հասմիկ Կարապետյանը նշանադրվել է ամերիկահայ դիջեյ, երաժիշտ, պրոդյուսեր Շանթ Քիրմիզյանի հետ[5], որը հայտնի է SOUNDKODE բեմական անվամբ: 2015 թվականի հուլիսի 6-ին նրանք ամուսնացել են: 2016 թվականին ծնվել է նրանց դուստրը՝ Տաթևը[6]:

Ծանոթագրություններ[խմբագրել | խմբագրել կոդը]