Համբուրգի դրամահատարան

Վիքիպեդիայից՝ ազատ հանրագիտարանից
Jump to navigation Jump to search
Museum Silhouette.svg
Համբուրգի դրամահատարան
Pincerno Hamburg-Meiendorf 011.jpg
Տեսակդրամահատարան
ԵրկիրFlag of Germany.svg Գերմանիա
ՎայրRahlstedt?
ՀասցեBei der Neuen Münze
ՍեփականատերFinanzbehörde Hamburg?
Ղեկավար կազմակերպությունFinanzbehörde Hamburg?
Հիմնադրված է834
Կոորդինատներ: 53°37′27.894000099997″ հս․ լ. 10°9′13.611600100001″ ավ. ե. / 53.62441500002777417° հս․. լ. 10.15378100002777728° ավ. ե. / 53.62441500002777417; 10.15378100002777728
Պաշտոնական կայք

Համբուրգի դրամահատարան (գերմ՝ Hamburgische Münze), Գերմանիայի ամենահին դրամահատարանը: Դրամահատարանի տարբերանշանն է՝ «J»:

Ձեռնարկությունը գտնվում է Համբուրգի՝ քաղաքի և 16 դաշնային հողերից մեկի ֆինանսական ծառայության անմիջական ենթակայության տակ: Այնտեղ հատվում է Գերմանիայի կողմից թողարկված առօրյա գործածության մետաղադրամների մոտ 21%-ը, ինչպես նաև Գերմանիայի եվրոյի հուշադրամները: Բացի այդ, դրամահատարանն արտադրում է մի շարք մետաղադրամներ նաև այլ պետությունների համար:

Պատմություն[խմբագրել | խմբագրել կոդը]

Համբուրգում առաջին դրամները սկսեցին հատվել արդեն 834 թվականին: Ֆրիդրիխ I Բարբարոսան 1189 թվականին դրամահատարանին շնորհակալություն հայտնեց պատշաճ որակի մետաղադրամների հատման համար, այսինքն՝ անվանական արժեքին համապատասխան քանակությամբ արծաթի պարունակությամբ, որը միջին դարերում հաճախ հանդիպող երևույթ չէր: 1389 թվականին Համբուրգն իրավունք ձեռք բերեց հատելու սեփական, այլ ոչ թե ընդհանուր կայսերական մետաղադրամները[1]:

14-րդ դարի երկրորդ կեսին Համբուրգը միացավ Վենդյան դրամական միություն և սկսեց հատել միության նմուշով սահմանված մետաղադրամներ: 1435 թվականին Սուրբ Հռոմեական կայսրության կայսր Սիգիզմունդը իրավունք տվեց Համբուրգի դրամահատարանում հատել ոսկե գուլդեններ: Իր ժառանգորդ Ֆրեդերիկ III-ը հաստատեց այս իրավունքը 1475 թվականին ոսկե դուկատների հատման համար[1]:

1553 թվականին Համբուրգի դրամահատարանում սկսեցին հատել թալերներ և պորտուգալեզներ[2]:

1842 թվականին դրամահատարանն այրվեց, և այնտեղ մետաղադրամի հատումը դադարեցվեց մինչև 1846 թվականը[3]:

1871 թվականին բոլոր գերմանական պետությունները միասնական Գերմանական կայսրության մեջ միավորումից հետո 1873 թվականին կենտրոնական կառավարությունը որոշում ընդունեց ստեղծել նոր դրամահատարան Համբուրգում: Առաջին մետաղադրամներն այնտեղ հատվեցին 1875 թվականին: Այդ ժամանակ, Համբուրգում թողարկված մետաղադրամները տարբերելու համար դրամահատարանին տրվեց «J» նշանը, որը դրամահատարանն օգտագործում է մինչ այսօր[1]:

1943 թվականին Երկրորդ համաշխարհային պատերազմի ժամանակ դրամահատարանը գրեթե ամբողջությամբ կործանվեց օդային ռմբակոծության հետևանքով: Վերակառուցման աշխատանքները սկսվեցին 1945 թվականին և շարունակվեցին մինչև 1948 թվականը[1]:

1998 թվականից ի վեր եվրոյի մետաղադրամները հատվել են Համբուրգի դրամահատարանում:

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 «Hamburg Mint» (գերմաներեն)։ Официальный сайт гамбургского монетного двора։ Վերցված է 2014-05-02 
  2. Cuhaj G. S. Hamburg // Standard Catalog of German Coins 1501—present / compiled by N. Douglas Nicol. — 3rd. — Iola, WI: Krause Publications, 2011. — P. 486—487. — 1488 p. — ISBN 978-1-4402-1402-8
  3. Faβbender D. Hamburg // Grosser Deutscher Münzkatalog von 1800 bis heute. — 23. Verlag. — Battenberg: Battenberg Verlag, 2008. — P. 133—141. — 656 p. — ISBN 97-3-86646-019-5

Արտաքին հղումներ[խմբագրել | խմբագրել կոդը]

  • «Hamburg Mint» (գերմաներեն)։ Официальный сайт гамбургского монетного двора։ Վերցված է 2014-05-02