Հայկ Յաղուբյան
| Հայկ Յաղուբյան | |
|---|---|
| Ծնվել է | մարտի 12 (24), 1889[1] |
| Ծննդավայր | Թիֆլիս, Ռուսական կայսրություն[1] |
| Մահացել է | 1938[1] |
| Քաղաքացիություն |  Ռուսական կայսրություն և .svg){kind=small} ԽՍՀՄ |
| Կրթություն | Դորպատի կայսերական համալսարան[1] |
| Մասնագիտություն | կուսակցական աշխատող և պետական գործիչ |
| Կուսակցություն | ԽՄԿԿ[1] |
| Անդամություն | Սպարտակ[1] |
Հայկ Հովհաննեսի Յաղուբյան, (մարտի 12 (24), 1889[1], Թիֆլիս, Ռուսական կայսրություն[1] - 1938[1]), Անդրկովկասում և Հայաստանում սովետական կարգեր հաստատելու համար պայքարի մասնակից։ Կոմունիստական կուսակցության անդամ 1905-ից։
Սովորել է Դորպատի համալսարանում։ Ուսանողական շրջանում կատարել է կուսակցական–քաղաքական աշխատանք; 1915-ին վերադարձել է Անդրկովկաս և հեղափոխական գործունեություն ծավալել Վաղարշապատում, էրզրումում և Թիֆլիսում։ 1917–18-ին «Բանվորի կռիվ» բոլշեիկյան թերթի խմբագրական կոլեգիայի անդամ էր։ 1918–20-ին գործել է Դիլիջանում (ղեկավարել է տեղի «Սպարտակ» երիտասարդական կազմակերպությունը)։ Մասնակցել է Մայիսյան ապստամբությանը (1920); Հայաստանում սովետական կարգեր հաստատվելուց հետո Ցա․ ՀԿ(բ)Կ ԿԿ-ի և Ռազմհեղկոմի ներկայացուցիչն էր Դիլիջանում։ Քաղաքացիական կռիվների շրջանում մարտնչել է Ղամարլուի (Արտաշատ) ճակատում։ 1921–29-ին եղել է ՀՍՍՀ լուսժողկոմի տեղակալ, 1930–1931-ին՝ ԽՍՀՄ կապի ժողկոմատի հայկական բաժանմունքի լիազոր, 1932–34-ին՝ ՀՍՍՀ կոմունալ տնտեսության, 1935-ին՝ ֆինանսների ժողկոմ։ Ընտրվել է ՀԿ(բ)Կ ԿԿ և ՀՍՍՀ Կենտգործկոմի անդամ։
Ծանոթագրություններ[խմբագրել | խմբագրել կոդը]
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 8, էջ 115)։ 
|