Կարինա Հարությունյան
 | |
|---|---|
| Ծնվել է | դեկտեմբերի 4, 1970 (53 տարեկան) |
| Կրթություն | Ուզբեկստանի արվեստի ինստիտուտ (1993) |
| Քաղաքացիություն |  ԽՍՀՄ,  Ուզբեկստան և  Իտալիա |
| Մասնագիտություն | կինոդերասանուհի, թատրոնի դերասանուհի և մանկավարժ |
| Աշխատավայր | Ilkhom Theatre?, Կա Ֆոսկարի համալսարան, Accademia dei Filodrammatici? և Accademia teatrale veneta? |
Կարինա Ալբերտի Հարությունյան (դեկտեմբերի 4, 1970), ռուսական թատրոնի ու կինոյի դերասանուհի, մանկավարժ։
Կենսագրություն
[խմբագրել | խմբագրել կոդը]Կարինա Հարությունյանը ծնվել է 1970 թվականի դեկտեմբերի 4-ին։ 1989 թվականին ավարտել է Տաշքենդի պետական կոնսերվատորիային կից գործող Վ․ Ուսպենսկու անվան Հանրապետական միջին մասնագիտացված երաժշտական դպրոց-ինտերնատի դաշնամուրի բաժինը[1]։ 1993 թվականին ավարտել է Տաշքենդի Մ․ Ույգուրի անվան պետական թատերա-գեղարվեստական ինստիտուտը՝ Մարկ Վայլի արվեստանոցը[2]։
1991-1999 թվականներին որպես դերասանուհի աշխատել է «Իլխոմ» թատրոնում։ 1994-1999 թվականներին դերասանական վարպետություն է դասավանդել «Իլխոմ» թատրոնին կից գործող Դրամատիկական արվեստի դպրոցում[1]։
1999 թվականից ապրում և աշխատում է Իտալիայում։ 2003-2014 թվականներին եղել է Վենետիկի ճարտարապետական համալսարանի թատերական արվեստանոցի վարիչը։ 2003 թվականից դերասանական վարպետություն է դասավանդում Միլանի Սիրողական դերասանների ակադեմիայում (իտալ.՝ Accademia dei Filodrammatici) և Վենետիկի թատերական ակադեմիայում (իտալ.՝ Accademia Teatrale Veneta)[1]։
Դերերը կինոյում
[խմբագրել | խմբագրել կոդը]| Տարի | Ֆիլմ | Դեր |
|---|---|---|
| 2019
(ընթացքի մեջ) |
Առաջին պատահածի հետ | Լոլա Տիմուրովնա |
| 2017 | Հարձակում | Լենա Ռիժովա |
| 2016 | Երկրորդ տեսողություն | Ջեմի կին |
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 «Карина Арутюнян - биография, информация, личная жизнь». stuki-druki.com. 01.01.2019.
- ↑ «Арутюнян Карина Альбертовна». kino-teatr.ru. Վերցված է 2019 թ․ հունվարի 1-ին.
|
