Խնձորենու սղոցող
Խնձորենու սղոցող | |
Խնձորենու սղոցող (լատին․՝ Haplocampa testudinea klug), խնձորենու վնասատու։
Նկարագրություն[խմբագրել | խմբագրել կոդը]
Մարմինը (երկարությունը՝ 6–7 մմ) ներքևից դեղին է, իսկ վերևի կողմում՝ գորշասև։ Թևերն անգույն են։ Թրթուրն ունի 10 զույգ ոտքեր։ Տարածված է Արևմտյան Եվրոպայում, Ռուսաստանում, Մոլդովայում, Ուկրաինայում և այլն։ Հայաստանում հանդիպում է հյուսիս-արևլյան շրջաններում, Երևանի շրջակա խնձորուտներում։ Թրթուրը ձմեռում է հողում (1–16 սմ խորություն), հարսնյակավորում է վաղ գարնանը, հասունների թռիչքը՝ ապրիլի վերջերին։ Ձվադրում են (50–80 ձու) ծաղկակոկոնների բաժակաթերթիկների հիմքում՝ էգի կողմից սղոցաձև ձվադիրով բացված անցքի մեջ։ Ձվի զարգացումը՝ 7–10 օր։ Տարեկան տալիս է 1 սերունդ։ Ձվից դուրս եկած թրթուրները սնվում են նոր ձևավորված պտուղներով։ Խնձորենու սղոցողը վնասում է միայն խնձորենուն։
Պայքարի միջոցառումները[խմբագրել | խմբագրել կոդը]
Խնձորենու սղոցողի դեմ պայքարում են վեգետացիայի ընթացքում ծառերի մշակմամբ՝ ագրորի (400 գ/լ), անթիոյի (250 գ/լ), դանադիմի (400 գ/լ) խտացված էմուլսիաներով և այլ քիմիական միջոցներով։
Այս հոդվածի կամ նրա բաժնի որոշակի հատված վերցված է «Գյուղատնտեսական հանրագիտարանից», որի նյութերը թողարկված են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թույլատրագրի ներքո։ |