Ծռված անտառ

Վիքիպեդիայից՝ ազատ հանրագիտարանից
Jump to navigation Jump to search
Ծռված անտառ
Nowe czarnowo-krzywy las.jpeg
Տեսականտառ
ԵրկիրFlag of Poland.svg Լեհաստան
Մակերես0,3 կմ²
Կոորդինատներ: 53°12′50.000004099999″ հս․ լ. 14°28′30.000000099999″ ավ. ե. / 53.21388889002777489° հս․. լ. 14.47500000002777831° ավ. ե. / 53.21388889002777489; 14.47500000002777831

Ծռված անտառ (լեհերեն՝ Krzywy Las), բնության հուշարձան Լեհաստանի Հանրապետության Արևմտապոմերյան վոևոդության Գրիֆինոյի շրջանում, Նովե Չառնովո գյուղի և Դոլնա Օդրա էլեկտրակայանի աշխատողների ավանի մերձակայքում: Զբաղեցնում է 1,7 հեկտար տարածք: Այդ անտառով է անցնում Շչեցին Կլյուչից Մեշկովիցե տանող զբոսաշրջային կարմիր երթուղի-արահետը:

Անվանումն առաջացել է անտառի մի հատվածում աճող, սովորական տեսակի, սակայն ինչ-որ պատճառով միանման ծռված շուրջ 100 սոճիների կապակցությամբ[1]: Այդ ծառերը գետնից 20 սանտիմետր բարձրության վրա ծռված են մոտավորապես 90 աստիճանի տակ, և ծռվածքը որոշ դեպքերում հասնում է մինչև 3 մետր բարձրության: Ծառերի ամբողջական բարձրությունը 11–12 մետր է: Դրանք տնկվել են 20-րդ դարի 30-ական թվականներին, ամենայն հավանականությամբ՝ 1934-ին[2]):

Ուսումնասիրողները տարբեր վարկածներ են առաջ քաշել ծառերի միատեսակ ծռվածությունը բացատրելու համար: Վարկածներից մեկի համաձայն՝ այդ ծառերը տնկած մարդկանց նպատակադրված գործողությունների արդյունք է դա: Վերջիններս ծառերին այդպիսի տեսք են հաղորդել հետագայում դրանցից կահույք[3], մակույկներ, սահնակներ[4] պատրաստելու նպատակով:

Galileo ծրագրում ընդգրկված պրոֆեսոր Կրեմերի կարծիքով՝ այդ սոճիները 6-10 տարեկանում հատել են ամանորյա տոնածառ դարձնելու նպատակով, կտրել են նաև հատված բնի ճյուղերը՝ թողնելով միայն ամենացածր ճյուղերից մեկը, որը շարունակել է աճել, բայց արդեն ուղղահայաց, և ժամանակի ընթացքում ծառն ստացել է յուրահատուկ ծռված տեսք[5][6]:

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. http://www.gryfino.szczecin.lasy.gov.pl/pomniki-przyrody#.WKlsV_In1Ou 
  2. Wrota Gryfina: Krzywy las
  3. http://www.gryfino.powiat.pl/index.php/walory-przyrodnicze/27-krzywy-las 
  4. http://www.gryfino.pl/UMGryfinoFiles/252D130E_07_str_turystyka.htm 
  5. http://www.gryfino.szczecin.lasy.gov.pl/wydarzenia/-/asset_publisher/1M8a/content/galileo-w-krzywym-lesi-1#.WKlt_PIn1Os 
  6. https://www.dailymotion.com/video/x6ihdeb 

[1] }}

Արտաքին հղումներ[խմբագրել | խմբագրել կոդը]

  1. http://crfop.gdos.gov.pl/CRFOP/widok/viewpomnikprzyrody.jsf?fop=PL.ZIPOP.1393.PP.3206043.550