Կիյոսի Ացումի

Վիքիպեդիայից՝ ազատ հանրագիտարանից
Jump to navigation Jump to search
Կիյոսի Ացումի
ճապ.՝ 渥美 清
Kiyoshi Atsumi Studio Still from Haikei Tenno Heika Sama 1963 Scan10003 161022.jpg
Ծնվել էմարտի 10, 1928(1928-03-10)[1][2]
ԾննդավայրՏոկիո, Ճապոնիա
Մահացել էօգոստոսի 4, 1996(1996-08-04)[1][2] (68 տարեկանում)
Մահվան վայրՏոկիո, Տոկիո, Ճապոնիա
ԿրթությունChuo University
ՔաղաքացիությունFlag of Japan.svg Ճապոնիա
Մասնագիտությունդերասան, երգիչ, կատակերգու և կինոդերասան
Երեխա(ներ)Q11576784?
Պարգևներ և մրցանակներPeople's Honour Award և Medal with Purple Ribbon

Կիյոսի Ացումի (ճապ.՝ 渥美清, մարտի 10, 1928(1928-03-10)[1][2], Տոկիո, Ճապոնիա - օգոստոսի 4, 1996(1996-08-04)[1][2], Տոկիո, Տոկիո, Ճապոնիա), իսկական անունը՝ Յասուո Թադոկորո (ճապ.՝ 田所 康雄) թատրոնի, կինոյի և հեռուստատեսության ճապոնացի կատակերգու դերասան: XX դարի վերջին երեք տասնամյակների ընթացքում ճապոնացիները անհամբերությամբ էին սպասում անհաջողակ հերոսի դժբախտությունների նոր սերիաներին: Ացումիի մասին քննադատներից մեկը ասել է. «Դերասանի դեմքը ճապոնացիներին ավելի հայտնի է, քան կայսեր դեմքը»:

Կենսագրություն[խմբագրել | խմբագրել կոդը]

Վաղ տարիներ[խմբագրել | խմբագրել կոդը]

Յասուո Թադոկորոն (նրա իսկական անունն է) ծնվել է Տոկիոյում թերթի թղթակից Տոմոձիրո Յասուո Թադոկորոյի (նախկինում՝ տարրական դպրոցի ուսուցիչ) և նրա կնոջ՝ տնային տնտեսուհի Տացուի (ժամանակ առ ժամանակ ծայրը ծայրին հասցնելու համար նա զբաղվել է տնայնագործական կար ու ձևով) ընտանիքում: Ապագա դերասանի լույս աշխարհ գալու ժամանակ ընտանքը ևս մեկ երեխա արդեն ուներ՝ նրա վեց տարեկան եղբայրը՝ Կենյիտիրոն (հետագայում նա մահացել է 25 տարեկանում): Իր մանկության մեծագույն մասը Կիյոսին անցկացրել է Տոկիոյի Իտաբասի շրջանում, ուր սովորել է Սուգամոյի միջնակարգ դպրոցի տարրական դասարաններում (ներկայումս՝ Sugamo High School): Նա վատ է սովորել՝ հիմնականում ցածր գնահատականներով: Երկրորդ համաշխարհային պատերազմի սկսվելուն պես նա, ինչպես շատ այլ երեխաներ, ստիպված է եղել աշխատել արտադրությունում: Նա ինքնաթիռների ռադիատորներ է հավաքել: Անցումային տարիքում դեռահասը հայտնվել է վատ շրջապատում, եղել է փողոցային բանդայի պարագլուխ և հաճախակի հայտնվել է ոստիկանության բաժանմունքներում: 1945 թվականին Կիյոսին մի կերպ ավարտել է միջնակարգ դպրոցը:

Պատերազմից հետո Ուենո կայարանի շրջակայքում գործող երիտասարդ մանր հանցագործների դաժան միջավայրում շարունակել է քրեական կյանքը: Տարօրինակ կերպով և Ացումին, և «առանց պատճառի ապստամբներից» մի քանիսը հետագայում դարձան բավականին հարգված մարդիկ (նրանց շարքում ՝ նույնիսկ համալսարանի ապագա դասախոս և ֆինանսաների նախարարության ներկայացուցիչ): Կիյոսիի գործունեության հիմնական ուղղությունը եղել է Սենդայից Տոկիո բրնձի անօրինական մաքսանենգությունը, ինչը հետպատերազմյան սովի տարիներին լայնորեն տարածված էր:

