Համաշխարհային ահաբեկչության դեմ պայքարի հուշարձան

Վիքիպեդիայից՝ ազատ հանրագիտարանից
Jump to navigation Jump to search
Picto infobox architecture.png
Համաշխարհային ահաբեկչության դեմ պայքարի հուշարձան
Կոորդինատներ40°39′49″ հս․ լ. 74°04′09″ ամ. ե.HGЯO
Գտնվում էՆյու Ջերսի, Բեյոն
Կառուցվել է2005-2006
Շինության ձևըհուշարձան
Կառուցել էԶուրաբ Ծերեթելի
Ներկա վիճակըկանգուն

Համաշխարհային ահաբեկչության դեմ պայքարի հուշարձան (անգլ.՝ To the Struggle Against World Terrorism, հայտնի է նաև որպես Վշտի արցունք, Արցունքի կաթիլի հուշարձան), 100 ֆուտ բարձրությամբ Զուրաբ Ծերեթելիի ստեղծած հուշարձանը, որը Ռուսաստանի կառավարության պաշտոնական նվերն է ԱՄՆ-ին՝ ի հիշատակ Սեպտեմբերի 11-ի ահաբեկչական հարձակումների և 1993 թվականին առևտրի համաշխարհային կենտրոնի ահաբեկչության զոհերի[1]։ Հուշարձանը գտնվում է Նյու Ջերսի նահանգի Բեյոն քաղաքի ռազմական օվկիանոսային տերմինալում։ Հուշարձանի հիմնարկեքի արարողությունը տեղի է ունեցել 2005 թվականի սեպտեմբերի 16-ին, որին մասնակցել է ՌԴ նախագահ Վլադիմիր Պուտինը[2], բացումը՝ 2006 թվականի սեպտեմբերի 11-ին, որին ներկա է գտնվել ԱՄՆ նախագահ Բիլ Քլինթոնը[1][3]։

Նկարագրություն[խմբագրել | խմբագրել կոդը]

Հուշարձանը կազմված է 100 ֆուտ բարձրության բրոնզածածկ աշտարակից, որը մեջտեղից ճեղքված է, և այդ ճեղքում կախված է 12 մետր բարձրությամբ նիկելե արցունքի մի մեծ կաթիլ[1][4][5][6]։ Հուշարձանի պատվանդանի 11 կողմերին փակցված են գրանիտե հուշատախտակներ, որոնց վրա գրված են Սեպտեմբերի 11-ի ահաբեկչության և 1993 թվականի առևտրի համաշխարհային կենտրոնի ահաբեկչության ժամանակ զոհվածների անունները[7]։ Սակայն, ինչպես Սեպտեմբերի 11-ին նվիրված այլ հուշարձաններում, այստեղ նույնպես հիշատակվածների տվյալները հին են, և նշված է միայն 40 մարդու անուն[8]։

Ծերեթելին չի նշել հուշարձանի արժեքը, միայն ասել է, որ վճարել է աշխատանքների և նյութերի համար։ Հուշարձանը դիտարկող իրավաբանն այն գնահատել է 12 միլիոն դոլար[9]։ Ծերեթելին նշել է, որ քանդակի համար մետաղները բերվել են Ռուսաստանի Ձերժինսկ քաղաքի ինքնաթիռներ արտադրող ռազմական գործարանից[10]։

Սկզբում հուշարձանը տվել են Նյու Ջերսիի տեղական կառավարությանը, որը մերժել է այն[11]։ Այնուհետև հուշարձանը տեղափոխվել է ներկայիս վայր՝ Նյու Ջերսիի Բեյոն քաղաք[8]։ 2010 թվականի օգոստոսին Նյու Յորքի և Նյու Ջերսիի նավահանգստի ղեկավարությունը հայտարարել է, որ այդ վայրում կոնտեյներային հաստատություն կառուցելու ծրագիր ունի, և ամենայն հավանականությամբ, հուշարձանը պետք է տեղափոխվի[9]։ Ինչևէ, նավահանգստի ղեկավարությունը, չի հաստատել այս ծրագիրը։ Բեյոն քաղաքից տաքսու մի վարորդ՝ Ռոբերտ "Captain Bob" Տերցին, հուշարձանի տեղահանման կանխման առցանց խնդրագիր է սկսել[9]։

Հուշարձանի մասին կան տարբեր արձագանքներ։ Foreign Policy ամսագիրն այն ներառել է աշխարհի ամենատգեղ հուշարձանների ցանկում[12], մինչդեռ The New Yorker ամսագիրը նշում է, որ հուշարձանը հեռվից դիտելիս կարծես չոր թխվածք լինի[10]։ Ըստ հասարակական արձագանքների՝ հուշարձանը տպավորիչ է[9]։

2011 թվականի սեպտեմբերին հուշարձանին կից տեղադրվել է առևտրի համաշխարհային կենտրոնից բերված 1.2 մետր բարձրությամբ պողպատե տարր[13]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 «The Memorial at Harbor View Park»։ Bayonne Local Redevelopment Authority։ Արխիվացված է օրիգինալից փետրվարի 22, 2012-ին 
  2. «Groundbreaking Ceremony: September 16, 2005»։ Վերցված է հուլիսի 6, 2016 
  3. «The Unveiling of a New World Monument»։ Արխիվացված օրիգինալից փետրվարի 22, 2012-ին։ Վերցված է մարտի 17, 2009 
  4. «Our Towns; A Jersey City Teardrop for 9/11, Or a 10-Story Embarrassment?»։ The New York Times։ հունիսի 30, 2004։ Վերցված է հուլիսի 6, 2016 
  5. «To the Struggle Against World Terrorism, A Monument Created by Zurab Tsereteli as a gift to the American people.»։ Վերցված է հուլիսի 6, 2016 
  6. «Tsereteli's Official Biography»։ Tsereteli's official webpage։ Արխիվացված է օրիգինալից հոկտեմբերի 23, 2012-ին 
  7. «To the Struggle Against World Terrorism: A History»։ Արխիվացված է օրիգինալից օգոստոսի 18, 2009-ին 
  8. 8,0 8,1 «9/11 Memorial in New Jersey Honors 40 People Too Many»։ The New York Times։ Associated Press։ սեպտեմբերի 10, 2006։ Վերցված է հուլիսի 6, 2016 
  9. 9,0 9,1 9,2 9,3 Mike Morley (October 2011)։ «White Elephants»։ Irish American News։ Արխիվացված է օրիգինալից նոյեմբերի 23, 2011-ին 
  10. 10,0 10,1 Finnegan William (հունիսի 25, 2007)։ On the Waterfront: Monument։ The New Yorker։ Արխիվացված օրիգինալից 2015-07-16-ին։ Վերցված է հուլիսի 15, 2015 
  11. Miller Jonathan (հունվարի 30, 2005)։ «Monument In Search Of a Home»։ The New York Times։ Վերցված է ապրիլի 18, 2010 
  12. Keating Joshua (ապրիլի 5, 2010)։ «The World's Ugliest Statues»։ Արխիվացված է օրիգինալից 2011-01-06-ին։ Վերցված է 2017-04-07 
  13. Hack Charles (օգոստոսի 31, 2011)։ «Motorcyclists to escort piece of World Trade Center steel to Bayonne memorial site on Sept. 7»։ The Jersey Journal։ Արխիվացված օրիգինալից 2014-10-27-ին։ Վերցված է 2017-04-07 

Արտաքին հղումներ[խմբագրել | խմբագրել կոդը]