Քաղաքը գտնվում է նահանգի հյուսիս-արևելյան մասում, լեռնոտ տեղանքում, Օրդ գետի աջ ափին, Հյուսիսային տարածքի սահմանի մոտ։ Ծովի մակարդակից բացարձակ բարձրությունը 51 մետր է[4]։ Կունունառան գտնվում է Փերթ նահանգի վարչական կենտրոնից մոտավորապես 2200 կիլոմետր հյուսիս-արևելք։ Քաղաքի արևելքում է գտնվում Հիդեն Բելի ազգային պարկը։
 Ջերմաստիճանի և տեղումների տարեկան միջին ցուցանիշները Կունունառա |
|---|
| Ամիս |
հունվ |
փետ |
մարտ |
ապր |
մայ |
հուն |
հուլ |
օգոս |
սեպ |
հոկ |
նոյ |
դեկ |
տարին |
| միջին առավելագույնը (°C) |
36,4 |
35,5 |
35,3 |
35,5 |
32,9 |
30,5 |
30,2 |
33,6 |
36,4 |
38,3 |
38,8 |
38,1 |
35,1 |
| միջին ջերմաստիճանը (°C) |
30 |
30 |
29 |
28 |
26 |
23 |
22 |
25 |
28 |
31 |
32 |
31 |
28 |
|---|
| միջին նվազագույնը (°C) |
25,1 |
24,9 |
24,1 |
21,3 |
19,1 |
15,9 |
15 |
17,5 |
20,8 |
23,7 |
25,4 |
25,7 |
21,6 |
|---|
| Աղբյուր՝ Weatherbase |
2011 թվականի մարդահամարի տվյալներով Կունունառայի բնակչությունը 4574 մարդ էր[5]։ Քաղաքի բնակչության դինամիկան ըստ տարիների․
| 2001 |
2006 |
2011 |
|---|
| 5219 |
3748 |
4574 |
2006 թվականի մարդահամարի տվյալներով քաղաքում բնակվում էր 3748 մարդ, որոնցից տղամարդիկ կազմում էին 51,4%, կանայք՝ համապատասխանաբար 48,6%։ Քաղաքացիների 26,5% -ը Ավստրալիայի բնիկ բնակչության ներկայացուցիչներ էին (համաավստրալիական ցուցանիշով՝ 2,3%)[6]։
Ըստ 2006 թվականի մարդահամարի տվյալների՝ քաղաքի բնակչությունը ըստ տարիքային միջակայքի բաշխվել է հետևյալ կերպ՝ 24,3% -ը 14 տարեկանից ցածր բնակիչներ են, 14,3% -ը՝ 15-24 տարեկան, 49,4% -ը՝ 25-54, 8,4% -ը՝ 55-64 և 3,6% -ը՝ 65 տարեկան և բարձր։ Մարդահամարը նաև ցույց է տվել, որ քաղաքացիների 10,3% -ը ծնվել է Ավստրալիայի սահմաններից դուրս, իսկ 5,7% -ը այլ պետությունների քաղաքացիներ են։ Մեծ Բրիտանիան քաղաքի բնակիչների 2,8% -ի հայրենիքն է, որին հաջորդում են Նոր Զելանդիան (1,9%), Հարավային Աֆրիկան (0,7%), Գերմանիան (0,6%) և Նիդեռլանդները (0,5%)։ Կունունառայի բնակիչների մեծամասնության համար մայրենի լեզուն անգլերենն է, շատերը գիտեն նաև ավստրալերենը (միրիվունգ, կիտյա, տյարու), գերմաներեն և հոլանդերեն։ 2006 թվականի մարդահամարը ցույց է տվել, որ դավանաբանական կառուցվածքում բնակչության 23,5% -ը կաթոլիկներ են։ Երկրորդ տեղում իրենց աթեիստների շարքին դասող խումբն է՝ 22,3%, որին հաջորդում են անգլիկան եկեղեցու հետևորդները՝ 13,5%, Միացյալ եկեղեցու ներկայացուցիչները՝ 4,7% և բողոքական այլ եկեղեցիների ներկայացուցիչները՝ 3%[6]։
Քաղաքից արևմուտք գտնվում է համանուն օդանավակայանը։ Նաև քաղաքի միջով անցնում է Մ1 մայրուղին, որը միացնում է Ավստրալիայի բոլոր նշանակալի քաղաքները։
Ավստրալիա
Ջերմաստիճանի և տեղումների տարեկան միջին ցուցանիշները Կունունառա
