Կոստրոմա (մուլտֆիլմ)

Կոստրոմա
Տեսակ	մուլտֆիլմ
Ռեժիսոր	Ինեսա Կովալևսկայա
Երաժշտություն	Եվգենի Բոտյարով
Երկիր	ԽՍՀՄ
Ընկերություն	Սոյուզմուլտֆիլմ
Տևողություն	10 րոպե
Թվական	1989

Կոստրոմա (ռուս.՝ Кострома), երաժշտական մուլտֆիլմ, որը նկարահանել է Ինեսա Կովալևսկայան 1989 թվականին «Սոյուզմուլտֆիլմ» ստուդիայում։

Ենթավերնագիրն է` Հնօրյա ծիսական խաղերգ` նվիրված գարնանը և ձեռագործուհի Կոստրոմային:

Սյուժե

Մուլտֆիլմը ֆանտազիա է «Կոստրոմա» երգերի թեմայով։

Գյուղում գարուն է եկել։ Բնակիչները պատրաստվում են դրան նվիրված տոնին։ Կանայք ձեռք են բերում վառ գլխաշորեր, վերցնում են դիմակներ և երգում ծիսակարգային երգեր։ Կոստրոմային պատկերող ձեռագործուհին կտավ է գործում։ Պատրաստված կտորները կանայք հագցնում են ծղոտե խրտվիլակին։ Կոստրոման հյուրասիրություն է պատրաստում, և բոլորը համտեսում են այն։ Այնուհետև Կոստրոման պառկում է հանգստանալու, հիվանդանում է, կարճ ժամանակով մահանում է, արթնանում է և բոլորի հետ գնում գետի մոտ։ Այնտեղ զարդարված խրտվիլակը դնում են նավակի վրա և երգերի ուղեկցությամբ բաց են թողնում գետի հոսանքի ուղղությամբ։

Նկարահանող խումբ

• Ռեժիսոր` Ինեսա Կովալևսկայա
• Սցենարի հեղինակ` Ն. Տիխոնովա
• Բեմադրող նկարիչ` Գալինա Շակիցկայա
• Նկարիչ-մուլտիկատորներ` Վլադիմիր Շևչենկո, Օլգա Օռլովա, Ալեքսանդր Պանով, Ալեքսանդր Մարկելով, Դմիտրի Կուլիկով
• Նկարիչներ` Իրինա Սվետլիցա, Ի. Բալաշովա, Տատյանա Մակարովա, Օլգա Նավասյոլովա, Ի. Կոլոսովա, Ա. Ռատկովսկայա, Աննա Չիստովա
• Օպերատոր` Նատալյա Միխայլովա
• Կոմպոզիտոր` Եվգենի Բոտյարով
• Հնչունային օպերատոր` Վլադիմիր Կուտուզով
• Մոնտաժող` Ի. Գերասիմովա
• Խմբագիր` Ելենա Միխայլովա
• Տնօրեն` Լիլիանա Մոնախովա

Քնադատների արձագանք

Կովալևսկայան նոր թեմա է մշակել, որն է ազգային երգերի և համաշխարային դասական գլուխգործոցներից էկրանավորումը։ Այդպես հայտնվել են «Ռուսական երգերը» (1972), «Մանկական ալբոմը» (1976), «Կոստրոման» (1989)։ Դա փորձ էր սովորեցնել փոքրիկ հանդիսատեսին երաժշտություն լսել և երևակայել։ - Սերգեյ Կապկով «Մեր մուլտֆիլմերը»

Արտաքին հղումներ

• «Կոստրոմա» մուլտֆիլմը «Անիմատոր.ռու» կայքում