Լոռի Բերդի խաչքար
Լոռի Բերդի խաչքար | |
---|---|
' | |
Նյու Յորքի Մետրոպոլիտեն թանգարան | |
բարձրություն | 182.9 |
լայնություն | 98.4 |
խորություն | 22.9 |
քաշ | 907.2 կգ |
ստեղծվել է | 12-րդ դ.[1][2] |
Մետրոպոլիտեն թանգարանի կայք |
Լոռի Բերդի խաչքար, 12-րդ դարի բազալտե մոնումենտալ խաչքար, որ 2008 թվականից ցուցադրվում է Նյու Յորքի Մետրոպոլիտեն թանգարանի[1] Բյուզանդական արվեստի բաժնի «Մերի և Մայքլ Ջահարիս» սրահում[3]։ Խաչքարը երկարաժամկետ փոխառվել է Հայաստանի պատմության թանգարանից (ՀՊԹ Ժ-54)[2]։
22/09/2018-13/01/2019 ժամանակահատվածում ներկայացվում է Մետրոպոլիտեն թանգարանում բացված «Արմենիա» ցուցահանդեսում[2]։
Նկարագրություն[խմբագրել | խմբագրել կոդը]
12-րդ դարի մոնումենտալ խաչքարի վրա փորագրված են խորհրդանիշեր չորս ավետարանչականներից, մեծածավալ խաչ, ցայտաղբյուրների վրա փոքրիկ թռչուններ, զարդանախշեր։ Խաչքարը պատրաստվել է Լոռիում։ Տեղադրման հարցում իր աջակցությունն է բերել Հակոբ Գևորգյանի անվան հիմնադրամը (ԱՄՆ)։ Խաչքարի ընտրության և տեղադրման աշխատանքներն իրականացրել է Մետրոպոլիտեն թանգարանի համադրող, «Մերի և Մայքլ Ջահարիս» ցուցասրահի վարիչ Հելնն Էվանսը։
«Ժամանակավոր արտահանում»[խմբագրել | խմբագրել կոդը]
2008 թվականից Լոռի Բերդի խաչքարը ցուցադրվում է Նյու Յորք քաղաքի Մետրոպոլիտենի թանգարանի X-XIII դդ. համաքրիստոնեական մշակույթը ներկայացնող սրահում՝ Հայաստանի պատմության թանգարանի տրամադրած ընդարձակ բացատրագրով։ Պայմանավորված հայկական ինքնատիպ մշակութային ժառանգությունը Մետրոպոլիտենի արվեստի թանգարանում ժամանակավոր ցուցադրության միջոցով միջազգային հանրությանը ներկայացնելու անհրաժեշտությամբ՝ «Ժամանակավոր արտահանում» մաքսային ռեժիմը ՀՀ կառավարության կողմից նախ երկարաձգվել է մինչև 2014 թվականի փետրվարի 15-ը[4][5], ապա՝ մինչև 2017 թվականի փետրվարի 15-ը[6]։
Ծանոթագրություններ[խմբագրել | խմբագրել կոդը]
- ↑ 1,0 1,1 Monumental Khatchkar (Stone Cross) – the First on Display in a U.S. Museum – on Special Loan to Metropolitan Museum from Republic of Armenia
- ↑ 2,0 2,1 2,2 Khachkar (Stone Cross)
- ↑ Խաչքար Մետրոպոլիտեն թանգարանում
- ↑ ՀՀ կառավարության որոշում, «Հայաստանի պատմության թանգարան» ՊԱԿԻ-ի կողմից արտահանված Լոռի Բերդի խաչքարի նկատմամբ կիրառված «Ժամանակավոր արտահանում» մաքսային ռեժիմի ժամկետի երկարաձգումը թույլատրելու մասին
- ↑ Նյու Յորքի Մետրոպոլիտենի արվեստի թանգարանում հայկական Լոռի-Բերդի խաչքարի ցուցադրությունը կերկարաձգվի
- ↑ Խաչքարը Նյու Յորքի թանգարանում կմնա մինչև 2017 թվականը