Հանուն խաղաղության և զարգացման գիտության համաշխարհային օր
| Հանուն խաղաղության և զարգացման գիտության համաշխարհային օր | |
|---|---|
| Տեսակ | միջազգային օր |
| Ամսաթիվ | Նոյեմբերի 10 |
| Հաստատված | նոյեմբերի 2, 2001 |
| Հիմնադիր | Միացյալ ազգերի կազմակերպության գլխավոր ասամբլեա |
| Կայք | un.org/en/observances/world-science-day(անգլ.), un.org/fr/observances/world-science-day(ֆր.), un.org/es/observances/world-science-day(իսպ.), un.org/ru/observances/world-science-day(ռուս.), un.org/ar/observances/world-science-day(արաբ.), un.org/zh/observances/world-science-day(չին.) և unesco.de/wissen/wissenschaft/10-november-welttag-der-wissenschaft(գերմ.) |
Հանուն խաղաղության և զարգացման գիտության համաշխարհային օր (անգլ.՝ World Science Day for Peace and Development ), ֆր.՝ Journée mondiale de la science au service de la paix et du développement, չինարեն՝ ليوم العالمي للعلم لصالح السلام والتنمية, անգլ.՝ 争取和平与发展世界科学日, միջազգային տոն, որը աշխարհի մի շարք երկրներում նշվում է նոյեմբերի 10-ին։ Տոնի նպատակն է ամբողջ աշխարհում բարձրացնել հասարակության գիտակցությունը հօգուտ գիտության[1]։
Պատմություն[խմբագրել | խմբագրել կոդը]
1999 թվականին Հունգարիայի մայրաքաղաք Բուդապեշտում ՄԱԿ-ի կրթության, գիտության և մշակույթի կազմակերպության (ՅՈՒՆԵՍԿՕ) հովանու ներքո տեղի է ունեցել գիտության վերաբերյալ հերթական համաշխարհային համաժողովը։ Համաժողովին մասնակցել են բազմաթիվ ականավոր գիտնականներ, իրավապաշտպաններ, բնապահպաններ, քաղաքական գործիչներ, Եթովպիայի և Մալավիի պատվիրակությունները Գիտության զարգացման բրիտանական ասոցիացիայի հետ առաջարկել են ստեղծել Գիտության համաշխարհային օր, կամ Գիտության համաշխարհային շաբաթ։ Նրանք պնդում են, որ դա կհանգեցնի հասարակության և գիտության ավելի լավ փոխգործակցությանը՝ աշխարհի մասշտաբով առաջնահերթ խնդիրների լուծման գործում։
Համաժողովի արձանագրությունից հետո՝ 2001 թվականին, ՅՈՒՆԵՍԿՕ-ն հաստատել է նոյեմբերի 10-ը հռչակել «Հանուն խաղաղության և զարգացման գիտության համաշխարհային օր»։ Այն պաշտոնապես նշվում է 2002 թվականից[2]։
Այդ օրը ՅՈՒՆԵՍԿՕ-ի աշխատակիցները խրախուսում են անդամ երկրներին, միջկառավարական և ոչ կառավարական կազմակերպություններին, համալսարաններին, հետազոտական հաստատություններին, գիտական միություններին, մասնագիտական ասոցիացիաներին և դպրոցներին ակտիվորեն մասնակցել միջոցառմանը։
Ծանոթագրություններ[խմբագրել | խմբագրել կոդը]
- ↑ Nations, United. «World Science Day for Peace and Development». United Nations (անգլերեն). Վերցված է 2022 թ․ նոյեմբերի 9-ին.
- ↑ «World Science Day For Peace And Development Quotes». International Business Times (ամերիկյան անգլերեն). 2020 թ․ նոյեմբերի 10. Վերցված է 2022 թ․ նոյեմբերի 9-ին.
Արտաքին հղումներ[խմբագրել | խմբագրել կոդը]
- Նոյեմբերի 10-ը Հանուն խաղաղության եւ զարգացման գիտության համաշխարհային օրն է
- World Science Day for Peace and Development
- Официальный перечень памятных дат ООН
- Послание Генерального директора ЮНЕСКО по поводу Всемирного дня науки за мир и развитие (2009 год)
- ՅՈՒՆԵՍԿՕ-ի գլխավոր տնօրեն Իրինա Բոկովայի ուղերձը Հանուն խաղաղության և զարգացման գիտության համաշխարհային օրվա կապակցությամբ. 10 նոյեմբերի 2010 թ․