Խաղալիք (ֆիլմ)

Վիքիպեդիայից՝ ազատ հանրագիտարանից
Picto infobox cinema.png
Խաղալիք
Le Jouet
LE JOUET VOD.jpg
Երկիր Flag of France.svg Ֆրանսիա
Թվական 1976
Լեզու ֆրանսերեն
Ռեժիսոր Ֆրանսիս Վեբեր
Պրոդյուսեր Ալան Պուռ
Սցենարի հեղինակ Ֆրանսիս Վեբեր
Դերակատարներ Պիեռ Ռիշար, Միշել Բուկե, Ժակ Ֆրանսուա, Միշել Օմոն, Ժերար Ժյունյո, Ալիկս Մախյե, Շառլ Ժերար, Դանիել Սեկալդի, Եվա Դարլան, Ժակլին Նոել, Լին Շարդոնե, Միշել Ռոբեն, Միշել Ռուլ, Միշել Սանդ, Ռոժ. Ռիֆար և Իվ Բարսակ
Օպերատոր Էտյեն Բեկեր
Երաժշտություն Վլադիմիր Կոսմա
Տևողություն 95 րոպե

«Խաղալիք» (ֆր.՝ Le Jouet), ֆրանսիական կինոկատակերգություն։ Նկարահանել է ռեժիսոր Ֆրանսիս Վեբերը 1976 թվականին։

Սյուժե[խմբագրել | խմբագրել կոդը]

Ֆրանսուա Պերենը գործազուրկ լրագրող է։ Երկար որոնումներից հետո հաջողվում է աշխատանք ստանալ «France Hebdo» թերթում։ Պերենի առաջին լուրջ առաջադրանքը եղավ խաղալիքների խանութի մասին հոդված գրելը, որը, ինչպես և թերթը, պատկանում է միլիոնատեր Պիեր Ռոմբալ–Կոշեին։ Վերջինս կառավարում է իր ֆինասական «կայսրությունը» բռնակալի նման (օրինակ՝ աշխատանքից հեռացնում է մի լրագրողի միայն այն պատճառով, որ նրա ձեռքերը խոնավ են)։

Խանութում Պերենին նկատում է միլիոնատիրոջ տղան՝ Էրիկը, ում բերել էին խաղալիք գնելու։ Պերենը տղային դուր է գալիս, և վերջինս համառորեն պնդում է, որ իր համար որպես խաղալիք գնեն հենց Պերենին։ Պերենը դիմադրում է, բայց խանութի տնօրենը և թերթի գլխավոր խմբագիրը՝ Բլենակը, համոզում են նրան տեղփոխվել միլիոնատիրոջ տուն, որպես խաղալիք։ Չնայած նվաստացուցիչ վիճակին, որում հայտնվել էր, Պերենը չի կորցնում արժանապատվությունը։ Խաղալով Էրիկի հետ, ճանաչելով նրան մոտիկից՝ լրագրողը որոշում է զբաղվել տղայի դաստիարակությամբ։ Ավելի ուշ Բլենակի շնորհիվ պարզ է դառնում, որ տղան ունի հոգեբանական խնդիրներ՝ կապված ծնողների բաժանման և հոր յուրօրինակ բնավորության հետ։ Բայց Պերենը կարողանում է ընկերանալ երեխայի հետ և ցույց տալ նրան իր և հոր եսասիրության և հանդիմանական բնավորության տհաճ էությունը։ Պերենի և Էրիկի զբաղմունքներից է դառնում երգիծական թերթի թողարկումը, որն առաջացնում է Ռոմբալ–Կոշեի սաստիկ կատաղությունը, բայց միևնույն ժամանակ ձևավորվում է ակամա հարգանք Պերենի հանդեպ։

Արտաքին հղումներ[խմբագրել | խմբագրել կոդը]