Նրա կյանքը դեպի լավը փոխվեց, երբ միացավ ոչ մեծ շարժական թատերական մի խմբի, որտեղ նրան սկզբում միայն օժանդակ աշխատանքներ վստահեցին, ինչպես օրինակ՝ բարձրացնել վարագույրը: Բայց, 1951 թվականի հունիսին նա, վերապատրաստվելով, սկսեց հանդես գալ որպես կատակերգու՝ զվարճացնելով Ասակուսա թաղամասի ժողովրդին, ապա սկսեց աշխատել հայտնի France-za ստրպ-շոուում, որից բազմաթիվ հայտնի կատակերգուներ են դուրս եկել: 1954 թվականին Կիյոսին լրջորեն հիվանդացավ. նրա մոտ տուբերկուլյոզ ախտորոշեցին, որի պատճառով հեռացրեցին աջ թոքը: Դրանից հետո Կիյոսին սկսեց ավելի հանդարտ և հավասարակշռված կյանք վարել՝ ընդգծված հատուկ ուշադրություն դարձնելով իր առողջությանը: Հիվանդությունից հետո 1956 թվականին վերադառնալով France-za՝ նա Fuji TV

Հեռուստաընկերության կողմից ներգրավեց տաղանդների բացահայտմանը՝ վարձվելով այն ժամանակ դեռևս նոր-նոր ձևավորվող փոքր էկրանի տարբեր շոուների համար: Այնուհետև նա պայմանագիր է կնքում NHK հեռուստաալիքի հետ, որտեղ էլ հանրահռչակ դարձավ ողջ Ճապոնիայում: 1962 թվականի եթերաշրջանում հանդես է եկել O-ban (Fuji TV) հեռուստասերիալում, որտեղ անպարկեշտ ռամիկի կերպար էր մարմնավորում, ով լի էր կենսական ուժով, եռանդուն էր և անդիմադրելի զավեշտական հմայք ուներ:

Կարիերան կինոյում[խմբագրել | խմբագրել կոդը]

Ֆիլմերում նա սկսել է նկարվել 1958 թվականից ի վեր՝ ոչ մեծ դերերով: Կինոմատոգրաֆիայում նրա առաջին նշանակալի աշխատանքը եղել է 1963 թվականի կինոշրջանում ռեժիսիոր Յոսիտարո Նոմուրի կողմից մեծ հիթ դարձած «Սիրով Նորին Մեծությանը» կատակերգությունում նրան տրված դերը: Հաջորդ տարի նկարահանվել է երկու առաջարկներում՝ «Սիրով Նորին Մեծությանը-2» և «Ողջ սիրով դեպի վարչապետը»:

1968 թվականին սկսվում է նոր շրջափուլ նրա կարիերայում: Fuji TV հեռուստաընկերությունը Կիյոսիին հրավիրում է խաղալու «Տղամարդը դժվար է ապրում» կատակերգական սերիալում Տորա-սանի դերը. սցենարիստը եղել է Յոդզի Յամադան: Սերիալը մեծ հաջողություն ունեցավ, և երբ գլխավոր հերոսը մեռնում է եզրափակիչ սերիայում, հեռուստաընկերությունը բառացիորեն ողողվում է զայրացած հեռուստադիտողների նամակներով, որոնց համար Տորա-սանը արդեն հարազատ էր դարձել: Այսպես «Սյոտիկու» կինոընկերության մարքետինգային ծառայության մոտ գաղափար հղացավ արդեն մեծ էկրանին շարունակել Տորա-սանի կյանքը: Բեմադրությունը հանձնարավեց Յոդզի Յամադային, Տորա-սանին դարձյալ մարմնավորեց Ացումին: «Սյոտիկու» ընկերությունը այդ ժամանակ այլ ընկերությունների նման ունենալով ֆինանսական դժվարություններ՝ նույնիսկ չէր էլ պատկերացնում, որ այս նախագիծը այն աստիճան հաջող կլինի, որ ֆիրման կփրկի սնանկացումից: Համարվում է, որ ֆիլմի հիմնական հաջողությունը գլխավոր դերում Կիյոսի Ացումիին նկարահանելն էր: Նրա կերպարը՝ Տորադզիրո Կուրուման (պարզապես՝ Տորա-սան) ծնվել էր Սիտամատիում, աղքատ ընտանիքում, նա անհանգիստ բնավորություն տեր էր, իր ամբողջ կյանքը նա, տարածախ առևտրականը, շրջում է քաղաքից քաղաք, երբեմն վերադառնում է հարազատ տուն, որտեղ ապրում են իր հորեղբայրը, հորաքույրը և քույրը՝ Սակուրան: Դերասանի մարդկային մեծ հմայքը այս դերի մեջ բացահայտվում է լիովին: Նախագծի շշմեցուցիչ հաջողության շնորհիվ «Սյոտիկու»-ի ղեկավարությանը նորանոր բազմաթիվ առաջարկներ էր ստանում: Այսպես, քառորդ դարի ընթացքում (1969 թվականից մինչև 1995 թվականը) նկարահանվել են 48 դրվագներ՝ պաշտոնապես ներառվելով Գինեսի ռեկորդների գրքի մեջ՝ որպես միևնույն հերոսով ամենաերկարատև սերիալը կինոյի պատմության մեջ: Սերիալը հետագայում ևս կնկարահանվեր, եթե 1996 թվականին դերասանը անժամանակ չմահանար թոքի քաղցկեղից: Նրա մահը, իսկ դրա հետ նաև՝ սիրելի սերիալի վերջանալը, սգում էին միլիոնավոր ճապոնացիներ:

