Կոլլեգիում Օրիենտալե
Կոլլեգիում Օրիենտալե | |
---|---|
Հապավում | COr |
Տեսակ | ճեմարան |
Հիմնադրված է | 1998 |
Ռեկտոր | Օլեկսանդր ավագ քահանա Պետրինկո (Ռեկտոր) արքիմանդրիտ Թոմաս Կրեմեր (Փոխռեկտոր) |
Ուսանողներ | 38 |
Երկիր | Գերմանիա, |
Տեղագրություն | Բավարիա, Այխշտետ |
Հասցե | Leonrodplatz 3, 85702 Eichstätt, Deutschland (Germany) |
Կայք | collegium-orientale.de |
Collegium Orientale Վիքիպահեստում |
Կոլլեգիում Օրիենտալե (գերմ.՝ Collegium Orientale), էկումենիկ բնույթի կաթոլիկ հոգևոր ճեմարան, որի նպատակն է Կաթոլիկ արևելյան ինչպես նաև ոչ կաթոլիկ արևելյան Եկեղեցիների համար հոգևորականների պատրաստությունը։
Պատմություն[խմբագրել | խմբագրել կոդը]
Կոլլեգիում Օրիենտալեն հիմնադրվել է 1998 թվականի սեպտեմբերի 1-ին Գերմանիայի Բավարիա երկրամասի Այխշտետ քաղաքում՝ Անդրեաս Թիրմայերի (Andreas Thiermeyer) կողմից և Աշխշտետի եպիսկոպոս Վալտեր Միքսայի (Walter Mixa) անմիջական աջակցությամբ։ Այն Այխշտետի կաթոլիկ թեմին (Bistum Eichstätt) պատկանող հոգևոր կրթական հաստատություն է և գտնվում է Այխշտետի եպիսկոպոսի անմիջական տնօրինության ներքո։
Առաքելություն[խմբագրել | խմբագրել կոդը]
Կոլլեգիում Օրիենտալեում ուսանում են շուրջ 40 ուսանողներ Կաթոլիկ արևելյան (Մարոնիական Կաթոլիկ, Ասորի Մալաբար Կաթոլիկ, Ասորի Մալանկար Կաթոլիկ, Ուկրաինական, Հունգարական, Սլովակական հունակաթոլիկ) ինչպես նաև Հին Արևելյան Ուղղափառ (Հայաստանեայց Առաքելական) և Բյուզանդական ավանդույթին պատկանող Ուղղափառ (Վրաց Ուղղափառ, Մոսկվայի պատրիարքարանին ենթակա Ուկրաինական Ուղղափառ) Եկեղեցիներից։ Այս հոգևոր կրթական հաստատության առաքելությունն է պատրաստել աստվածաբանական որակյալ կրթությամբ հոգևորականներ, որոնք իրենց հետագա ծառայությունը կբերեն իրենց եկեղեցիներում։ Ինչպես նաև նպաստել զանազան Արևելյան Եկեղեցիների ծիսական, աստվածաբանական ավանդույթների փոխճանաչմանը և էկումենիկ երկխոսությանը։ Կոլլեգիում Օրիենտալեի ուսանողներն իրենց աստվածաբանական կրթությունը ստանում են Այխշտետ-Ինգոլշտադի Կաթոլիկ համալսարանի Աստվածաբանության ֆակուլտետում։ Աստվածաբանական կրթության կազմակերպմանը զուգահեռ Կոլլեգիում Օրիենտալեի ղեկավարությունն կազմակերպում է զանազան միջոցառումներ, որոնք նպատակաուղղված են նպաստելու արևելքի քրիստոնյա ժողովուրդների պատմությանը և մշակույթին առնչվող զանազան խնդիրների լուսաբանմանը։ Այսպես օրինակ Կոլլեգիում Օրիենտալեի կողմից Հայոց ցեղասպանության 100-ամյակի շրջանակներում կազմակերպվեց հիշատակի միջոցառում[1]։
Ծիսական կանոնակարգ[խմբագրել | խմբագրել կոդը]
Կոլլեգիում Օրիենտալեի հիմնական ծիսական ավանդությունը (Ս. Պատարագ, Ժամերգություններ) բյուզանդականն է՝ գերմաներեն լեզվով[2] , սակայն կանոնակարգված կերպով պարբերաբար կատարվում են նաև մյուս եկեղեցական ավանդույթիներին պատկանող (ասորական, հայկական, և այլն) աստվածապաշտություն։ Կոլլեգիում Օրիենտալեում առկա են նաև ասորական և ղպտական մատուռներ։
Ղեկավար կազմ[խմբագրել | խմբագրել կոդը]
Ռեկտորներ[խմբագրել | խմբագրել կոդը]
- 1998 - 2008 - Անդրեաս Թիրմայեր (Archimandrit Dr. Andreas Thiermeyer)
- 2008 - 2014 - Պաուլ Շմիդտ (Msgr. Paul Schmidt)
- 2014 - Օլեկսանդր Պետրինկո (Erzpriester Dr. Oleksandr Petrynko)
Փոխռեկտորներ[խմբագրել | խմբագրել կոդը]
- 2008 - 2014 - Օլեկսանդր Պետրինկո (Erzpriester Dr. Oleksandr Petrynko)
- 2014 - 2016 - Թոմաս Կրեմեր (Archimandrit Dr. Thomas Kremer)
- 2016 - Ֆրանցիսկուս Սուքքար (P. Franziskus Succar)
Ծանոթագրություններ[խմբագրել | խմբագրել կոդը]
- ↑ Kusche, Dagmar (2015). Frage nach der menschlichen Schuld. Eichstätter Collegium Orientale erinnert an Völkermord an den Armeniern vor 100 Jahren. Donaukurier No. 139, 20./21. Juni 2015. Kreitmeir, Klaus: Das Jahr des großen Verbrechens. Gedenkveranstaltung im Collegium Orientale zum Genozid an den Armeniern vor 100 Jahren. In: Kirchenzeitung für das Bistum Eichstätt, Nr. 25, 21. Juni 2015, S. 13.
- ↑ «Die Zielsetzung des Collegium Orientale». Արխիվացված է օրիգինալից 2015 թ․ օգոստոսի 1-ին. Վերցված է 2015 թ․ հոկտեմբերի 20-ին.
Արտաքին հղումներ[խմբագրել | խմբագրել կոդը]
- Պաշտոնական կայքէջ(գերմ.)
- Կոլլեգիում Օրիենտալե - Վավերագրական ֆիլմ(գերմ.)
Վիքիպահեստն ունի նյութեր, որոնք վերաբերում են «Կոլլեգիում Օրիենտալե» հոդվածին։ |