Խճաքարային խխունջ
Խճաքարային խխունջ | ||||||||
---|---|---|---|---|---|---|---|---|
Գիտական դասակարգում | ||||||||
|
||||||||
Լատիներեն անվանում | ||||||||
Orculella ruderalis
|
Խճաքարային խխունջ (լատին․՝ Orculella ruderalis), օրկուլիդների ընտանիքին պատկանող փափկամարմին կենդանի։ Գրանցված է Հայաստանի Հանրապետության Կարմիր գրքում։
Նկարագրություն[խմբագրել | խմբագրել կոդը]
6 մմ բարձրությամբ, 2,25-2,5 մմ լայնությամբ, 8-9 գրեթե տափակ պտույտներով, ելանցքի մոտ երկու (մեկական վերին և ստորին կողմերում գտնվող) ատամիկներով խեցին փոքր է։
Տարածվածություն[խմբագրել | խմբագրել կոդը]
Հայաստանի էնդեմիկ տեսակ է։ Հանդիպում է Գնիշիկ գյուղի շրջակայքում (Վայոց ձորի մարզ)։
Էկոլոգիա[խմբագրել | խմբագրել կոդը]
Ապրում է ծովի մակարդակից 1600-1800 մ բարձրությունների վրա, լեռնատափաստանային գոտու չորային արոտավայրերում, հանդիպում են քարերի, խճաքարերի, բարձրաձև փշոտ կիսաթփերի տակ, նաև լեռնային ապարների ճեղքերում։
Կենսաբանական առանձնահատկությունները հայտնի չեն։
Պահպանություն[խմբագրել | խմբագրել կոդը]
Ծայրահեղ սահմանափակ արեալով հազվագյուտ տեսակ է, որը Բնության պահպանության միջազգային միության Կարմիր ցուցակի չափորոշիչներով ներկայումս գնահատվում է որպես կրիտիկական վիճակում գտնվող տեսակ։
Թվաքանակը, որի փոփոխության միտումները բարձր չեն, տարածման տիպիկ վայրերում բավականին բարձր է։
Վտանգման հիմնական գործոններն են՝ անասունների գերածեցումը և արոտավայերի հերկումը։
Պահպանության միջոցառումներ չեն իրականացվում[1]։
Ծանոթագրություններ[խմբագրել | խմբագրել կոդը]
- ↑ Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.