Հալեպի ազգային գրադարան
Երկիր | Սիրիա |
---|---|
Տեսակ | հանրային գրադարան |
Գործունեության ոլորտ | հանրակրթություն |
Հիմնվել է | 1924 թվական |
Տեղադրություն | Հալեպ |
Հալեպի ազգային գրադարան (արաբ․՝ دار الكتب الوطنية), հանրային գրադարան Սիրիայի Արաբական Հանրապետության հյուսիսում գտնվող Հալեպ քաղաքում։ Հիմնադրվել է 1924 թվականին՝ Սիրիայի և Լիբանանի ֆրանսիական մանդատի գոյության տարիներին։
Պատմություն
[խմբագրել | խմբագրել կոդը]Հալեպում ազգային գրադարան բացելու որոշումն ընդունվել է Դամասկոսի կենտրոնական կառավարության կողմից 1924 թվականին՝ դառնալով Արաբական գիտական ակադեմիայի մասնաճյուղ։ Նույն թվականին շեյխ Քամել ալ-Ղազին դառնում է գրադարանի առաջին տնօրենը։
1937 թվականին Բաբել ալ-Ֆարաջի հրապարակում սկսվում է գրադարանի մշտական շենքի շինարարական աշխատանքները։ Այն նշանավոր է նրանով, որ գրադարանի շենքը տեղակայված է հրապարակի ժամացույցի հարևանությամբ։ Գրադարանի շինարարությունն ավարտվել է 1939 թվականին։ Նոր գրադարանի շենքի բացումը հետաձգվել է Երկրորդ համաշխարհային պատերազմի ժամանակ՝ որոշակի հանգամանքների պատճառով։
Ի վերջո, Հալեպի նահանգապետ Մուստաֆա ալ-Շիհամիի ջանքերով 1945 թվականի դեկտեմբերի 4-ին բացվում է գրադարանի նոր շենքը՝ 6000 գրքերից կազմված հավաքածուով[1]։
Գրադարանը մնում է Հալեպի քաղաքապետարանի իրավասության տակ մինչև 1954 թվականը, երբ շենքը վերակառուցվելով դառնում է Սիրիայի Արաբական Հանրապետության մշակույթի նախարարության տնօրինության տակ գտնվող սուբյեկտ[2]։ Ներկայումս գրադարանը կազմված է 100 000 գրքերի հավաքածուից։ Շենքն ունի 300 հանդիսատես տեղավորող փոքրիկ թատրոնի դահլիճ։
Ծանոթագրություններ
[խմբագրել | խմբագրել կոդը]- ↑ Հալեպի ազգային գրադարան
- ↑ «Հալեպի ազգային գրադարան՝ Սիրիայի հնագույն մշակութային օջախներ». Արխիվացված է օրիգինալից 2013 թ․ հունիսի 28-ին. Վերցված է 2017 թ․ սեպտեմբերի 23-ին.
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Հալեպի ազգային գրադարան կատեգորիայում։ |