Հակոբ Ասատրյան

Վիքիպեդիայում կան հոդվածներ Ասատրյան ազգանունով այլ մարդկանց մասին:

Հակոբ Ասատրյան
Ծնվել է	նոյեմբերի 16, 1967(1967-11-16) (55 տարեկան)
Ծննդավայր	Կիրովական, Հայկական ԽՍՀ, ԽՍՀՄ
Քաղաքացիություն	Հայաստան
Կրթություն	Երևանի պետական համալսարան
Մասնագիտություն	լրագրող և խմբագիր

Ասատրյան Հակոբ Լեոնիդի (նոյեմբերի 16, 1967(1967-11-16), Կիրովական, Հայկական ԽՍՀ, ԽՍՀՄ), հայ լրագրող, խմբագիր։

Կենսագրություն

Սովորել է ԵՊՀ-ում (Երևանի Պետական Համալսարան) (1984-1987 թթ), ավարտել է ՄՊՀ (Մոսկվայի Պետական Համալսարան) (1990)։ 1991-1998 թվականներին՝ «Ազգ» օրաթերթի աշխատակից, 1992-1998 թվականներին, միաժամանակ՝ ՀՀ-ում «Ազատություն» ռադիոկայանի ռուսական ծառայության, 1993-1997 թվականներին՝ «Արմինիըն Ինտերնեշընըլ Մեգըզին» (Գլենդել, ԱՄՆ) և «Նուվել դ'Արմենի» (Փարիզ) ամսագրերի թղթակից։ 1991 թվականից «Ազգի» սեփական թղթակիցն է Չեխիայում։ 1999 թվականին Պրահայում հիմնադրել է «Կովկաս-Արևելյան Եվրոպա» լրատվական կենտրոնը, «Օրեր» ամսագիրը, որի գլխավոր խմբագիրն է։

ԹՄՄ Վարդգես և Ռիտա Պալյանների «Տարվա լավագույն լրագրող» (1995), ՀԺՄ և Համաշխարհային հայկական կոնգրեսի (2011, լավագույն լրագրողական հրապարակումների համար) մրցանակներ։