Կամիլլո Ռիպամոնտի

	Կամիլլո Ռիպամոնտի; իտալ.՝ Camillo Ripamonti
Դրոշ	Իտալիայի զբոսաշրջության և դիտարժան միջոցառումների նախարար
1974 թվականի մարտի 14 - 1974 թվականի նոյեմբերի 23
Նախորդող	Նիկոլա Սիգնորելլո
Հաջորդող	Ադոլֆո Սարտի
Դրոշ	Իտալիայի արտաքին առևտրի նախարար
1972 թվականի փետրվարի 17 - 1972 թվականի հունիսի 26
Նախորդող	Մարիո Ձագարի
Հաջորդող	Մատեո Մատեոտի
Դրոշ	Իտալիայի առողջապահության նախարար
1968 թվականի դեկտեմբերի 21 - 1970 թվականի մարտի 27
Նախորդող	Էննիո Ձելիոլի Լանցինի
Հաջորդող	Լուիջի Մարիոտի
Կուսակցություն՝	Քրիստոնեական-դեմոկրատական կուսակցություն
Կրթություն՝	Միլանի պոլիտեխնիկական համալսարան
Մասնագիտություն՝	Քաղաքական գործիչ
Գործունեություն՝	Քաղաքականություն
Ազգություն	Իտալիա
Դավանանք	Կաթոլիկություն
Ծննդյան օր	մայիսի 25, 1919
Ծննդավայր	Գոռգոնձոլա, Միլան, Լոմբարդիա, Իտալիայի թագավորություն
Վախճանի օր	ապրիլի 23, 1997 (77 տարեկան)
Վախճանի վայր	Միլան, Իտալիա
Քաղաքացիություն	Իտալիա և Իտալիայի թագավորություն
Ի ծնե անուն	իտալ.՝ Camillo Ripamonti
Պարգևներ
Camillo Ripamonti

Կամիլլո Ռիպամոնտի (իտալ.՝ Camillo Ripamonti, մայիսի 25, 1919(1919-05-25), Գոռգոնձոլա, Միլան, Լոմբարդիա, Իտալիայի թագավորություն - ապրիլի 23, 1997(1997-04-23), Միլան, Իտալիա), իտալացի պետական գործիչ, 1968-1970 թվականներին Իտալիայի առողջապահության նախարար^[2]։

Կենսագրություն

Կամիլլո Ռիպամոնտին ծնվել է 1919 թվականի մայիսի 25-ին Գոռգոնձոլա կոմունայում, Միլան։ Բարձրագույն ինժեներական կրթություն է ստացել Միլանի պոլիտեխնիկական համալսարանում, աշխատել է մասնագիտությամբ։ 1946 թվականին դարձել է Գոռգոնձոլա կոմունայի քաղաքապետ, այդ պաշտոնը զբաղեցրել է 34 տարի՝ մինչև 1980 թվականը։ Հանդիսացել է քաղաքային պլանավորման ազգային ինստիտուտի նախագահ և Լոմբարդիայի տնտեսական և սոցիալական հետազոտությունների ինստիտուտի նախագահ։ ILSES հասարակական գիտություններ (Istituto lombardo di studi economici e sociali): Նա նաև ընտանիքի սոցիալական ծառայությունների ինստիտուտի (Istituto servizio sociale familiare) ժամանակավոր նախագահն է եղել։

1958-1968 թվականներին Քրիստոնեական-դեմոկրատական կուսակցությունից ընտրվել է պատգամավորների պալատ, որտեղ մտել էհասարակական աշխատանքների հարցերով կոմիտեի կազմում։

1968-1983 թվականներին Լոմբարդիայի նահանգից եղել է Սենատի անդամ։ Մտել է հանրային աշխատանքների, տրանսպորտի, փոստային կապի, հեռահաղորդակցության և առևտրային նավատորմի (1968-1972) և Սենատի առողջապահության և հիգիենայի հարցերի մշտական (1971-1972) կոմիտեների կազմում։ Ընտրվել է Սենատի արդյունաբերության, առևւտրի և զբոսաշրջության մշտական կոմիտեի նախագահ (1972-1973), միաժամանակ եղել է Սենատի հանրային աշխատանքների և հաղորդակցության հարցերի մշտական հանձնաժողովի անդամ։ 1974-1983 թվականներին հանդիսացել է բյուջեի մշտական կոմիտեի անդամ և եվրոպական համայնքի հարցերով կոմիտեի անդամ (1979-1983)։

Բազմիցս ընդգրկվել է երկրի կառավարության կազմում՝

1968-1970 թվականներին եղել է առողջապահության նախարար^[2],
1970 թվականից մինչև 1972 թվականը հանդիսացել է գիտական հետազոտությունների և տեխնոլոգիաների նախաձեռնությունների համակարգման առանց պորտֆելի նախարար^[2],
1972 թվականի փետրվարից մինչև հունիսը զբաղեցրել է Իտալիայի արտաքին առևտրի նախարարի պաշտոնը^[1]։
1973-1974 թվականներին՝ մշակութային ժառանգության հարցերով առանց պորտֆելի նախարար^[1],
1974 թվականի մարտից մինչև նոյեմբերը եղել է զբոսաշրջության և դիտարժան միջոցառումների նախարար^[1]։

Մրցանակներ և կոչումներ

Մեդալ «Մշակույթի և արվեստի զարգացման մեջ վաստակի համար» (1980)։

Ծանոթագրություններ

↑ ^1,0 ^1,1 ^1,2 ^1,3 «Scheda di attività Camillo RIPAMONTI - VI Legislatura». Senato.it. Վերցված է 2016 թ․ մարտի 20-ին.
↑ ^2,0 ^2,1 ^2,2 ^2,3 «Scheda di attività Camillo RIPAMONTI V Legislatura – Dati anagrafici e incarichi». Senate of the Republic (Italy). Վերցված է 2016 թ․ մարտի 20-ին.

Արտաքին հղումներ

Archivio Camillo Ripamonti

Աղբյուրներ

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Կամիլլո Ռիպամոնտի կատեգորիայում։

[VI_Legislatura-1] 1,0 ^1,1 ^1,2 ^1,3 «Scheda di attività Camillo RIPAMONTI - VI Legislatura». Senato.it. Վերցված է 2016 թ․ մարտի 20-ին.

[anni68-72-2] 2,0 ^2,1 ^2,2 ^2,3 «Scheda di attività Camillo RIPAMONTI V Legislatura – Dati anagrafici e incarichi». Senate of the Republic (Italy). Վերցված է 2016 թ․ մարտի 20-ին.

[1]

[2]