Լոդևի շրջան (ֆր․՝ Arrondissement de Lodève), վարչական շրջան Ֆրանսիայում՝ Օքսիտանիա երկրամասի Էրո դեպարտամենտի ծայր հյուսիսային մասում։ Հյուսիսում սահմանակից է Գար դեպարտամենտին, արևելքում՝ Մոնպելիեի շրջանին, հարավում՝ Բեզիեի շրջանին, արևմուտքում՝ Ավերոնի դեպարտամենտին։ Ունի 122 համայնք։ Զբաղեցնում է 2005 քառակուսի կիլոմետր տարածք, 2016 թվականի տվյալներով բնակչության թվաքանակը եղել է 138․746[2]։ Խոշոր բնակավայրերն են Սեն Ժելի դյու Ֆեսկը (Saint-Gély-du-Fesc, 10,197 բնակիչ), Կլերմոն լ՛Էրոն (Clermont-l'Hérault, 9․029 բնակիչ) և Լոդևը (Lodève, 7․477 բնակիչ), որը նաև շրջանի սուպրեֆեկտուրան՝ վարչական կենտրոնն է[3]։
Շրջանը կազմավորվել է 1800 թվականին, 1926 թվականին լուծարվել է, 1942 թվականին վերականգնվել[4]։ 2009 թվականին Մոնպելիեի շրջանից նրան են փոխանցվել Անիան,Գանժ և Սեն Մարտեն դը Լոնդր կանտոնները[5]։ 2017 թվականի հունվարին, Էրո դեպարտամենտի շրջանների վերակազմավորման արդյունքում, Լոդևի շրջանին Մոնպելիեի շրջանից տրվել է 26, Բեզիեի շրջանից՝ 5 համայնք, իսկ Լոդևի շրջանից էլ 7 համայնք տրվել է Բեզիեի շրջանին[6]։
2015 թվականին Ֆրանսիայում տեղի ունեցած կանտոնների վերակազմավորման արդյունքում Լոդևի շրջանում ձևավորվել են հետևյալ կանտոնները[7]․
Ֆրանսիա
