Հայաստանի պատմություն (գրքաշար)

Անվան այլ կիրառումների համար տե՛ս՝ Հայաստանի պատմություն (այլ կիրառումներ)

«Հայաստանի պատմություն», Հայկական ճարտարապետությունն ուսումնասիրող հիմնադրամի կողմից հրատարակվող գրքաշար, որի հեղինակն է հուշարձանագետ, բանասեր, պատմագետ ՀՃՈւ հիմնադրամի երևանյան գրասենյակի ղեկավար Սամվել Կարապետյանը։ Այն կազմված է 36 հատորից^[1]։ 2022 թվականի հունվարի դրությամբ լույս է տեսել գրքաշարի առաջին 5 հատորը (Հատոր Ա, Բ, Գ, Դ, Ե)։ Գրքաշարի բոլոր հատորների հրատարակումը նախատեսված է ավարտել 9-ից 10 տարում^[1]։

Հատորներ[խմբագրել | խմբագրել կոդը]

Հայոց ձոր գիրք[խմբագրել | խմբագրել կոդը]

Գիրքը հրատարակվել է 2015 թվականին։ Նվիրված է Պատմական Հայաստանի Վասպուրական նահանգի Հայոց ձոր գավառի պատմությանը և նյութական մշակույթի հուշարձաններին։ Այն հեղինակել է հուշարձանագետ, պատմաբան, բանահավաք, Հայկական ճարտարապետությունն ուսումնասիրող հիմնադրամի երևանյան գրասենյակի ղեկավար Սամվել Կարապետյանը։ Գրքի բովանդակությունը հարստացված է արժեքավոր լուսանկարներով, փաստաթղթերով, առկա է աղբյուրների հսկայական ցանկ։ Աշխատությունը կազմված է 232 էջից և Հայոց ձոր գավառի քարտեզից^[2]^[3]^[4]^[5]։