Կադիսի ծոց

Վիքիպեդիայից՝ ազատ հանրագիտարանից
Jump to navigation Jump to search
Picto infobox map.png
Կադիսի ծոց
իսպ.՝ Golfo de Cádiz
պորտ.՝ Golfo de Cádis

'
Կոորդինատներ 36°50′00″ հս․. լ. 7°10′00″ ամ. ե. / 36.8333° հս․. լ. 7.1667° ամ. ե. / 36.8333; -7.1667Կոորդինատներ: 36°50′00″ հս․. լ. 7°10′00″ ամ. ե. / 36.8333° հս․. լ. 7.1667° ամ. ե. / 36.8333; -7.1667
Երկիր Պորտուգալիա

Իսպանիա

Ջրատարածություն Ատլանտյան օվկիանոս
Ընդհանուր մակերեսը 7000 կմ²
Ամենամեծ խորությունը 100 մ
##Կադիսի ծոց (Իսպանիա)
Red pog.svg
##Կադիսի ծոց (Եվրոպա)
Red pog.svg

Կադիսի ծոց (իսպ.՝ Golfo de Cádiz, պորտ.՝ Golfo de Cádis), 320 կմ երկարությամբ բաց ծոց Ատլանտյան օվկիանոսում, Պիրենեյան թերակղզու հարավ–արևմտյան ափի երկայնքով, Պորտուգալիայի Ֆառու քաղաքից մինչև Տրաֆալգար հրվանդան, Ջիբլարթարի նեղուցի արևմտյան մասում։ Ողողում է Ուելվա գավառի ափերը, Կադիս գավառի ատլանտյան ափը և պորտուգալական Ալգարվե գավառի հարավային ափը: ներառում է Կադիսի ծովախորշը: Խորությունը՝ մինչև 100 մ: Տարածքը՝ 7000 մ: Ջրի միջին ջերմաստիճանը կազմում է +15 °C: Կեսօրյա մակընթացությունների բարձրուրյունը հասնում է 3 մետրի:

Դեպի Ատլանտիկա ունեցած բաց դիրքի, դեպի Միջերկրական ծով ունեցած ելքի և ծոցը թափվող բազմաթիվ գետերի շնորհիվ Կադիսի ծոցն ամբողջ պատմության ընթացքում կարևոր դեր է ունեցել: Այս հատկանիշների շնորհիվ այստեղ ստեղծվել են մեծ թվով նավահանգիստներ և զարգացել է նավարկությունը`հատկապես Քրիստափոր Կոլումբոսի կողմից նոր աշխարհամասի հայտնագործումից հետո։ Դիրքի պատճառով այդտեղ տեղի են ունեցել շատ ծովամարտեր, դրանցից հատկապես նշանավոր է Տրաֆալգարի ճակատամարտը։ Վերջին ժամանակներում Կադիսի ծոցում դիտվում է թույլ, բայց պարբերական կրկնվող սեյսմիկ ակտիվություն։ Իսպանիայի ափային գիծը ծոցի ամբողջ երկայնքով թույլ կտրտված է, ցածրադիր և ճահճոտ։ Պորտուգալիայի ափերը հիմնականում ծերպոտ են՝ բաղկացած քարային-ածխային և ավազային ապարներից։ Ծոց թափվող հիմնական գետերն են՝ Գվադիանան և Գվադալկիվիրը։

Հիմնական նավահանգիստներն են պորտուգալական Վիլա Ռեալ դե Սանտու Անտոնիու, Տավիրա, Օլյան, Ֆարու, իսպանական Կադիս, Ուելվա, Սան Ֆեռնանդո նավահանգիստները։ Ծոցի իսպանական հատվածի մեծ մասը մտնում է վինդսերֆինգի սիրահարների մոտ մեծ հռչակ վայելող Կոստա դե լա Լուս ծովային բուժավայրի մեջ։ Գվադալկիոիր գետից ոչ հեռու գտնվում է «Դոնյանա» ազգային պարկը։

Տնտեսական եկամուտի հիմնական աղբյուրներն են ձկնորսությունը, ծովային տրանսպորտը, առևտուրը և զբոսաշրջությունը։ Բացի այդ, Գվադալկվիվիրյան իջվածքի երկայնքով բացվել է մի քանի գազային հանքակուտակ։

Արտաքին հղումներ[խմբագրել | խմբագրել կոդը]