Հայկ Գալստյան
| Հայկ Գալստյան | |
|---|---|
| Ծնվել է | 1923 |
| Ծննդավայր | Մեղրու շրջան |
| Մահացել է | 1943 |
| Քաղաքացիություն | .svg){kind=small} ԽՍՀՄ |
| Մասնագիտություն | բանաստեղծ և մանկավարժ |
| Պարգևներ և մրցանակներ |  |
Հայկ Խաչատուրի Գալստյան (գրական անունը՝ Հայկ Շերաս, 1923, Մեղրու շրջան - 1943), հայ բանաստեղծ, մանկավարժ։
Կենսագրություն[խմբագրել | խմբագրել կոդը]
Հայկ Գալստյանը ծնվել է 1923 թվականին, Մեղրու շրջանի Վանք գյուղում։ Ավարտել է Լիճքի միջնակարգ դպրոցը, այնուհետև՝ Երևանի մանկավարժական ուսումնարանը։ Աշխատել է Կալեր գյուղի դպրոցում։ 1941 թվականին կամավոր մեկնել է գործող բանակ։ Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) ճակատամարտերին մասնակցել է Հյուսիսային Կովկասից մինչև Ուկրաինա և հերոսաբար զոհվել 1943 թվականի սեպտեմբերին[1][2]։
Գրական գործունեություն[խմբագրել | խմբագրել կոդը]
Բանաստեղծություններ գրել է ուսանողական տարիներից սկսած։ Բանաստեղծ Սաղաթել Հարությունյանը դրական է արտահայտվել դրանց մասին։ Բազմաթիվ բանաստեղծությունների հեղինակ է։ Գալստյանի բանաստեղծությունները և ռազմաճակատից ուղարկված նամակները գրված են հայրենասիրական ոգով[1]։
Պարգևներ[խմբագրել | խմբագրել կոդը]
Մարտերում ցուցաբերած արիության համար պարգևատրվել է «Խիզախության համար» մարտական մեդալով[1]։
Այլ տեղեկություններ[խմբագրել | խմբագրել կոդը]
1976 թվականին Դոնեցկի մարզի Տիմիրյազևի անվան սովխոզի տարածքում Լենինական քաղաքի «Կայծ» ակումբի կարմիր հետախույզներն իրենց հերթական արշավի ժամանակ հայտնաբերել են Հայկ Գալստյանի շիրիմը[1]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 Հայաստանի ուսուցիչները Մեծ հայրենականում։ 3 գիրք։ Հարությունյան, Աշոտ Հովսեփի, Մելքումյան, Հայկազ Ստեփանի, Սուքիասյան, Աղվան Ղազարի։ Երևան, «Լույս», 1987:
- ↑ «ԳԱԼՍՏՅԱՆ ՀԱՅԿ ԽԱՉԱՏՈՒՐԻ». ԶԱՆԳԵԶՈՒՐ (ռուսերեն). 2010 թ․ ապրիլի 28. Վերցված է 2020 թ․ սեպտեմբերի 26-ին.