Կարինե Մեսրոպյան
Կարինե Մեսրոպյան | |
|---|---|
| Ծնվել է | սեպտեմբերի 25, 1958 (65 տարեկան) |
| Ծննդավայր | Գորայք, Սիսիանի շրջան, Հայկական ԽՍՀ, ԽՍՀՄ |
| Մասնագիտություն | թարգմանչուհի |
| Քաղաքացիություն | հայ |
| Կրթություն | ԵՊՀ հայ բանասիրության ֆակուլտետ (1983) |
| Անդամակցություն | ՀԳՄ |
Կարինե Հուսիկի Մեսրոպյան (սեպտեմբերի 25, 1958, Գորայք, Սիսիանի շրջան, Հայկական ԽՍՀ, ԽՍՀՄ), հայ թարգմանչուհի, Հայաստանի գրողների միության անդամ 2013 թվականից։
Կենսագրություն[խմբագրել | խմբագրել կոդը]
Կարինե Մեսրոպյանը ծնվել է Սիսիանի շրջանի Բազարչայ (այժմ՝ Գորայք) գյուղում։ 1983 թվականին ավարտել է Երևանի պետական համալսարանի բանասիրական ֆակուլտետը։ 1984-1985 թթ. աշխատել է հայոց լեզվի և գրականության ուսուցիչ Աբովյանի շրջանի Նուռնուս գյուղում։ 1986-1991 թթ. աշխատել է մեթոդիստ ԽՍՀՄ գրական ֆոնդի Հայաստանի գրողների տանը։ 1991-1998 թթ. աշխատել է մեթոդիստ Հայաստանի գրողների միության մշակույթի բաժնում, 1998 թվականից Հայաստանի գրողների միության մշակույթի բաժնի պատասխանատուն է։ Կատարել է թարգմանություններ ռուս գրականությունից, հեղինակ է ակնարկների, խոհագրությունների («Լոր գյուղի հեքիաթը», «Ճանապարհին» /Գարուն ամսագիր, 1998), հարցազրույցների, որ տպագրվել են հայաստանյան գրական և էլեկտրոնային մամուլում[1]։
Թարգմանություններ[խմբագրել | խմբագրել կոդը]
|
Այս հեղինակի կատարած թարգմանությունների ցանկը կարող եք որոնել «Թարգմանչաց արվեստ» շտեմարանի «Թարգմանիչներ» բաժնում |
- Սիմոն Ծատուրյան։ «Վերադարձ. Լէմս»։ Վեպ․- Երևան։ «Ապոլոն», 2012.- 271 էջ։
- Բորիս Պաստեռնակ, Ռայներ Մարիա Ռիլկե, Մարինա Ցվետաևա։ «Ձայներ մենությունից»։ Նամականի․- Երևան, «Նաիրի», 2014․- 310 էջ։
- Յուրի Կարաբչիևսկի։ «Կարոտ առ Հայաստան»։ Վիպակ․- Երևան։ «Հրանտ Մաթևոսյան հիմնադրամ», 2018․- 142 էջ։
- Սիմոն Ծատուրյան։ «Ամեն ինչ սկսվում է մանկությունից»․- Երևան։ Էդիթ Պրինտ, 2017․- 798 էջ։ Բովանդ-ից՝ «Լէմս. վերադարձ», «Աղավնիները», «Գրամեքենան»։