Կանեփի թանգարան (Բեռլին)

Կանեփի թանգարան; գերմ.՝ Hanf Мuseum
Տեսակ	թանգարան
Երկիր	Գերմանիա
Տեղագրություն	Բեռլին
Վայր	Բեռլին
Հասցե	Mühlendamm 5, 10178 Berlin-Mitte10178
Հիմնադրվել է	1994
Կայք	hanfmuseum.de

Կանեփի թանգարան (գերմ.՝ Hanf Мuseum), թանգարան Բեռլինում՝ նվիրված կանեփ բույսին և այն ամենին, ինչ կապված է նրա հետ։ Գերմանիայի միակ թանգարանն^[1] ու իր տեսակի մեջ աշխարհում քչերից մեկն է։

Ծագման պատմություն[խմբագրել | խմբագրել կոդը]

Բեռլինում կանեփի թանգարան ստեղծելու նախաձեռնությունը պատկանում է կանեփի որպես օգտակար բույս խթանման գերմանական ընկերությանը (գերմ.՝ H.A.N.F. e.V.), իսկ դրա նախատիպը Ամստերդամի^[2] հաշիշի, մարիխուանայի և կանեփի թանգարանն^[en] էր՝ աշխարհի նման թանգարաններից թերևս ամենահայտնի և ամենաշատ այցելուներ ունեցողը^[3]։ Այն բանից հետո, երբ Բեռլինում կանեփի մասին պիլոտային ցուցահանդեսը դրական արձագանք ստացավ, որոշվեց կազմակերպել մշտական ցուցահանդես, որը բացվեց քաղաքի պատմական կենտրոնում՝ Նիկոլաիվիերտելում, 1994 թվականի դեկտեմբերի 6-ին^[2]։ Արդեն յոթ տարի անց թանգարանի այցելուների թիվը հատեց 100 հազարի սահմանը^[2]։

Ցուցադրություն[խմբագրել | խմբագրել կոդը]

Թանգարանի ցուցադրության մաս

Թանգարանի ցուցահանդեսը գտնվում է թանգարանի ութ սենյակներում, որոնց ընդհանուր մակերեսը կազմում է ավելի քան 250 մ²^[4]^[5] և հիմնականում նվիրված է^[6].

կանեփ բույսի կենսաբանական ասպեկտներին,
կանեփի մանրաթելերի և կանեփի յուղի վերամշակմանը և օգտագործմանը,
կանեփի բժշկական օգտագործմանը,
կանեփի դերին արվեստի և կրոնի մեջ,
կանեփի թմրամիջոցային ազդեցությանը,
կանեփի աճեցման և օգտագործման իրավական կարգավիճակը։

Բացի մշտական ցուցադրությունից` թանգարանում կազմակերպվում են նաև հատուկ ցուցահանդեսներ, այդ թվում՝ Թանգարանային գիշերվա շրջանակներում կամ առցանց^[7]։ Թանգարանն ունի խանութ և սրճարան, որտեղ կարելի է ձեռք բերել կանեփի հետ կապված տարբեր իրեր։