Հայկուհի Խուդավերդյան
 | |
|---|---|
| Ծնվել է | մարտի 31, 1943 (81 տարեկան) |
| Ծննդավայր | Ոստան, Արտաշատի շրջան, Հայկական ԽՍՀ, ԽՍՀՄ |
| Կրթություն | Երևանի պետական գեղարվեստա-թատերական ինստիտուտ (1965) |
| Քաղաքացիություն |  ԽՍՀՄ և  Հայաստան |
| Մասնագիտություն | դերասանուհի |
| Պարգևներ և մրցանակներ | |
Հայկուհի Ռուբենի Խուդավերդյան (մարտի 31, 1943, Ոստան, Արտաշատի շրջան, Հայկական ԽՍՀ, ԽՍՀՄ), հայ դերասանուհի։ Հայաստանի Հանրապետության վաստակավոր արտիստ (2008)[1]։
Կենսագրություն[խմբագրել | խմբագրել կոդը]
Հայկուհի Խուդավերդյանը ծնվել է 1943 թվականին, Արտաշատի շրջանի Ոստան գյուղում։ Մեկ տարեկան հասակից տեղափոխվել է Երևան։ Ավարտել է Երևանի Հ. Հակոբյանի անվան միջնակարգ դպրոցը։ 1961-1965 թթ. սովորել է Երևանի գեղարվեստա-թատերական ինստիտուտում (Ա. Հովսեփյանի արվեստանոց)։ Ուսանողական տարիներին խաղացել է Երևանի Սունդուկյանի անվան ազգային ակադեմիական թատրոնում։ Առաջին դերը եղել է Սեդան՝ Գ. Բորյանի «Կամրջի վրա» ներկայացման մեջ։ 1965-1967 թթ. եղել է Լենինականի Մռավյանի անվան դրամատիկական թատրոնի դերասանուհի։ 1967 թվականից աշխատում է Երևանի Հրաչյա Ղափլանյանի անվան դրամատիկական թատրոնում։
Դերերը թատրոնում[խմբագրել | խմբագրել կոդը]
- Լեդի Աննա՝ Ու. Շեքսպիրի «Ռիչարդ III»
- Ռայնա՝ «Շոկոլադ ուտող զինվորը»
- Դայակ՝ Եվրիպիդեսի «Մեդեա»
- Լիլիթ՝ Դ. Ալիգիերիի «Աստվածային կատակերգություն»
- Ջոնիի տատիկ՝ Վ. Սարոյանի «Իմ սիրտը լեռներում է»
- Գիքոր` «Գիքոր»
- Էվա` «Մի բուռ մանրուք»
- Սարոյի մայր` «Անուշ»
- Ջոնիի տատ` «Իմ սիրտը լեռներում է»
- Էրիտա` «Մոռանալ Հերոստրատին»
- Մելյա` «Վճարովի պատրանք»
- Սոկոռո` «Ցիանակալիում կաթով… կամ առանց կաթի»
Դերերը կինոյում[խմբագրել | խմբագրել կոդը]
- 2000 - «Սովորական բնազդ» - տատիկ
