Կիլո

Կիլո (հունարեն՝ χίλιοι – «հազար», հայերեն նշանակումը՝ կ, միջազգային նշանակումը՝ k), տասնորդական նախածանց, որը մեծացնում է ֆիզիկական մեծությունը 10³ (1000) անգամ։

Օրինակ՝

• 1 կիլոգրամ (1 կգ) — 1000 գրամ
• 1 կիլոմետր (1 կմ) — 1000 մետր
• 1 կիլովատտ (1 կՎտ) — 1000 վատտ
• 1 կիլոջոուլ (1 կՋ) — 1000 ջոուլ
• 1 կիլոֆլոպս — 1000 ֆլոպս

Կիլոն որպես երկուական նախածանց

Թվային տեխնոլոգիաների հետ կապված բնագավառներում հաճախ մեծությունները պատիկ են լինում երկուսի որևէ աստիճանի, և այդ պատճառով հաճախ այդ բնագավառներում կիլոբայթ ասելով նկատի են ունենում ոչ թե 1000 բայթ, այլ՝ 1024 (1024=2¹⁰)։ Շփոթություններից խուսափելու նպատակով 1999 թ․ Միջազգային էլեկտրոտեխնիկական կոմիտեն նոր ստանդարտ մտցրեց, որը սահմանում է նոր նախածանց՝ կիբի, որն արդեն մեծացնում է մեծությունը 1024-ով և ոչ թե հազարով։ Չնայած ստանդարտին՝ լայնորեն տարածված է, որ կիլոբայթը=1024բայթ։

Տես նաև

• Տասնորդական նախածանցներ
• Կիբի

Ծանոթություն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 429)։