Կոնստանտին Հոլթհոեր

Վիքիպեդիայից՝ ազատ հանրագիտարանից
Jump to navigation Jump to search
Կոնստանտին Հոլթհոեր
Konstantin A. Goltgoer.jpeg
հունվարի 4, 1865(1865-01-04) - մարտի 20, 1933(1933-03-20) (68 տարեկանում)
ԾննդավայրՍանկտ Պետերբուրգ, Ռուսական կայսրություն
Մահվան վայրՀելսինկի, Ֆինլանդիա
ԳերեզմանՀիետանիեմի գերեզմասնատուն
ՔաղաքացիությունՌուսական կայսրություն
ԶորատեսակRussian Imperial Guard? և հետևազոր
Կոչումգեներալ-մայոր
Հրամանատարն էրQ4031200?
Մարտեր/
պատերազմներ
Առաջին համաշխարհային պատերազմ
ՊարգևներՍուրբ Աննայի 2-րդ աստիճանի շքանշան, Սուրբ Ստանիսլավի 2-րդ աստիճանի շքանշան, Սուրբ Վլադիմիրի 3-րդ աստիճանի շքանշան և Սուրբ Գեորգիի 4-րդ դասի շքանշան

Կոնստանտին Հոլթհոեր (ֆին.՝ Konstantin Holthoer, հունվարի 4, 1865(1865-01-04), Սանկտ Պետերբուրգ, Ռուսական կայսրություն - մարտի 20, 1933(1933-03-20), Հելսինկի, Ֆինլանդիա), ռուս գեներալ, Առաջին համաշխարհային պատերազմի հերոս:

Կենսագրություն[խմբագրել | խմբագրել կոդը]

Կոնստանտին Հոլթհոերը ծնվել է 1865 թվականին Սանկտ Պետերբուրգում, գեներալ-լեյտենանտ Ալեքսանդր Ֆյոդրովիչի և Վերա Գավրիլովնա Հոլթհոերի ընտանիքում: Եղել է Սանկտ-Պետերբուրգի նահանգի ուղղափառ ազնվականներից: 1882 թվականի սեպտեմբերի 1-ից անցել է ծառայության: Ավարտել է Պաժերի կորպուսը (1884), որպես պրապորշչիկ ծառայել Պրեօբրաժենսկի գնդի լեյբ-գվարդիայում:

Եղել է Պրեօբրաժենսկի գնդի վաշտի և գումարտակի, այնուհետև` 4-րդ հրաձգային գումարտակի (1906-1910) և 92-րդ Պեչորյան հետևակային գնդի հրամանատար (08.06.1909-28.06.1910): Հետագայում եղել է 4-րդ հրաձգային Կայսերական ազգանվան գնդի (1910-22.04.1915) և 1-ին բրիգադայի 1-ին գվարդիական հետևակային դիվիզիայի (22.04.1915-10.07.1916) հրամանատար: Հայտնի է նաև, որ նա եղել է 2-րդ գվարդիական հետևակային դիվիզիայի (1916- 9.04.1917) հրամանատար: Առաջին համաշխարհային պատերազմի մարտական գործողություններում աչքի ընկնելու համար պարգևատրվել է Գեորգիևյան զենքով և Սուրբ Գեորգիի 4-րդ աստիճանի շքանշանով 1914 թվականի սեպտեմբերի 27-ին Օպատովի տակ մղվող մարտերում գնդի գործողությունները գերազանց ղեկավարելու, իր գնդով թշնամու մարտական դիրքերը գրոհելու և հարևան զորամասերին թշնամու զորքերի շրջափակման օղակը ճեղքելու աջակցման համար:

1918 թվականին եղել է Պետրոգրադի հակասովետական ընդհատակյա կազմակերպության անդամ, մասնակցել Սպիտակ շարժմանը: Քաղաքացիական պատերազմից հետո արտագաղթել է Ֆինլանդիա[1]: Աշխատել է գործարանային բանվոր:

Մահացել է 1933 թվականի մարտի 30-ին Հելսինկիում: Թաղված է Լապնլախտի շրջանի ուղղափառ գերեզմանատանը[2]:

Կոչումներ[խմբագրել | խմբագրել կոդը]

  • Պոդպորուչիկ (14.08.1884)
  • Պորուչիկ (14.08.1888)
  • Շտաբս-կապիտան (գերազանցության համար, 06.12.1895)
  • Կապիտան (գերազանցության համար, 06.05.1900)
  • Արքայահամհարզ (1904)
  • Գնդապետ (06.12.1904)
  • Գեներալ-մայոր (28.06.1910)
  • Նորին Մեծության շքախմբի գեներալ-մայոր (1912)

Ընտանիք[խմբագրել | խմբագրել կոդը]

Ամուսնացել է իր խնամակալ Զինաիդա Յակովլևնա Լիխաչյովայի դստեր և Պ. Ն. Յակոբի[3] քենու` Զ. Դ. Կրոնբերգի հետ: 1907 թվականի նոյեմբերի 1-ի դրությամբ ունեցել է երկու երեխա:

  • Որդին` Ալեքսանդր Կոնստանտինովիչ (12.08.1901- 3.05.1956, Հելսինկի)
    • Թոռը` Ռոստիսլավ Ալեքսանդրովիչ (29.07.1937, Հելսինկի- 28.04.1997, Հելսինկի), ֆիննական եգիպտոլոգ

Պարգևներ[խմբագրել | խմբագրել կոդը]

  • Սուրբ Ստանիսլավի 2-րդ աստիճանի շքանշան (1905)
  • Սուրբ Աննայի 2-րդ աստիճանի շքանշան (1906)
  • Սուրբ Վլադիմիրի 3-րդ աստիճանի շքանշան (1913)
  • Գեորգիևյան զենք (ВП 03.01.1915)
  • Սուրբ Գեորգիի 4-րդ աստիճանի շքանշան (30.01.1915)

Ծանոթագրություններ[խմբագրել | խմբագրել կոդը]

  1. Незабытые могилы. Российское зарубежье: некрологи 1917-1997 в 6 томах. Том 2. Г-З. М.: «Пашков дом», 1999. - ISBN 5-7510-0169-9. С. 162
  2. Список захоронений русского кладбища в Хельсинки
  3. Флам, Людмила Сергеевна Правовед П. Н. Якоби и его семья: воспоминания. — М.: Русский путь, 2014. — 192 с. — ISBN 978-5-85887-446-1

Արտաքին հղումներ[խմբագրել | խմբագրել կոդը]