Լևոն Մամիկոնյան

Լևոն Մամիկոնյան
Ծնվել է	հուլիսի 27, 1932 (92 տարեկան); Երևան, Հայկական ԽՍՀ, ԱԽՖՍՀ, ԽՍՀՄ
Երկիր	Հայաստան
Մասնագիտություն	երաժիշտ և ջութակահար

Վիքիպեդիայում կան հոդվածներ Մամիկոնյան ազգանունով այլ մարդկանց մասին։

Լևոն Մանվելի Մամիկոնյան (հուլիսի 27, 1932(1932-07-27), Երևան, Հայկական ԽՍՀ, ԱԽՖՍՀ, ԽՍՀՄ), հայ ջութակահար, մանկավարժ, ՀԽՍՀ վաստակավոր արտիստ (1973), պրոֆեսոր (1978 թվականից)։ Դաշնակահար Վարդան Մամիկոնյանի հայրն է։

Կենսագրություն

Լևոն Մամիկոնյանը ծնվել է 1932 թվականի հուլիսի 27-ին Երևանում։ Սովորել է Երևանի պետական կոնսերվատորիայում, որ ավարտել է 1956 թվականին (Կարպ Դոմբաևի դասարան)։ 1960 թվականին ավարտել է Սանկտ Պետերբուրգի կոնսերվատորիայի ասպիրանտուրան (ղեկավարներ՝ Մ. Վայման և Լ. Ռաաբեն)։

1961–1993 թվականներին Լևոն Մամիկոնյանը դասավանդել է Երևանի պետական կոնսերվատորիայում, որտեղ 1974 թվականից մինչև 1993 թվականը եղել է ամբիոնի վարիչ։ 1963–1976 թվականներին եղել է Հայհամերգի լարային քառյակի 1-ին ջութակ^[1]։

1973 թվականին Լևոն Մամիկոնյանն արժանացել է ՀԽՍՀ վաստակավոր արտիստի կոչման։

Հեղինակել է անսամբլային մեթոդիկային վերաբերող ուսումնասիրություններ։

1993 թվականին տեղափոխվել է Ֆրանսիա^[2]։

Ծանոթագրություններ

Գրականություն

Սարյան Ա., Ջութակահար Լևոն Մամիկոնյանի կյանքը և ստեղծագործական ուղին, Երևան, 2009։
Ով ով է. Հայեր, կենս. հանրագիտ., հատոր Ա., Երևան, 2005։

Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։

[1] Լևոն Մամիկոնյանի մասին

[2] Լևոն Մամիկոնյան

[1]

[2]