Հադրութի Արթուր Մկրտչյանի անվան հայրենագիտական թանգարան

Վիքիպեդիայից՝ ազատ հանրագիտարանից
Jump to navigation Jump to search
Հադրութի Արթուր Մկրտչյանի անվան հայրենագիտական թանգարան
Hadrout009.JPG
Տեսակհայրենագիտական թանգարան
ԵրկիրԱրցախ
ՏեղագրությունԱրցախ Արցախ, Հադրութի շրջան
ՏնօրենՄարինե Կարապետյան
Կոորդինատներ: 39°45′48.28″ հս․ լ. 46°45′3.85″ ավ. ե. / 39.7634111° հս․. լ. 46.7510694° ավ. ե. / 39.7634111; 46.7510694
Կայքgadrut-muzei.do.am

Հադրութի Արթուր Մկրտչյանի անվան հայրենագիտական թանգարան, գտնվում է ԼՂՀ Հադրութ քաղաքում[1]:

Պատմություն[խմբագրել | խմբագրել կոդը]

Ա. Մկրտչյան արձանը Հադրութ քաղաքում

Հիմնադրվել է 1984 թվականին փետրվարի 28-ին: Հիմնադիրը և առաջին տնօրենը Գ. Լ. Մարդանյանն էր: 1986-1991 թվականներին թանգարանի տնօրենն էր, իսկ հետագայում նաև ԼՂ ԳԽ առաջին նախագահ՝ Ա.Ա.Մկրտչյանը: Վերջինիս օրոք թանգարանը կոչվել է «Դիզակ», իսկ հետագայում Ա.Մկրտչյանի եղերական մահից տարիներ անց, հիմք ընդունելով նրա` թանգարանի համար կատարած մեծածավալ գիտալուսավորական, ուսումնահայտնագործական, հավաքչական և ընդհանուր գիտական աշխատանքները, վերանվանվել է իր` Ա. Մկրտչյանի անվան: Թանգարանի մուտքում տեղադրված է Ա.Մկրտչյանի կիսանդրին` ԼՂՀ զինանշանի ներքո: Մուտքում է տեղադրված նաև Հադրութի շրջանի վարչատարածքային քարտեզ-մանրակերտը:

Թանգարանի ստորաբաժանումներ[խմբագրել | խմբագրել կոդը]

Թանգարանում գործում է վեց սրահ, որտեղ համապատասխանաբար ներկայացվում են՝

  • Հադրութի շրջանի մասին ընդհանուր տեղեկություններ,
  • Շրջանի կենցաղը պատկերող առարկաներ,
  • Նախահեղափոխական շրջան,
  • 1941-1945 թվականներին նվիրված սրահ:

Վերջին սրահում ներկայացված են արցախյան գոյապայքարում զոհված հադրութցի ազատամարտիկների լուսանկարները`ըստ գյուղերի: Առանձին վահանակներով են ներկայացված Մարտական խաչի ասպետների և անհետ կորած ազատամարտիկների լուսանկարները: Այստեղ է դրված զոհված ազատամարտիկների հիշատակին նվիրված հուշարձանի մանրակերտը: Առանձին վահանակով ներկայացված է Արթուր Մկրտչյանի անցած ուղին: Առանձին վահանակով ներկայացված է նաև ապրիլյան քառօրյա պատերազմում զոհված անվեհեր դիզակցիների լուսանկարները:

Այժմ տնօրենն է՝ Մարինե Կարապետյանը:

Մասնաճյուղեր[խմբագրել | խմբագրել կոդը]

«Հադրութի Ա. Մկրտչյանի անվան հայրենագիտական թանգարան» ՊՈԱԿ-ն ունի երկու մասնաճյուղերը՝ Մեծ թաղեր գյուղում «Մեծ Թաղերի Խուդյակովի անվան տուն-թանգարան» և Տումիում՝ «Տումի Թևան Ստեփանյանի անվան տուն-թանգարան»: Վերջինս գործում է 2014 թվականից:

Ծանոթագրություններ[խմբագրել | խմբագրել կոդը]