Կիյոսի Ացումին մինչև իր կյանքի վերջը հրաժարվել է իր անձնական կյանքից որևէ բացահայտումներ անելուց: Դա վերաբերվում է նաև մահվանը: Ացումիի ընտանիքը չորս օր շարունակ թաքցրել է նրա մահվան փաստը: Միայն կինը՝ Մասակոն և նրա երկու երեխաներն են ներկա եղել դիակիզմանը: Նույնիսկ ռեժիսիոր Յոդզի Յամադան, ինչպես ցանկացած այլ մարդ, իր ֆիլմերի մեծ մասին աստղի մահվան մասին իմացել է միայն նրա ՝ առանց ավելորդ աղմուկի և արարողակարգի հեռանալուց հետո:

Մրցանակներ և նոմինացիաներ[խմբագրել | խմբագրել կոդը]

[3]

Մրցանակ Տարի Կատեգորիա Ֆիլմ (կամ սինգլ) Արդյունքներ
Ճապոնիայի ակադեմիականկինոմրցանակ 1978 Տղամարդու լավագույն դեր Ութ գերեզմանների գյուղը
Տղամարդը դժվար է ապրում, ֆիլմ 19:Տորադզիրոն և ջենտլմենը.
Տղամարդը դժվար է ապրում ֆիլմ 20: Դիմացիր Տորադզիրո!
Առաջադրված
1979 Տղամարդու լավագույն դեր Տղամարդը դժվար է ապրում, ֆիլմ 21: Տորադզիրոն քայլում է իր ճանապարհով
Տղամարդը դժվար է ապրում, ֆիլմ 22: Խոսակցություններ Տորադզիրոյի մասին
Առաջադրված
1980 Տղամարդու լավագույն դեր Տղամարդը դժվար է ապրում, ֆիլմ 23: Օդով սավառնող Տորադզիրոն
Տղամարդը դժվար է ապրում, ֆիլմ 24: Տորադզիրոյի գարնանային երազատեսությունը
Առաջադրված
1981 Հատուկ մրցանակ «Տղամարդը դժվար է ապրում» ֆիլմում նրա կատարած աշխատանքի համար Հաղթանակ
1981 Կնոջ լավագույն դեր Տղամարդը դժվար է ապրում, ֆիլմ 25: — Բաղրջուկի ծաղիկ Տորադզիրոն Առաջադրված
1982 Տղամարդու լավագույն դեր Տղամարդը դժվար է ապրում, ֆիլմ 26: Տորադզիրոյի գորշակապույտ որորի երգը
Տղամարդը դժվար է ապրում, ֆիլմ 27: Տորադզիրոյի
Առաջադրված
1983 Հատուկ պրեմիա Հաղթանակ
1987 Տղամարդու լավագույն դեր Տղամարդը դժվար է ապրում, ֆիլմ 36: Սիբամատի մեջ հոգին դրածը
Վերջին դուբլը
Առաջադրված
1997 Հատուկ պրեմիա Ցմահ գործունեության համար (հետմահու) Հաղթանակ
Կինոմրցանակ «Երկնագույն ժապավեն» 1983 Տղամարդու լավագույն դեր Տղամարդը դժվար է ապրում, ֆիլմ 30: Տորադզիրո՝ ծաղիկների և փոթորկի մեջ Հաղթանակ
1996 Հատուկ պրեմիա Հաղթանակ
1997 Հատուկ պրեմիա Կարիերայի համար (հետմահու) Հաղթանակ
Կինոմրցանակ «Մայնիտի» 1970 Տղամարդու լավագույն դեր Տղամարդը դժվար է ապրում
Տղամարդը դժվար է ապրում. շարունակություն
Տղամարդ-կին
Հաղթանակ
1997 Հատուկ պրեմիա Կարիերայի համար (հետմահու) Հաղթանակ
Nikkan Sports Film Award 1988 Տղամարդու լավագույն դեր Տղամարդը դժվար է ապրում, ֆիլմ 39: Պատմվածք Տորադզիրոյի մասին Հաղթանակ
1996 Հատուկ պրեմիա Կարիերայի համար (հետմահու) Հաղթանակ
Կինոմրցանակ

«Կինեմա Դզյումպո»

1970 Տղամարդու լավագույն դեր Տղամարդը դժվար է ապրում Հաղթանակ
Hochi Film Awards 1996 Տղամարդու լավագույն դեր Կարիերայի համար (հետմահու) Հաղթանակ

Ֆիլմագրություն[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 Person Profile // Internet Movie Database — 1990.
  2. 2,0 2,1 2,2 2,3 2,4 Encyclopædia Britannica
  3. Kiyoshi Atsumi on IMDb-Awards (անգլ.)
  4. 渥美清 on Japanese Movie Database (JMDb) (ճապոներեն)
  5. Kiyoshi Atsumi on IMDb (անգլ.)