Կվատրո Կանտի
| Կվատրո Կանտի | |
|---|---|
 | |
| Երկիր |  Իտալիա[1] |
| Տեղագրություն | Պալերմո[1] |
 | |
 | |
Կվատրո Կանտի (իտալերեն՝ Quattro Canti), պաշտոնապես հայտնի է որպես Պիացա Վիլյենա, հրապարակ Պալերմո քաղաքում, Սիցիլիա, Հարավային Իտալիա։ Կառուցված է բարոկկո ոճով։
Պիացա Վիլյենան գտնվում է Կորսո Վիտտորիո Էմանուելե և Վիա Մակեդա փողոցների հատման տեղում։ Հրապարակը ձևավորվել է 1600 թվականին[2], երբ ըստ իսպանացի փոխարքա Մակեդայի հրամանի հին Պալերմոյի փողոցների լաբիրինթոսով ուղղահայաց ձևով հատվեց ճանապարհ, որն ավելի ուշ կոչվեց նրա անունով։ Հրապարակն իրենից ներկայացնում է ճարտարապետական համալիր՝ կառուցված բարոկկո ոճով, որը նախագծվել է 1609 թվականին Ջուլիո Լասոոն։ 1620 թվականին նախագիծն իրագործվել է Ջուզեպե դե Ավանցատոյի կողմից։ Այն ժամանակ, երբ կառուցվեց Պյացա Վիլյենան, Եվրոպայում քաղաքաշինության առաջին խոշոր օրինակն էր։
Պյացա Վիլյենայի բոլոր չորս շինությունների անկյունները այնպես են կառուցված, որ հրապարակը ձեռք է բերել ութանկյան տեսք։ Բոլոր չորս «անկյունային» ճակատամասները կառուցված են միևնույն ոճով։ Դրանց ստորին հարկը զարդարված է շատրվաններով՝ որոնք ձևավորված են չորս եղանակների արձաններով։ Շենքերի միջին հարկի որմնախորշերում տեղադրված են Ֆիլիպ II, Ֆիլիպ III, Ֆիլիպ IV և Կառլոս V իսպանացի արքաների արձանները։ Վերին հարկը ձևավորված է Սուրբ Ագաթայի, Քրիստինայի, Տրիֆոնի և Օլիվիայի արձաններով։ Վերջիններս մինչև 17-րդ դարը համարվում էին Պալերմոյի պահապան սրբեր, ապա դարձան Պալերմոյի չորս թաղամասերի հովանավորները։ Դրանց երևում են գտնվում իրենց թաղամասերը։
| Ողղություն | հարավ | արևմուտք | հյուսիս | արևելք |
| Լուսանկար | 
|
|
|
|
| Շրջան | Ալբերգերիա | Սերալկադիո | Լա Լոջիա | Կալսա |
| Կառույց | Պալացո Ռեալ (արքայական պալատ) | Մոնթե դի Պիետա (գրավատուն) | Կաստելմարե | Տրիբունալի (դատարան) |
| Եղանակ | գարուն | ամառ | աշուն | ձմեռ |
| Արքա | Կառլոս V | Ֆիլիպ II | Ֆիլիպ IV | Ֆիլիպ III |
| Պահապան սուրբ | Քրիստինա Բոլսենացի | Սուրբ Նինֆա | Սուրբ Օլիվիա | Ագաթա Սիցիլիացի |
Ծանոթագրություններ[խմբագրել | խմբագրել կոդը]
- ↑ 1,0 1,1 archINFORM (գերմ.) — 1994.
- ↑ The Viceroy in 1608 was Juan Fernández Pacheco, duque de Escalona; there were four further viceroys before 1620.