Կլաուս Գրոտի տուն-թանգարան

Կլաուս Գրոտի տուն-թանգարան
Տեսակ	թանգարան
Երկիր	Գերմանիա
Տեղագրություն	Heide?
Հիմնադրվել է	1914
Կայք	groth-gesellschaft.de/museum​(գերմ.)

Կլաուս Գրոտի տուն-թանգարան , գերմանացի բանաստեղծ Կլաուս Գրոտի տոհմական տունը, որը գտնվում է Գոլշտեյնի Հայդե քաղաքում։ Այն տեղակայված է Լյութենհայդի փողոցի № 48 տանը, որի մոտակայքում շուկայական հրապարակ է։ 2004 թվականից չի համարվում ինքնուրույն թանգարան, այլ համարվում է Լյութենհայդի թանգարանային համալիրի մի մասը։

Նկարագրություն

Թանգարանը ստեղծվել է 1914 թվականին` ի հիշատակ Գրոտի կյանքի և ստեղծագործության։ Քաղաքի կողմից տունը ձեռք բերելուց հետո արդեն այդ ժամանակ խարխրված տանը անց են կացվել նշանակալի վերանորոգումներ, որոնց շնորհիվ 1796 թվականին հաջողվել է պահպանել երկթեք շինության սկզբնական համալիրը։ Տունը կահավորվել է քաղաքացիների կողմից նվիրված համապատասխան դարաշրջանի կահույքով։ Մասնավորապես, Գրոտի տոհմական սենյակը վերակառուցվել է ըստ նկարիչ Օտտո Սպեկտերի նկարի։

Թանգարանը պատկերացում է տալիս 19-րդ դարի ջրաղացպանի առօրյա կյանքի մասին։ Գրոտի ընտանիքը ղեկավարել է ալրաղաց այն բանից հետո, երբ Կլաուս Գրոտի պապիկը` Կլաուս Ռեյմեր Գրոտը, ամուսնացել է Կլեն ընտանիքի աղջկա հետ 1790 թվականին։ Մասնավորապես, Լյութենհայդի արհեստավորական նախկին թաղամասում կենցաղը և աշխատավորական կյանքը շատ խիստ միաձուլված էին։ Դրա մասին վկայել են կահավորված սենյակները, ինչպես նաև` ձեռնահարկում ցուցադրված ֆրեզահաստոցները։

Հավաքածուն ներառում է օրգինալ փաստաթղթերի մեծ խումբ Գրոտի առանձնատնից, որոնցից որոշները մշտական ցուցադրության մաս են։ Անձնական իրերը, նկարները և լուսանկարները ևս թանգարանի ինվենտարի մաս են։ Մեծ գրադարանը այժմ պահվում է Քիլի պետական գրադարանում։ Այն մասամբ կազմված է բանաստեղծի մասնավոր սեփականությունից և մասամբ` ստեղծագործություններից, որոնք ավելացել են թանգարանի բացումից հետո։

Ինչպես և Լյութենհայդի թանգարանային համալիրի բոլոր մասերը, տունը ևս 2017 թվականից ճարտարապետության հուշարձան է։

Գրականություն

• Inge Bichel, Ulf Bichel, Joachim Hartig (Hrsg.): Klaus Groth. Eine Bildbiographie, Heide 1994, ISBN 3-8042-0642-5.
• Museumsinsel Lüttenheid (Hrsg.): 100 Jahre Klaus-Groth-Museum, Heide 2014.

Արտաքին հղումներ

• Լյութենհայդ թանգարանային կղզու կայքը

Վիքիպահեստն ունի նյութեր, որոնք վերաբերում են «Կլաուս Գրոտի տուն-թանգարան» հոդվածին։